05:58 20 օգոստոսի 2019
Ուղիղ եթեր
  • USD475.91
  • GBP576.71
  • EUR528.16
  • RUB7.12
Նախագահ Արմեն Սարգսյանը Արման Կիրակոսյանի Պատվո շքանշանը հանձնել է երջանկահիշատակ Արման Կիրակոսյանի ընտանիքի անդամներին:

«Նա ստեղծել է մեր դիվանագիտությունը». նախագահը հետմահու պարգևատրեց Արման Կիրակոսյանին

© Photo / official site of the President of RA
Հայաստան
Ստանալ կարճ հղումը
29 0 0

Հայտնի պատմաբան և դիվանագետ Ջոն Կիրակոսյանի որդին շարունակել է հոր ուղին թե՛ դիվանագիտական, թե՛ գիտական ասպարեզում։

ԵՐԵՎԱՆ, 23 հուլիսի — Sputnik. Արման Կիրակոսյանը Հայաստանի դիվանագիտության հիմնադիրներից է:

Նա օրինակ է երիտասարդ դիվանագետների համար։ Այս մասին հայտարարեց Հայաստանի նախագահ Արմեն Սարգսյանը՝ նախագահական պալատում Արման Կիրակոսյանի հիշատակին կազմակերպված ընդունելության ժամանակ։ Այստեղ նա դիվանագետի այրուն և որդուն հանձնեց Պատվո շքանշան, որով Կիրակոսյանը պարգևատրվել է հետմահու։

«Նա մեր լավագույն ընկերն էր, հայրենիքին անձնուրաց ծառայելու հիանալի օրինակ։ Նա եղել է Հայաստանի դիվանագետների համար վարքագծի մոդել ստեղծողներից մեկը։ Նա հիանալի պատմաբան էր, Հայաստանի պատմության մասին արժեքավոր աշխատանքների հեղինակ։ Նա հիանալի մարդ էր, որը սիրում էր իր ընտանիքն ու ընկերներին», – ասաց նախագահը։

Армен Саркисян и Арман Киракосян
© Photo / official site of the President of RA.
Արմեն Սարգսյանը և Արման Կիրակոսյանը

Արմեն Սարգսյանն առաջարկեց ԱԳՆ–ում Կիրակոսյանի հիշատակի մրցանակ հիմնել տարվա լավագույն երիտասարդ դիվանագետների համար։

Նախագահ Սարգսյանը և ԱԳՆ ղեկավար Զոհրաբ Մնացականյանը հիշեցին Լոնդոնում Հայաստանի դեսպանատուն բացելու մասին։ Սարգսյանը եղել է Միացյալ Թագավորությունում Հայաստանի առաջին դեսպանը, իսկ Զոհրաբ Մնացականյանի համար Լոնդոնում աշխատանքը դարձել է առաջին դիվանագիտական նշանակումը։

«Ես դեռ շատ երիտասարդ էի, երբ ընդունվեցի Մոսկվայի միջազգային հարաբերությունների պետական ինստիտուտը։ Մեկնելուց առաջ ինձ իր մոտ կանչեց ականավոր պատմաբան և դիվանագետ Ջոն Կիրակոսյանը։ Նա ինձ խոսքեր ասաց, որոնք ես երբեք չեմ մոռանա։ Ես ընդմիշտ հիշեցի, թե ինչ է հայրենի երկիրը և որքան կարևոր է ամբողջ ուժով նրան աջակցելը», – հիշում է Մնացականյանը։

1991թ.–ին Մնացականյանը վերադարձել է արդեն անկախ Հայաստան։ Այստեղ նրան ԱԳՆ–ում աշխատանքի է ընդունել Ջոն Կիրակոսյանի որդին` Արման Կիրակոսյանը։ 1992թ–ին նրանք միասին մեկնել են Լոնդոն, այնտեղ Կիրակոսյանը բացել է Հայաստանի դեսպանատունը, որն առաջիններից մեկն էր արտասահմանում։

ՀՀ արտգործնախարարի խոսքով` գործընկերները միշտ գնահատել և գնահատելու են Կիրակոսյանի հիանալի դիվանագիտական կարողություններն ու նվիրումը գործին։

Հայաստանի ազգային արխիվի տնօրեն Ամատունի Վիրաբյանն էլ հիշեցրեց, որ Կիրակոսյանն առաջին անգամ գիտական շրջանառության մեջ է դրել 1918-20թթ- ի Հայաստանի առաջին Հանրապետության դիվանագիտության մասին բազմաթիվ արխիվային նյութեր, ինչպես նաև Բրիտանիայի և մյուս երկրների հետ նրա արտաքին քաղաքական կապերի մասին։

«Նա չափազանց մեծ պատասխանատվությամբ էր վերաբերվում սկզբնաղբյուրներին։ Բավական էր տեսնել, թե նա որքան մանրամասն և ստույգ էր թվարկում բոլոր աղբյուրները, որոնցից օգտվել էր»,-նշեց Վիրաբյանը։

Հիշեցնենք, որ Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան Արման Կիրակոսյանը կյանքից հեռացավ հուլիսի 6-ին։ Նա 63 տարեկան էր։

1 / 5
Նախագահ Արմեն Սարգսյանը Արման Կիրակոսյանի Պատվո շքանշանը հանձնել է երջանկահիշատակ Արման Կիրակոսյանի ընտանիքի անդամներին:

Արման Կիրակոսյանը մահացավ. ՀՀ նախագահը կորցրեց վաղեմի ընկերոջը

Ըստ թեմայի

Նախկին և ներկա ղեկավարները ցավակցություններ են հղել Արման Կիրակոսյանի մահվան կապակցությամբ
թեգերը:
Արմեն Սարգսյան, Զոհրաբ Մնացականյան, Արման Կիրակոսյան, Դիվանագետ, ՀՀ Արտաքին գործերի նախարարություն. ԱԳՆ

Գլխավոր թեմաներ