17:15 18 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Գլխավոր դատախազություն

Պաշտոնյաները չարաշահումներ են արել միջպետական ճանապարհի հիմնանորոգման գործընթացում

© Official site of the Prosecutor General's office of RA
Հայաստան
Ստանալ կարճ հղումը
85 0 0

Հարուցվել է քրեական գործ՝ ՀՀ տրանսպորտի, կապի և տեղեկատվական տեխնոլոգիաների նախարարության աշխատակիցների` պաշտոնեական լիազորությունները չարաշահելու համար։

ԵՐԵՎԱՆ, 31 հուլիսի — Sputnik. Դատախազությունը պարզել է, որ ՀՀ տրանսպորտի, կապի և տեղեկատվական տեխնոլոգիաների նախարարության աշխատակիցներն առերևույթ պաշտոնեական լիազորությունների չարաշահում են թույլ տվել Տավուշի միջպետական նշանակության ավտոճանապարհի հիմնանորոգման նախագծերի պատրաստման, ծախսերի գնահատման աշխատանքների գործընթացում։ Այս մասին հայտնում է դատախազության մամուլի ծառայությունը։

«ՀՀ տրանսպորտի, կապի և տեղեկատվական տեխնոլոգիաների նախարարության և ՍՊԸ–ի միջև 2017–ին կնքվել է պայմանագիր։ Այն ներառել է Մ-16, Մ-4-Ոսկեպար-Նոյեմբերյան-Մ-6 միջպետական նշանակության ճանապարհների հիմնանորոգման աշխատանքների նախագծերի պատրաստման, ծախսերի գնահատման աշխատանքները. այդ մասով պայմանագրի գինը կազմել է 14. 4մլն ՀՀ դրամ»,–նշված է դատախազության հաղորդագրության մեջ:

ՍՊԸ-ն կազմել է ճանապարհաշինական նորմերի էական խախտումներով պայմանագրային պահանջներին չհամապատասխանող աշխատանքային նախագիծ, համաձայն որի՝ շինարարության նախահաշվային արժեքը կազմել է 2 մլրդ 319 մլն ՀՀ դրամ: Նախագծի վերաբերյալ «ՀՀ նախագծերի պետական արտագերատեսչական փորձաքննություն» ՓԲԸ–ն 2018թ–ին հաստատել է ակնհայտ անհիմն փորձաքննության եզրակացություն: Մասնավորապես՝ չնայած արձանագրվել է, որ նախագիծը չի համապատասխանում ճանապարհաշինական գործող նորմերին, այդուհանդերձ, երաշխավորվել է հիմնանորոգման աշխատանքային նախագծի համապատասխանությունը ՀՀ օրենսդրությանը:

ՍՊԸ-ն 2018թ. փետրվարի 20-ին հանձնման-ընդունման նպատակով նախարարությանն է հանձնել ճանապարհի հիմնանորոգման աշխատանքների նախագծերի պատրաստման, ծախսերի գնահատման աշխատանքները, այդ թվում՝ նշված ակնհայտ անհիմն եզրակացությունը: Պայմանագրի պայմաններին էականորեն չհամապատասխանելու պարագայում նշված աշխատանքները 2018թ. փետրվարին նախարարության կողմից ընդունվել են, և դրա հիման վրա կատարվել է համապատասխան վճարում:

Ուսումնասիրությամբ պարզվել է, որ նախարարության ներկայացուցիչները չեն կատարել իրենց ծառայողական պարտականությունները, որն առաջացրել է ծանր հետևանքներ: Մասնավորապես՝ պատշաճ կարգով չի ստուգվել առաջադրված պայմաններին կատարված աշխատանքների որակի համապատասխանությունը, պայմանագրի կատարման նկատմամբ իրականացվել է նախնական թերի հսկողություն, ինչի պայմաններում ՍՊԸ-ին անհիմն վճարվել է 14.4մլն ՀՀ դրամ:

ԲԷՑ–ը հարյուրավոր միլիոնների հասնող չարաշահումներ է արել. քրեական գործ է հարուցվել

Պարզվել է նաև, որ քննարկվող աշխատանքային նախագծի հիման վրա իրականացված հիմնանորոգման աշխատանքների կատարման պետական գնման արդյունքում 2018թ. մայիսի 30-ին կնքվել է շինարարության իրականացման պայմանագիր, որի գինը կազմել է 1 մլրդ 298 մլն դրամ և այն հիմա գտնվում է կատարման փուլում:

ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ՝ ՀՀ քրեական օրենսգրքի 308-րդ հոդվածի 2-րդ մասով, այն է` պաշտոնեական լիազորությունները չարաշահելը: Քրեական գործի նախաքննության կատարումը հանձնարարվել է ՀՀ քննչական կոմիտեին:

Գյուղապետները կեղծել են ստորագրությունները, յուրացրել գյուղացիների սոցօգնությունը

Ըստ թեմայի

Երևանում հայտնաբերել են չդրոշմավորված դեղեր, այդ թվում՝ նախատեսված քաղցկեղի բուժման համար
Ովքեր են թույլ տվել Սևանից սիգ արդյունահանել. ԱԱԾ–ի բացահայտումը
Պաշտոնատար անձինք կաշառք են վերցրել բանտախցերում արգելված իրեր թույլատրելու համար. ԱԱԾ
թեգերը:
Ճանապարհ, ՀՀ դատախազություն, Հայաստան

Գլխավոր թեմաներ