02:32 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Լիդիան Արմենիա

Ամուլսարի ոսկու հանքավայրերի ճանապարհը փակելու փաստով հարուցվել է քրեական գործ

© Photo: Lydian Armenia official site
Հայաստան
Ստանալ կարճ հղումը
175 0 0

«Լիդիան Արմենիա» ընկերության Ամուլսարի ոսկու հանքավայրեր տանող ճանապարհի 1–ամյա շրջափակման ընթացքում արձանագրված խուլիգանության և ինքնիրավչության դեպքերով նախաքննություն է իրականացվում։

ԵՐԵՎԱՆ, 16 օգոստոսի — Sputnik. «Լիդիան Արմենիա» ընկերության բողոքի հիման վրա  հարուցվել է քրեական գործ` խուլիգանության և ինքնիրավչության դեպքի առթիվ: Այս մասին Sputnik Արմենիային հայտնեցին «Լիդիան Արմենիա» ընկերության գրասենյակից` հավելելով, որ օգոստոսի 14-ին գործն ուղարկվել է ՀՀ Քննչական կոմիտեի Վայոց Ձորի քննչական վարչություն։

Նշենք, որ խոսքը Ամուլսարի ոսկու հանքավայր տանող ճանապարհները փակելու` շուրջ 1 տարի շարունակվող ակցիաների մասին է։

Դեռ 2018 թվականի հուլիսի 24-ին «Լիդիան Արմենիա» ընկերությունը հաղորդում էր ներկայացրել այն մասին, որ 2018 թվականի հունիսի 22-ից մի խումբ անձանց կողմից ապօրինի կերպով փակվել են «Լիդիան Արմենիա» ընկերության օրինական տիրապետման տակ գտնվող տարածքների մուտքերը։ Արգելափակողները ինքնիրավչություն են իրականացնում` կոպիտ կերպով խախտելով հասարակական կարգը, ինչի հետևանքով «Լիդիանը» շարունակաբար վնասներ է կրում։

Հետաքննիչը մերժել էր նախապատրաստված նյութերով գործի հարուցումը։ Նույն դիրքորոշումը պաշտպանել էր նաև Վայոց Ձորի մարզի դատախազությունը։

Լարված իրավիճակ Ամուլսարում. ինչու են մարդկանց տարել ոստիկանություն
Բայց ՀՀ դատական 3 ատյանները պաշտպանել են «Լիդիան Արմենիա» ընկերության դիրքորոշումը։ Վերջին ատյանը` ՀՀ վճռաբեկ դատարանը 2019 թվականի հուլիսի 18-ին մերժել է ՀՀ գլխավոր դատախազի տեղակալ Ա․Հարությունյանի կողմից բերված վճռաբեկ բողոքը։

Դատարանի որոշումն ուժի մեջ մտնելուց հետո ՀՀ Քննչական կոմիտեի Վայոց Ձորի քննչական վարչությունում հարուցվել է քրեական գործ։ Կատարվում է նախաքննություն։

Հիշեցնենք`Ամուլսարի ոսկու հանքը պաշարներով Հայաստանի երկրորդ հանքավայրն է։ Հանքավայրը շահագործելու համար արտոնագիր է ստացել Հայաստանում Lydian International դուստր ընկերություն` GeoTeam-ը, որն ավելի ուշ վերանվանվել է Lydian Armenia-ի։ Ամուլսարի լեռնագագաթը գտնվում է Վայոց Ձորի և Սյունիքի մարզերի սահմանագլխին՝ Ջերմուկ քաղաքից 10 կմ հեռավորության վրա:

Հանքավայրի շինարարության պաշտոնական մեկնարկը տրվել էր 2016թ-ի օգոստոսի 19-ին: Ամուլսարը Հայաստանում այս պահին ամենախոշոր միջազգային ներդրումն է: Այն իրականացվել է Միջազգային ֆինանսական կորպորացիան (IFC) և Վերակառուցման ու զարգացման եվրոպական բանկի չափանիշներին համապատասխան, բնապահպանական և սոցիալական ազդեցությունների գնահատմամբ: Հանքի շահագործումը Հայաստանում իշխանափոխությունից հետո դադարեցվել է, հարուցվել է քրեական գործ` չարաշահումների և բնապահպանական օրենսդրության խախտումների փաստով։

Լուրջ և բարձր մակարդակի ծրագիր է կազմված. բնապահպանության նախկին նախարարը` Ամուլսարի մասին
Կառավարության հրավերով հանքի տարածքում միջազգային բնապահպանական փորձաքննություն իրականացվեց, որի արդյունքները հրապարակվեցին օգոստոսի 14-ին։

Ամուլսարի փորձագիտական եզրակացությունն ստանալուց հետո Քննչական կոմիտեն հայտարարեց, որ նախկին պաշտոնյաների նկատմամբ քրեական հետապնդման հիմքեր չկան։ Նրանց կողմից շրջակա միջավայրի աղտոտման մասին տեղեկությունները  դիտավորյալ  թաքցնելու փաստեր ձեռք չեն բերվել։

Ըստ թեմայի

«Ոչ մի հետ քայլ Ամուլսարի հարցում». ակտիվիստները փորձեցին կառավարության շենք մտնել
Թերի փաստաթղթեր, թերի եզրակացություն. բնապահպանները չեն վստահում փորձաքննությանը
Ամուլսար. ամերիկացիները ՀՀ իշխանություններից պահանջում են չխանգարել Lydian Armenia-ին
թեգերը:
Քրեական գործ, Լիդիան, Ամուլսար

Գլխավոր թեմաներ