14:16 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Սամվել Ալեքսանյան

«Վեգան իմը չէ, շենքն է իմը». Սամվել Ալեքսանյանը գոհ է փրկարարների աշխատանքից

© Sputnik / Asatur Yesayants
Հայաստան
Ստանալ կարճ հղումը
31720

Գործարարն այս պահին «Մալաթիա մոլի» մոտ է, նա հետևում է հրդեհաշիջման աշխատանքներին:

ԵՐԵՎԱՆ, 25 օգոստոսի — Sputnik. Շատ գոհ եմ հրշեջների աշխատանքից։ Այս մասին այսօր լրագրողների հետ զրույցում ասել է գործարար Սամվել Ալեքսանյանը։

«Ես երեկ չեմ դժգոհել, թե դուք ոնց եք հասկացել, որ դժգոհել եմ։ Շատ նորմալ մեր փրկարար ժողովուրդը աշխատում են, շատ գոհ եմ, շատ շնորհակալ եմ»,- ասաց նա:

Գործարարը նաև հերքեց, որ ինքն աշխատողներին հորդորել է պահեստի իրերը հանել կրակի ճիրաններից:

«Լավ հիմա թողեմ գնամ, թողեք նստեմ էլի, ոտքերս ցավում են, սաղ գիշեր ստեղ եմ եղել։ Պրծնենք, սաղիդ տանելու եմ «Փարվանա» պատիվ տամ»,- ասաց նա:

Սամվել Ալեքսանյանը նաև հերքեց «Վեգա» խանութ –սրահի սեփականատերը լինելու հանգամանքը։

«Վեգան իմը չէ, Յուրային հարցրեք Վեգան ումն է, շենքն է իմը, դրա համար եմ էստեղ»:

Նշենք,ո ր երեկ ոստիկանապետ Վալերի Օսիպյանի հետ զրույցում Սամվել Ալեքսանյանը դժգոհել էր ԱԻՆ-ի աշխատանքից՝ նշելով, որ եթե սկզբից շատ հրշեջ մեքենա գար, «ըսենց չէր լինի»։

Փրկարարներն աշխատում են շնչառական դիմակներով. «Մալաթիա մոլի» կրակը դեռ տարածվում է

Հիշեցնենք, որ օգոստոսի 24–ին «Մալաթիա մոլում» բռնկված խոշոր հրդեհը օգոստոսի 25–ի լուսադեմին նոր միայն հաջողվել է մեկուսացնել: Ժամը 08:30-ի դրությամբ դեպքի վայրում հրդեհաշիջման աշխատանքներին մասնակցում են ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից 13 մարտական հաշվարկ, երկու ավտոսանդուղք, ճգնաժամային կառավարման ազգային կենտրոնի արտակարգ իրավիճակների արձագանքման խումբը, գազածխապաշտպան ծառայության մեկ հատուկ ավտոմեքենա և հայ-ռուսական մարդասիրական արձագանքման կենտրոնից երկու «ԿամԱԶ» մակնիշի ավտոմեքենա:

ԱԻՆ նախարար Ֆելիքս Ցոլակյանը ուշ երեկոյան նշել էր, որ հրդեհաշիջմանը մասնակցում է 22 մեքենա և 420 հրշեջ։

Ըստ թեմայի

Օդեսայի հյուրանոցում հրդեհի պահին ՀՀ քաղաքացի գրանցված կենվորներ չեն եղել. դեսպան
Երբ պատերը կրակից հալվում են. «Ձյունիկ սառնարան» կոմբինատի հրդեհի մարման կադրերը
Զարգարյան. «Ձյունիկ սառնարանում» բռնկված հրդեհի պատճառները կպարզվեն կրակը մարելուց հետո
թեգերը:
փրկարար, Մալաթիա մոլ, հրշեջ, ՀՀ արտակարգ իրավիճակների նախարարություն (ԱԻՆ), Սամվել Ալեքսանյան, հրդեհ, Հայաստան

Գլխավոր թեմաներ