ԵՐԵՎԱՆ, 8 oգոստոսի — Sputnik. Ամուլսարի ոսկու հանքի մշակման վերաբերյալ անկախ փորձագիտական եզրակացությունը պատրաստ է։ Այսօր կառավարության նիստում եզրակացության մասին խոսեց Քննչական կոմիտեի նախագահ Հայկ Գրիգորյանը։
ՀՀ վարչապետ Նիկոլ Փաշինյանը հարցրեց. «Ի՞նչ վիճակում է Ամուլսարի հետ կապված գործը։ Մեզ ավելի շատ հետաքրքրում է միջազգային փորձագիտական արդյունքը, արդյո՞ք այդ եզրակացությունը վերջնականապես պատրաստ է, և մենք կարող ենք դա ունենալ, որպեսզի կարողանանք քննարկել ու դրա հիմա վրա որոշել մեր հետագա քայլերը։
Գրիգորյանն էլ հայտնեց, որ հայերեն թարգմանված փաստաթուղթը երեկ առավոտյան Քննչական կոմիտե է հասել։ Այժմ շտկումներ են կատարվում տեքստում։ Առաջիկա երկուշաբթի–երեքշաբթի օրերին փաստաթուղթը կտրամադրվի կառավարությանը։
Ավելի վաղ ակտիվիստները հայտնել էին, որ Ամուլսարի ոսկու հանքի փոշին կարող է վնասակար լինել Ջերմուկի բնակիչների համար, իսկ ստորգետնյա ջրերի միջով այն կարող է Սևան հասնել։ «Լիդիան Արմենիան» փորձաքննություն էր անցկացրել` հանքի ազդեցությունը շրջակա միջավայրի վրա ստուգելու համար, որն ընդունել էր Էկոնոմիկայի նախարարությունը։
2018 թվականի իշխանափոխությունից հետո կառավարությունը որոշեց կրկնակի փորձաքննություն անցկացնել հանքում։ ՀՀ կառավարությունը պայմանագիր կնքեց Earth link & Advanced Resources Development (ELARD) միջազգային հավատարմագրված ընկերության հետ՝ փորձաքննության համար վճարելով 396,900 դոլար։
Ինչու է ուշանում Ամուլսարի փորձաքննության պատասխանը. նախարարն առաջարկում է դիմել ՔԿ
Ամուլսարի ոսկու հանքը պաշարների առումով Հայաստանի երկրորդ հանքավայրն է, որի շահագործման համար արտոնագիր է ստացել Հայաստանում Lydian International դուստր ընկերություն GeoTeam-ը (ավելի ուշ վերանվանվել է «Լիդիան Արմենիա»)։
Ամուլսարի խնդիրը. իշխանությունները հույս ունեն հարցը լուծել առանց արբիտրաժային դատարանի
