00:17 01 հունիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
238 0 0

ՀՀ ՊՆ մամուլի քարտուղար Արծրուն Հովհաննիսյանը պատասխանել է ադրբեջանական քարոզչությանը` խոստանալով ապատեղեկատվությանը պատասխանել օպերատիվ-ռազմավարական առավելությունների ցուցադրությամբ։

ԵՐԵՎԱՆ, 14 օգոստոսի — Sputnik. Ադրբեջանի սահմանապահ ծառայությունը հերթական տեղեկատվական խայծն է տարածել՝ սեփական տարածքում մարտական դիրքերի տեղաշարժը ներկայացելով որպես բացառիկ ձեռքբերում։

Այս մասին Facebook-ի էջում հայտնել է ՀՀ ՊՆ մամուլի քարտուղար Արծրուն Հովհաննիսյանը։

«Հիշեցնեմ, որ առաջնագծում դիրքերի տեղաշարժերը մշտական բնույթ են կրում, սակայն ի տարբերություն Ադրբեջանի, հայկական կողմը սովորաբար դրանց հասարակական հնչեղություն չի հաղորդում, քանի որ մարտական հերթապահության իրականացման գործում մեր նպատակը ոչ թե ցանկացած գործողություն պատեհ և անպատեհ առիթով գովազդելն է, այլ հակառակորդի նկատմամբ օպերատիվ առավելության պահպանումն ու նրան վերահսկողության տակ պահելը»,– գրում է Հովհաննիսյանը։

Նրա դիտարկմամբ, եթե ադրբեջանական կողմը շարունակի նույն գործելաոճով, ապա «նրանց անակնկալներ են սպասվում՝ հայկական ԶՈւ-երի պրոֆեսիոնալ գործողությունների արդյունքում ձեռքբերված օպերատիվ-ռազմավարական առավելությունների ցուցադրմամբ»:

Նշենք, որ մինչ այդ ադրբեջանական ԶԼՄ–ները հայտարարել էին Ղազախի շրջանում մարտական դիրքերն առաջ տալու մասին, որին, ի պատասխան, հայկական կողմ, իբր, լքել էր դիրքերն ու դիմել փախուստի։

Ըստ թեմայի

Արցախի ու Ադրբեջանի շփման գծում կրակոցները զգալի նվազել են
Ինժեներական աշխատանքների ժամանակ մարտական դիրքերի առավելություն ենք ձեռք բերել. Բալայան
Հակառակորդի անսպասելի հարձակումը բացառված է. ինչ է փոխվել առաջնագծում 2016-ից հետո
թեգերը:
զինտեխնիկա, ՀՀ Պաշտպանության նախարարություն (ՊՆ), Արծրուն Հովհաննիսյան, դիրքեր, Ադրբեջան, Հայաստան

Գլխավոր թեմաներ