09:44 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Զորակոչ

Երևանում զորակոչիկների վրա հարձակվելու աղմկահարույց գործը դեռ դատարան չի հասել

© Sputnik / Asatur Yesayants
Հայաստան
Ստանալ կարճ հղումը
470 0 0

Հայտնի գործով երեք մեղադրյալ է անցնում, նրանց ազատ են արձակել` չհեռանալու մասին ստորագրությամբ։

ԵՐԵՎԱՆ, 31 օգոստոսի –Sputnik. Երևանում 2019 թվականի հունվարին զորակոչիկների ավտոբուսի վրա հարձակվելու մասին գործը դեռ դատարան չի հասել։

Աղմկահարույց միջադեպը տեղի էր ունեցել 2019 թվականի հունվարի սկզբին։ Համացանցում տեսանյութ էր հայտնվել, որտեղ երևում էր, թե ինչպես մի քանի ավտոմեքենա կտրում են զորակոչիկների ավտոբուսի ճանապարհը` ստիպելով վարորդին կանգ առնել ճամփեզրին։ Այնուհետև ավտոբուս էին ներխուժում մի քանի երիտասարդ և քաշքշուկ սկսում, որի ընթացքում նաև հայհոյանքներ էին հնչում։

«Գործը գտնվում է Քննչական կոմիտեում նախաքննության փուլում։ Ներկա պահին երեք մեղադրյալ կա, դատահոգեբուժական փորձաքննություն է նշանակված», –Sputnik Արմենիայի հետ զրույցում հայտնեց ՀՀ Գլխավոր դատախազության հասարակայնության հետ կապերի բաժնի ղեկավար Արևիկ Խաչատրյանը։

Sputnik Արմենիան նաև կապ է հաստատել Քննչական կոմիտեի հետ։ ՔԿ հասարակայնության հետ կապերի բաժնի ղեկավար Նաիրա Հարությունյանը հաստատեց, որ մեղադրյալները երեքն են։

«Մեկ փորձաքննություն է մնացել, երբ ստանանք արդյունքները, գործը կուղարկվի դատարան», – ասաց Հարությունյանը։

Նրա խոսքով` մեղադրյալների խափանման միջոց է ընտրվել երկիրը չլքելու մասին ստորագրությունը։

Հիշեցնենք, որ միջադեպի հետ կապված Ռազմական ոստիկանությունում քրեական գործ էր հարուցվել  «Խուլիգանություն» հոդվածով։ Դեպքից որոշ ժամանակ անց պարզվել էր, որ միջադեպի ակտիվ մասնակիցներն են Գոռ Հակոբյանն ու նախկինում դատված Մերուժ Ոսկանյանը։ Հակոբյանը ռազմական ոստիկանություն էր ներկայացել հունվարի 8-ին, իսկ հունվարի 9-ին մեղայականով ռազմական ոստիկանություն էր ներկայացել  նաև Ոսկանյանը։

Զորակոչիկների ավտոբուսը սահմանված կարգով ուղեկցվել է. Ոստիկանության պարզաբանումը

Աղմկահարույց միջադեպից հետո ՀՀ ոստիկանապետ Վալերիյ Օսիպյանը կարգադրել էր, որ ՀՀ ոստիկանության աշխատակիցներ լինեն զորակոչիկներին զորամասեր տեղափոխող ավտոբուսներում։

Ըստ թեմայի

Խարդախություններ զորակոչի ընթացքում. ձերբակալվել է Մասիսի զինվորական կոմիսարիատի պետը
«Կոռուպցիան արմատախիլ կարվի». Թորոսյանը` զորակոչի բուժհանձնաժողովների աշխատանքի մասին
ՊՆ-ն ամփոփել է ամառային զորակոչի տվյալները. 196 քաղաքացու տարկետում է տրվել
թեգերը:
ՀՀ դատախազություն, ՀՀ քննչական կոմիտե, Քրեական գործ, ավտոբուս, զորակոչիկ, Հայաստան, Երևան

Գլխավոր թեմաներ