04:49 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Հայկ Մարտիրոսյան

«Վարչապետի գրառումն ու ինձ ԱԱԾ հրավիրելը քաղաքական հալածանքի փորձ է». Մարտիրոսյան

© Sputnik / Hayk Petrosyan
Հայաստան
Ստանալ կարճ հղումը
184 0 0

Քաղաքագետի խոսքով` ինքը պարզաբանում է իրականությունը, որովհետև վարչապետն իրեն ժամանակին մեծապես սատարած քաղաքագետի հետ մասնավոր շփման հանրայնացման փորձ է անում:

ԵՐԵՎԱՆ, 20 օգոստոսի — Sputnik. «Աղիողորմ աշխատանք խնդրող» ասելով վարչապետ Փաշինյանը, կարծում եմ, ինձ նկատի ունի: Այս մասին Facebook–ի իր էջում գրել է քաղաքագետ Հայկ Մարտիրոսյանը` ի նկատի ունենալով վարչապետ Փաշինյանի գրառումը, որտեղ առաջին մասն ակնհայտորեն վերաբերում է բնապահպանական տեսչության նախկին ղեկավար Արթուր Գրիգորյանին, իսկ երկրորդը Հայկ Մարտիրոսյանին:

«Քանի որ երկրի վարչապետը իրեն ժամանակին մեծապես սատարած քաղաքագետի հետ մասնավոր շփման հանրայնացման փորձ է անում և այդ ընթացքում դիմում փաստերի էժան և տգեղ այլափոխման` դրանով խախտելով ներանձնական էթիկայի և ճշմարտախոսության բոլոր կանոնները, ապա հանուն ճշմարտության մենք կպարզաբանենք իրականությունը: Եվ չենք ներկայացնի Սոլթ Լեյք Սիթիի հանքի իր երեկվա բերած օրինակի պես իրականությունից շատ հեռու օրինակ, այլ կխոսենք փաստերով:

Ասեմ միայն, որ իրենից աշխատանք չեմ խնդրել: Առավել ևս «աղիողորմ»: Հերթական սուտն անակնկալի է բերում, երբ հասկանում ես, որ ոչ միայն քաղաքական, այլև մասնավոր դաշտում է այդպիսի հնարք կիրառվում»,–գրել է Մարտիրոսյանը:

Նա  վարչապետի, իր խոսքով, «վարչապետին անվայել խիստ անձնական ստատուսի» և այսօր դատախազություն-ԱԱԾ նյութեր նախապատրաստելու և իրեն ԱԱԾ հրավիրելու միջև ուղղակի կապ է տեսնում:

Ավինյանը որոշել է մի կողմ դնել աշխատանքային էթիկան ու պատռել Արթուր Գրիգորյանի դիմակը

«Հատկապես Ամուլսարի հարցում իրեն փաստորեն շատ անհարմարություններ պատճառող երկու անձանց, այդ թվում` ինձ, փոխանակ մասնագիտական դաշտում պատասխանելու` անձնական, ցածր որակումներով անդրադառնալուն զուգահեռ նրանց ԱԱԾ հրավիրելը դժվար է քաղաքական հալածանքի կամ ճնշման փորձ չորակելը»,–գրել է Մարտիրոսյանը:

Հիշեցնենք, որ այսօր` օգոստոսի 20–ին,  ՀՀ վարչապետ Նիկոլ Փաշինյանը իր ֆեյսբուքյան էջում գրել էր, որ Ամուլսարի հետ կապված այսօրվա 2 ամենասուր հայտարարությունների հեղինակներից մեկին աշխատանքից ազատել է խայտառակ ոչ կոմպետենտության պատճառով, մյուսին՝ ի հեճուկս աղիողորմ խնդրանքների՝ աշխատանքի չի ընդունել: Նա, ամենայն հավանականությամբ,  ի նկատի էր ունեցել Բնապահպանական տեսչության նախկին ղեկավար Արթուր Գրիգորյան և քաղաքագետ Հայկ Մարտիրոսյանին։

Ըստ թեմայի

Փաշինյանը խոսել է Ամուլսարի մասին և պարզաբանել՝ այնտեղ ոսկի կարդյունահանե՞ն, թե՞ ոչ
Ամուլսարի հարցով կոռուպցիայի մասին ահազանգող հրապարակումներն ԱԱԾ են ուղարկվել
Քոչարյան․ «Ամուլսարի հարցը ներիշխանական է․ այն կբերի իշխանության ներսում թևերի բաժանման»
թեգերը:
Facebook, Հայկ Մարտիրոսյան, «Թավշյա հեղափոխություն», Նիկոլ Փաշինյան, Լիդիան, Ամուլսար

Գլխավոր թեմաներ