18:23 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
ՀՀ արդարադատության նախարար

Քոչարյանի խափանման միջոցի հարց չի կարող քննարկվել. արդարադատության նախարար

© Sputnik / Aram Nersesyan ,
Հայաստան
Ստանալ կարճ հղումը
Ռոբերտ Քոչարյանի գործը (329)
172 0 0

Ռուստամ Բադասյանը կարծում է, որ ՍԴ–ի կողմից Քոչարյանի հայցը քննելու պրոցեսը կասկածելի է եղել։

ԵՐԵՎԱՆ, 5 սեպտեմբերի - Sputnik. ՀՀ քրեական դատավարության օրենսգրքի 135–րդ հոդվածի 2–րդ մասը ՍԴ–ն հակասահմանադրական չի ճանաչել, ինչը կարող է վկայել այն մասին, որ ՀՀ երկրորդ նախագահ Ռոբերտ Քոչարյանի խափանման միջոցի հարց չի կարող քննարկվել։ Այս մասին «Շանթ» ՀԸ «Հեռանկարի» տաղավարում հայտարարել է ՀՀ արդարադատության նախարար Ռուստամ Բադասյանը:

«ՍԴ–ն երկու հոդվածի սահմանադրականություն է քննարկել և ՀՀ Քրեական դատավորության օրենսգրքի 135-րդ հոդվածի 2–րդ մասը, որը վերաբերում է հիմնավոր կասկածի չափանիշի ստուգմանը կալանքի հարցը քննարկելիս` Սահմանադրությանը համապատասխան է»,–ասել է նա։

Հարցին, թե արդյո՞ք ՍԴ–ն իրավասու էր քննել Քոչարյանի հայցերը, քանի որ մինչ այդ ՍԴ անդամ Վահե Գրիգորյանը հարց էր բարձրացրել, որ ՍԴ–ն իրավասու չէ դրանք քննել` նախարարը պատասխանեց, որ պրոցեսը որոշակի առումով կասկածելի է եղել։

«Եթե առկա էին անհնարինության մասին տվյալներ, ՍԴ դատավորները պարտավոր էին դրա մասին հայտնել և սահմանված ընթացակարգով որոշում պետք է կայացվեր՝ արդյո՞ք անհնարին է իրենց մասնակցությունը տվյալ գործին որոշակի հանգամանքներից ելնելով, թե՞ ոչ»,–հայտնել է նա։

Ինչպես Ռոբերտ Քոչարյանի աջակիցներն ընդունեցին ՍԴ–ի որոշումը. տեսանյութ

Մեկ այլ հարցի, թե ՍԴ այս որոշումը ենթակա՞ է պարտադիր կատարման, թե՞ ոչ` նախարարը պատասխանել է, որ ՍԴ ցանկացած որոշում ենթակա է պարտադիր կատարման:

Հիշեցնենք, որ Սահմանադրական դատարանը երեկ հրապարակել էր ՀՀ երկրորդ նախագահ Ռոբերտ Քոչարյանի գործով որոշումը։

ՍԴ նախագահ Հրայր Թովմասյանը հայտնել էր, որ ՀՀ քրեական դատավարության օրենսգրքի 35-րդ հոդվածը (քրեական գործի վարույթը կամ քրեական հետապնդումը բացառող հանգամանքների) ճանաչվել է Սահմանադրության 61, 63 հոդվածներին հակասող։ Իսկ նույն օրենսգրքի 135-րդ հոդվածի 2-րդ մասը (խափանման միջոց կիրառելու հիմքերի) համապատասխանում է Սահմանադրությանը։

ՍԴ որոշումը, ըստ ՍԴ–ում Քոչարյանի ներկայացուցիչ Արամ Վարդևանյանի, փաստում է այն մասին, որ կալանավորումը, որը կիրառվել է Քոչարյանի նկատմամբ, խախտել է նրա անձնական ազատության իրավունքը։ Նրա խոսքով` եթե ՍԴ–ն արձանագրում է, որ խախտվել է անձնական ազատության իրավունքը, նշանակում է` Քոչարյանի կալանավորումը չի կարող իրավական լինել։

թեմա:
Ռոբերտ Քոչարյանի գործը (329)

Ըստ թեմայի

Դուք այս սեփականաշնորհված «բուդկայի՞ն» էիք դիմում ներկայացնում. ՍԴ նախագահը` Փաշինյանին
Ի՞նչ կտա Ռոբերտ Քոչարյանի հարցով ՄԻԵԴ որոշումը ՍԴ–ին. բացատրում է պաշտպանը
«Օրինականացվող գործարք» ՍԴ դատավորների համար, կամ իսկական ռումբ պետության տակ
ՍԴ դատավորները պատրաստվում են մերժել իշխանության առաջարկը. «Հրապարակ»
ՍԴ-ի մոտ բողոքի ակցիաներ են. ներսում քննում են Ռոբերտ Քոչարյանի դիմումը
թեգերը:
կալանավորել, Հրայր Թովմասյան, Ռոբերտ Քոչարյան, Սահմանադրական դատարան, ՀՀ արդարադատության նախարարություն, Ռուստամ Բադասյան

Գլխավոր թեմաներ