19:30 20 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Սահմանադրական դատարան

Կառավարությունը որոշել է, որ ճգնաժամ կա և գտել է ելքը. ինչ են առաջարկում ՍԴ դատավորներին

© Sputnik / Hayk Petrosyan
Հայաստան
Ստանալ կարճ հղումը
155 0 0

Հրաժարական ներկայացրած ՍԴ դատավորի նկատմամբ, անկախ տարիքից, պահպանվում են իր հրաժարականի պահին ունեցած աշխատավարձը, դրա նկատմամբ սահմանված հավելավճարները և սոցիալական երաշխիքները:

ԵՐԵՎԱՆ, 10 oգոստոսի - Sputnik. Սահմանադրական դատարանի դատավորները 2019 թ.-ի օգոստոսի 1-ից հոկտեմբերի 31-ը հրաժարական ներկայացնելու դեպքում մինչև իրենց պաշտոնավարման տարիքը լրանալը կստանան նույնքան աշխատավարձ, որքան ստանում են պաշտոնավարելիս:

Նման փոփոխություն է առաջարկվում «Սահմանադրական դատարանի մասին» օրենքում փոփոխություններ և լրացումներ կատարելու նախագծով։

Նշենք, որ Արդարադատության նախարարությունն իրավական ակտերի հրապարակման միասնական հարթակում հանրային քննարկման է ներկայացրել «Դատական օրենսգիրք» և «Սահմանադրական դատարանի մասին» օրենքներում փոփոխություններ և լրացումներ կատարելու մասին և հարակից օրենքների նախագծերի փաթեթը:

«2019 թվականի օգոստոսի 1-ից մինչև հոկտեմբերի 31-ը հրաժարական ներկայացրած ՍԴ դատավորի նկատմամբ, անկախ տարիքից, պահպանվում են իր հրաժարականի պահին ունեցած աշխատավարձը, դրա նկատմամբ սահմանված հավելավճարները և սոցիալական երաշխիքները՝ մինչև իր պաշտոնավարման տարիքը լրանալը, բացառությամբ նրա կողմից հանրային ծառայության անցնելու դեպքի»,–նշված է փաթեթի 7–րդ հոդվածում։

ՍԴ–ում ճգնաժամ կա. ԱԺ նախագահը սպասում է Հրայր Թովմասյանի «ծանրակշիռ խոսքին»

Միաժամանակ, նշվում է նաև, որ Սահմանադրական դատարանի դատավորն իր պաշտոնավարման տարիքը լրանալուց հետո ստանում է օրենքով դատավորի համար նախատեսված կենսաթոշակ։

Հիշեցնենք, որ հունիսի 28–ին ՀՀ ՍԴ նորընտիր դատավոր Վահե Գրիգորյանը նամակով դիմել է Սահմանադրական դատարանի անդամներին, Ազգային ժողովին, ՀՀ նախագահին, Կառավարությանը, Դատավորների ընդհանուր ժողովին՝ նշելով, որ Սահմանադրական դատարանում ճգնաժամ կա: Ի պատասխան ՍԴ նախագահ Հրայր Թովմասյանը հայտնել էր, որ ՍԴ–ում ճգնաժամ չկա։

Ավելի ուշ Թովմասյանը ասել էր, որ այն երկրներում, որտեղ քաղաքական իշխանության փոփոխությունը հանգեցնում է նաև դատական իշխանության փոփոխության, այդ երկրների համար «իրավական», «ժողովրդավարական» տերմիններն այլևս օգտագործելի չեն:

ՍԴ–ի շուրջ ստեղծված խնդիրը լուծելու կառուցակարգը ՀՀ նախագահի ձեռքում է. Այվազյան

Ըստ թեմայի

Ո՞վ է Սահմանադրական դատարանի նախագահը` Վահե Գրիգորյա՞նը, թե՞ Հրայր Թովմասյանը
Հրայր Թովմասյան. «Շատով ձվածեղ ուտելն ու օրենք գրելը լավ չէ»
Վահե Գրիգորյանն ընտրվեց ՍԴ դատավոր
ՍԴ-ի վրա նոր «գրոհ» կլինի՞. ի՞նչ է հուշում դատական բարձրագույն մարմնի հայտարարությունը
թեգերը:
ՀՀ կառավարություն, Դատավոր, Սահմանադրական դատարան

Գլխավոր թեմաներ