00:01 21 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Ձերբակալում

Ձերբակալվել են «Սեքյուրիթի Դրիմ» և «Էլիպս» ընկերությունների ղեկավարն ու հաշվապահը

CC BY-SA 2.0 / houstondwiPhotos mp / Handcuffs and a Car
Հայաստան
Ստանալ կարճ հղումը
162 0 0

1 տարի առաջ հարուցված քրեական գործում նոր զարգացումներ են գրանցվել։ Նախկին իշխանության հետ կապվող ընկերությունների ղեկավարները ձերբակալված են։

ԵՐԵՎԱՆ, 13 օգոստոսի — Sputnik. Առանձնապես խոշոր չափի յուրացում կատարելու կասկածանքով ձերբակալվել են «Սեքյուրիթի Դրիմ» ընկերության սեփականատերերից Ալիկ Զաքարյանը և«Էլիպս» ընկերության հաշվապահ Սահականույշ Սահակյանը:

Այս մասին Sputnik Արմենիային հայտնեց ՀՀ քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը:

«Առանձնապես խոշոր չափի յուրացում կատարելու դեպքի առթիվ քննվող քրեական գործի շրջանակներում ձերբակալվել են «Սեքյուրիթի Դրիմ» ընկերության սեփականատերերից մեկը և «Էլիպս» ընկերության հաշվապահը»,- նշեց Հարությունյանը` հավելելով, որ քրեական գործը հարուցվել է Քրեական օրենսգրքի 178-րդ հոդվածի 1-ին մասի 1-ին կետի (խարդախությունը, որը կատարվել է առանձնապես խոշոր չափերով) և 325-րդ հոդվածի (փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) 2-րդ մասի հատկանիշներով:

Հիշեցնենք` մինչ այդ, «Սեքյուրիթի դրիմ» ՍՊԸ տնօրենը քրեական գործի շրջանակներում ցուցմունք էր տվել այն մասին, որ Ճանապարհային ոստիկանությունից ամսական ստացված 70 միլիոն ՀՀ դրամից 43 միլիոնը յուրացվել է ընկերության հիմնադիրների կողմից։

Նշենք, որ առաջին խուզարկությունները «Սեքյուրիթի Դրիմ» և «Էլլիպս» ընկերություններում ու դրանց տնօրենների և հաշվապահների բնակարաններում տեղի էին ունեցել դեռ 1 տարի առաջ։

«Սեքյուրիթի Դրիմը» և «Էլիփսը» պետությունից հափշտակել են 1 միլիարդ 15 միլիոնից ավելի գումար

2018թ.–ի հունիսի 21-ին իրականացրած խուզարկությունների արդյունքում պարզվել էր, որ «Սեքյուրիթի Դրիմ» և «Էլիպս» ընկերությունները կեղծ հաշվետվություններ են ներկայացրել Ճանապարհային ոստիկանություն, ինչի հետևանքով ընկերությունների տնօրինությունը շուրջ 1 միլիարդ 15 միլիոն 869 հազար 600 հարյուր դրամ է հափշտակել:

Տարիներ շարունակ մամուլում տեղեկություն էր պտտվում այն մասին, որ «Սեքյուրիթի դրիմ» և «Էլլիպս» ընկերությունները կապ ունեն Սերժ Սարգսյանի եղբոր` Ալեքսանդր Սարգսյանի հետ։ Ընկերության տնօրենը հերքում է այդ լուրը։

Ըստ թեմայի

ՌԴ–ում Բելյանկինի սպանության գործով ձերբակալվել են Մարկոսյանը, Ստեփանյանն ու Խոջայանը
ԱԱԾ նոր բացահայտումը. պետական պաշտոնյաներ են ձերբակալվել. տեսանյութ
Հնդկաստանի քաղաքացուն սպառնացել են ու կաշառք պահանջել. ձերբակալվել են ԱԱԾ պաշտոնյաներ
թեգերը:
չարաշահում, Սեքյուրիթի Դրիմ, Էլիպս, ՀՀ քննչական կոմիտե, Քննություն, Ձերբակալում, Հայաստան

Գլխավոր թեմաներ