16:22 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Հրդեհ Սյունիքի անտառներում

Սյունիքի անտառներում բռնկված հրդեհը տարածվել է կիլոմետրերով. նոր մանրամասներ, տեսանյութ

© Photo: Facebook / Erik Grigoryan
Հայաստան
Ստանալ կարճ հղումը
115 0 0

Հրդեհաշիջման աշխատանքներին մասնակցում են փրկարարներ, զինվորներ, ոստիկանության, «Հայանտառի», «Զանգեզուր կենսոլորտային համալիրի» «Արևիկ ազգային պարկի» աշխատակիցներ:

ԵՐԵՎԱՆ, 12 օգոստոսի — Sputnik. Սյունիքի մարզի Լեհվազ-Վարդանիձոր ավտոճանապարհին գտնվող անտառում բռնկված հրդեհն այսօրվա դրությամբ ընդգրկում է ընդհանուր երկու կիլոմետր ճակատային լայնություն և մեկուկես կիլոմետր երկարություն, առկա է նաև տարածման վտանգ:

Հրդեհը չի սպառնում բնակավայրերին:

Այս մասին տեղեկացնում է ԱԻՆ պաշտոնական կայքը:

Նշվում է, որ դեպքի վայր է մեկնել ԱԻՆ ՓԾ Ճգնաժամային կառավարման ազգային կենտրոնի արտակարգ իրավիճակների արձագանքման և մարզային փրկարարական վարչության օպերատիվ խմբերը, օպերատիվ կառավարման վարչության կապի մեքենան և հրշեջ-փրկարարական ջոկատից երկու մարտական հաշվարկ, հատուկ նշանակության փրկարարական աշխատանքների իրականացման կենտրոնի փրկարարական ջոկատից երկու մարտական հաշվարկ:

«Հրդեհաշիջման աշխատանքներին մասնակցում է 67 փրկարար, ՊՆ Մեղրու N զորամասից 30 զինվոր, Մեղրու ոստիկանության 45, «Հայանտառ» ՊՈԱԿ Սյունիքի մասնաճյուղի 25, «Զանգեզուր կենսոլորտային համալիր» ՊՈԱԿ-ի 15 և «Արևիկ ազգային պարկ»-ի 15 աշխատակից»,-նշվում է հաղորդագրության մեջ:

Հիշեցնենք, որ երեկ՝ օգոստոսի 11-ին, ժամը 16:03-ին «911» ծառայությանն ահազանգ է ստացվել, որ հրդեհ է բռնկվել Սյունիքի մարզի Լեհվազ-Վարդանիձոր ավտոճանապարհին գտնվող անտառում:

Հրդեհներն ավելացել են, իսկ փրկարարները նույնիսկ համազգեստ չունեն. նախարարը փող խնդրեց 

Ըստ նախնական տվյալների՝ այրվում է բուսածածկ տարածք, եղևնու և գիհու անտառ, որը գտնվում է խիստ կտրտված և անմատչելի տեղանքում:

 

Ըստ թեմայի

Խոշոր հրդեհ Լոռիում. բեռնատար գնացք է այրվում. տեսանյութ
Սյունիքում անտառ է այրվում
Վահագնաձոր գյուղից հրդեհը տարածվել է մոտակա անտառ. տեսանյութ
թեգերը:
ՀՀ արտակարգ իրավիճակների նախարարություն (ԱԻՆ), Անտառ, Սյունիք, հրդեհ

Գլխավոր թեմաներ