18:23 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
ՀՀ ոստիկանություն

«Ավելի լավ է` գողանան, քան սպանեն». Հայաստանում աճել է հանցագործությունների թիվը

© Sputnik / Andranik Ghazaryan
Հայաստան
Ստանալ կարճ հղումը
83 0 0

Վիճակագրության ավելացման վրա ազդում է նաև քաղաքացիների բողոքների ավելացման հանգամանքը,, ոստիկանության հանդեպ վստահության բարձրացումը։

ԵՐԵՎԱՆ, 24 հուլիսի — Sputnik. 2019թ.–ի առաջին կիսամյակում 2018թ.-ի նույն ժամանակահատվածի համեմատ հանցագործությունների թիվը Հայաստանում աճել է 9%-ով, կամ 1007 դեպքով։ Նախորդ տարվա առաջին 6 ամսվա ընթացքում հանրապետությունում գրանցվել է 11 243 հանցագործություն, այս տարի` 12 250։

Այս մասին այսօր հրավիրված հաշվետու ասուլիսում հայտարարեց ՀՀ ոստիկանության շտաբի պետ Արմեն Ղուկասյանը։

Աճն, ըստ նրա, պայմանավորված է հիմնականում ոչ խոշոր գողությունների ավելացմամբ։

Ղուկասյանը նշեց նաև, որ վիճակագրության ավելացման վրա ազդում է նաև քաղաքացիների բողոքների ավելացման հանգամանքը, ոստիկանության հանդեպ վստահության բարձրացումը։

«2018թ.-ից սկսած, կապված իրավիճակի փոփոխության հետ, քաղաքացիները չեն խուսափում դիմել ոստիկանություն»,-ասաց նա։

Օդանավի վարձակալության համար ծախսվել է օդանավի գնից 7 անգամ ավելի գումար.խոշոր չարաշահում

Այս տարվա վիճակագրությանն ավելացել են նաև նախկինում կատարված հանցագործությունների մասին հաղորդումները։

Ինչ վերաբերում է կատարողներին, գրանցված հանցագործություններից միայն 187-ն են կատարել համաներումով ազատ արձակվածները, այն դեպքում, երբ ազատ արձակվածների ընդհանուր թիվը 650 է։

256-ով ավելացել են ծանր հանցագործությունների, այդ թվում՝ կաշառքի դեպքերը։

Սպանությունների ու սպանության դեպքերի աճ չի գրանցվել։

«Կոպիտ ասած, ավելի լավ է` գողանան, քան սպանեն»,- ասաց Ղուկասյանը՝ ամփոփելով ներկայացրած վիճակագրությունը։

Հիշեցնենք, որ մայիսի 10–ին, ելույթ ունենալով ԱԺ–ում, ՀՀ գլխավոր դատախազ Արթուր Դավթյանն ասել էր, որ Հայաստանում 2018թ.–ին արձանագրվել է սպանությունների աննախադեպ ցածր ցուցանիշ։

Քաղաքացին տպարանում պատվիրել է 10.000 դրամանոց կեղծ թղթադրամներ և իրացրել. ԱԱԾ

Ըստ թեմայի

Երևանում 38–ամյա կին է կորել
Սարսափելի դեպք Նոր Խարբերդում. հղի կինը հոսանքահարվել ու մահացել է
Ողբերգական դեպք Գեղարքունիքում. տան տանիքում կախված են գտել 24-ամյա երիտասարդին
թեգերը:
հանցագործություն, գողություն, Սպանություն, ՀՀ Ոստիկանություն, Հայաստան

Գլխավոր թեմաներ