18:22 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Բողոքի ակցիա Իջևանում

Ցուցարարները խոսում էին նախապայմանով. Օսիպյանը մեկնաբանել է Իջևանի միջադեպը

© Sputnik / Stringer
Հայաստան
Ստանալ կարճ հղումը
10301

Իջևանի բախումների փաստով քրեական գործ է հարուցվել։ Ոստիկանապետը վստահեցնում է, որ միջադեպի բոլոր մեղավորները պատժվելու են։

ԵՐԵՎԱՆ, 18 հուլիսի — Sputnik. Երեկվանից Իջևանում մեծ քանակությամբ ոստիկանական ուժեր են կուտակվել։ Այնտեղ է նաև ՀՀ Ոստիկանության պետ Վալերիյ Օսիպյանը, ով տեղում աշխատող լրագրողների հետ զրույցում մեկնաբանեց երեկ ուշ երեկոյան ոստիկանների ու իջևանցիների միջև տեղի ունեցած բախումները։

Օսիպյանը հայտնեց, որ հուլիսի 17-ին, տեղեկանալով Իջևանում լարված իրավիճակի մասին, այդ մասին զեկուցել է ՀՀ վարչապետին ու մեկնել Իջևան։

«Ինձ դիմավորեցին շուրջ 30 քաղաքացի։ Ես նրանց հետ բանակցում էի մոտ կես ժամ։ Այդ ընթացքում ես բացատրում էի նրանց կողմից անօրինական պահանջը։ Նրանք պահանջում էին, որպեսզի մենք վերացնենք Տավուշի մարզում տեղակայված անշարժ պահակետերը, որոնք վերահսկում են Իջևանից, Տավուշից ապօրինի ծառահատման դեպքերը։ Նրանք խոսում էին պայմանով։ Մեքենաներ կային, որոնք գտնվում էին ոստիկանության բաժիններում` մի մասը հատված ծառերով` առանց փաստաթղթերի։ Պայման էին դնում, որ իրենց ընկերներին բաց թողնենք, մեքենաները բաց թողնենք։ Ես բացատրեցի, որ ոչ թե չենք թողնելու, այլև միջադեպի հետ կապված քրեական գործ է հարուցվելու, ու մեղավորները պատասխանատվություն ն կրելու»,– ասաց Օսիպյանը։

Նա նաև հայտնեց, որ քրեական գործն արդեն հարուցվել` խուլիգանության և պետության ներկայացուցչին դիմադրություն ցուցաբերելու հատկանիշներով։ 19 անձ բերման է ենթարկվել, բայց Օսիպյանը վստահեցրեց, որ գործընթացը շարունակական է լինելու ու բոլոր մեղավորները բացահայտվելու են և պատժվելու։

Ինչ վերաբերում է ոստիկանների առողջական վիճակին, ոստիկանապետը հայտնեց, որ նրանք ստացել են տարբեր աստիճանի մարմնական վնասվածքներ, բայց նրանց վիճակը բավարար է, կյանքին վտանգ չի սպառնում։

Հարցին, թե արդյոք ոստիկանական ուժերն արդեն հեռանալու են Իջևանից, Օսիպյանը պատասխանեց, որ չի ցանկանում բացահայտել իրենց հետագա մարտավարությունը։

Հիշեցնենք` երեկ` հուլիսի 17-ի ուշ երեկոյան Իջևանում անտառահատումների պահանջով ճանապարհը փակած ցուցարարների և ոստիկանության ծառայողների միջև բախումներ էին տեղի ունեցել, ինչի հետևանքով ոստիկանության 12 ծառայողներ ու 2 քաղաքացի են վիրավորվել:

Դեպքի վայր էր մեկնել նաև ՀՀ ոստիկանության պետ Վալերիյ Օսիպյանը, Իջևան էին տեղափոխվել նաև մեծ քանակությամբ ոստիկանության ուժեր։

թեգերը:
Վիրավոր, Ձերբակալում, Անտառ, Բողոքի ակցիա, Վալերի Օսիպյան, Իջևան, Հայաստան

Գլխավոր թեմաներ