20:36 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (235)
112 0 0

Դատավարությանը ներգրավվել է փորձագետ, ով պետք է եզրակացություն տա Մանվել Գրիգորյանի առողջական վիճակի մասին։

ԵՐԵՎԱՆ, 23 հուլիսի — Sputnik. ԱԺ նախկին պատգամավոր, ԵԿՄ նախկին նախագահ Մանվել Գրիգորյանը կրկին բացակայում է Երևանի ընդհանուր իրավասության դատարանում ընթացող գործով դատական նիստից:

Դատավոր Մնացական Մարտիրոսյանը հայտարարեց, որ դատարանը «Նաիրի» բժշկական կենտրոնից ստացել է գրություն, որտեղ նշվում է, որ Գրիգորյանը չի կարող ներկա լինել նիստին` առողջական վիճակից ելնելով:

Մանվել Գրիգորյանի կինը` գործով մյուս ամբաստանյալ Նազիկ Գրիգորյանը նիստին  ներկա է։

Դատական նիստին այսօր ներկայացել է նաև փորձագետ Լուսինե Մանուկյանը, ում` գործին  որպես փորձագետ ներգրավելու միջնորդությամբ դատարանին դիմել էր պաշտպանական կողմը։

Լուսինե Մանուկյանը դատավորի հարցերին պատասխանելով՝ հայտնեց, որ Մանվել Գրիգորյանի հետ նախկինում որևէ կապ չի ունեցել։ «Նույնիսկ նրան անձամբ մինչ այժմ չեմ ճանաչել»,– ասաց  նա։

Դատախազը պահանջեց ներկայացնել փորձագետի բժշկական որակավորման մասին վկայող փաստաթղթերը, որոնք, պարզվեց՝ դատարան չեն ներկայացվել։

Դատարանը 1 ժամով ընդհատեց նիստը` փորձագետին հնարավորություն ընձեռելով գնալ փաստաթղթերի հետևից։

Հիշեցնենք, հուլիսի 2-ին  Երևանի ընդհանուր իրավասության դատարանը որոշում էր կայացրել գեներալ Մանվել Գրիգորյանի նկատմամբ միջգերատեսչական հանձնաժողովային դատաբժշկական փորձաքննություն անցկացնելու մասին։

Նույն օրը դատական նիստն ընդհատվել էր Գրիգորյանի առողջության կտրուկ վատանալու պատճառով։ Մանվել Գրիգորյանը տեղափոխվել էր «Նաիրի» ԲԿ, որտեղ բժիշկների հսկողության տակ է գտնվում մինչև օրս։

Մանվել Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

«Անգամ թուրքը չի կարողացել Մանվել Գրիգորյանի մայրիկը լացացնել». պաշտպան

թեմա:
Մանվել Գրիգորյանի շուրջ ծավալված իրադարձությունները (235)
թեգերը:
Նազիկ Ամիրյան, Դատավոր, Դատարան, Մանվել Գրիգորյան

Գլխավոր թեմաներ