20:25 20 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Մանվել Գրիգորյան

ՊԵԿ–ը ցանկանում է Մանվել Գրիգորյանի գույքը վաճառել աճուրդով

© Sputnik / Asatur Yesayants.
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (214)
25910

Մանվել Գրիգորյանը 1 միլիարդ 18 միլիոն դրամի հարկային չկատարված պարտավորություն ունի։ Պետեկամուտների կոմիտեն առաջարկում է չսպասել դատարանի որոշմանն ու այդ գումարը պետական բյուջե փոխանցել Գրիգորյանների գույքը վաճառելով։

ԵՐԵՎԱՆ, 30 հուլիսի — Sputnik. Պետեկամուտների կոմիտեն դիմել է դատարան`խնդրելով թույլ տալ աճուրդով վաճառել ՀՀ ԱԺ նախկին պատգամավոր Մանվել Գրիգորյանին պատկանող գույքը։

Այսօր Մանվել Գրիգորյանի գործով դատական նիստում այս մասին հայտարարեց դատավոր Մնացական Մարտիրոսյանը` ընթերցելով ՊԵԿ–ից ստացած գրությունը։

«ՊԵԿ–ը դիմել է` խնդրելով վերացնել գույքի վրա դրված կալանքի մի մասը և հնարավորություն տալ, որպեսզի աճուրդի եղանակով գույքի իրացում կատարի՝ վաճառի այդ գույքը և 1 միլիարդ 18 միլիոն դրամ մուծի պետական բյուջե` որպես հարկային պարտավորություն»,– գրության բովանդակությունը ներկայացրեց դատավորը։

Գրիգորյանի պաշտպան Լևոն Բաղդասարյանը հայտարարեց, որ իրենք ՊԵԿ–ից գրություն չեն ստացել, ինչը ընդունված կարգի խախտում, և իրենց ժամանակ է պետք դրան մանրամասն ծանոթանալու համար։ Բայցևայնպես փաստաբանը որոշ դիրքորոշում հայտնեց։

«Այնպիսի տպավորություն է ստեղծվում, որ պետական մի մարմինը չգիտի, թե ինչ է անում պետական մյուս մարմինը։ Մի քանի նիստ առաջ հրապարակվեց վարչապետի վերահսկողական ծառայության գնահատականը հենց այդ վնասի հետ կապված։ Այսինքն` ստացվում է, որ նախաքննության փուլում մենք ինքներս հակված ենք եղել այդ վնասը փոխհատուցելու և արել ենք գործողություններ։ Երկրի առաջին դեմքը հանձնարարություն է տալիս պետական լիազոր մարմնին` դիմել դատարան, որպեսզի ելակետային տվյալներ վերցնի ու գործընթացը սկսի, մյուս պետական մարմինն իրեն իրավունք է վերապահում դատարանին գրելու, որ այս գույքն արգելանքից հանեք»,– ասաց Լևոն Բաղդասարյանը։

Նա հայտարարեց, որ ՊԵԿ–ի գրությունն իրենք ոչ իրավաչափ են համարում և հարկ չեն համարում քննարկել։

Այդուհանդերձ, դատարանը տեղում ժամանակ տվեց կողմերին` ծանոթանալու ՊԵԿ–ից ստացված փաստաթղթին` մինչ դրա քննարկումը սկսելը և ընդմիջեց նիստը։

Նշենք, որ դատական այսօրվա նիստին Մանվել Գրիգորյանը դարձյալ ներկա չէ` առողջական վիճակի պատճառով։ Նրա կինը`Նազիկ Ամիրյանը, դատարանում է։

Հիշեցնենք` Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Նախաքննական մարմնի որոշմամբ կալանք է դրված Գրիգորյանին պատկանող «Արա և Այծեմնիկ» ԲԲԸ-ի գույքի վրա։

Հիշեցնենք` դեռ անցած տարվա հոկտեմբերին նա դիմել էր կառավարությանը՝ Ակնալիճ համայնքում իրեն պատկանող «Ակնալճի կուղբաբուծական տնտեսություն» ընկերության շուրջ 330 հեկտար տարածքը ՀՀ-ին նվիրաբերելու համար։

թեմա:
Մանվել Գրիգորյանի շուրջ ծավալված իրադարձությունները (214)

Ըստ թեմայի

Դատական իշխանությունը գործադիրի կոշիկի տակ է. Մանվել Գրիգորյանի պաշտպան
Մանվել Գրիգորյանի պաշտպանները մտադիր են դատի տալ Էջմիածնի քաղաքապետին
Բժիշկները կայցելեն Մանվել Գրիգորյանին. նրան նորից կհետազոտեն
թեգերը:
Անշարժ գույք, Պետական եկամուտների կոմիտե (ՊԵԿ), Մանվել Գրիգորյան, Հայաստան

Գլխավոր թեմաներ