00:20 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Կաշառք

Կաշառք ստանալու գործով մեղադրանք է առաջադրվել պրոֆեսոր Մուշեղ Միրիջանյանին

© Sputnik / Asatur Yesayants
Հայաստան
Ստանալ կարճ հղումը
143 0 0

Արմավիրի նախկին մարզպետի հոր նկատմամբ խափանման միջոց է ընտրվել չհեռանալու մասին ստորագրությունը։

ԵՐԵՎԱՆ, 5 սեպտեմբերի — Sputnik. Կաշառք ստանալու դիմաց մի շարք զինակոչիկների պարտադիր զինվորական ծառայությունից խուսափելու կազմակերպման գործով մեղադրանք է առաջադրվել Երևանի պետական բժշկական համալսարանի ընդհանուր վիրաբուժության ամբիոնի վարիչ, պրոֆեսոր Մուշեղ Միրիջանյանին։ Sputnik Արմենիային այս մասին հայտնեց ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը:

«Միրիջանյանին մեղադրանք է առաջադրվել ՀՀ քրեական օրենսգրքի 200-րդ հոդվածի 3-րդ մասով (առևտրային կաշառքը), 214-րդ հոդվածի 1-ին մասով (առևտրային կամ այլ կազմակերպությունների ծառայողների կողմից լիազորությունները չարաշահելը)»,– ասաց նա։

Հարությունյանի խոսքով` Միրիջանյանի նկատմամբ խափանման միջոց է ընտրվել չհեռանալու մասին ստորագրությունը։

Նշենք, որ Մուշեղ Միրիջանյանն Արմավիրի նախկին մարզպետ Գագիկ Միրիջանյանի հայրն է։ Գագիկ Միրիջանյանն Արմավիրի մարզպետի պաշտոնը զբաղեցրեց 2018–ին` հունիսից հոկտեմբեր ամիսներին։

Հիշեցնենք, որ օգոստոսի 15-ին Ազգային անվտանգության ծառայությունը հաղորդագրություն էր տարածել, ըստ որի՝ 2019թ. ամառային զորակոչի ընթացքում, 3000-8000 ԱՄՆ դոլարի չափով կաշառքի դիմաց ՀՀ քաղաքացին կազմակերպել է ծառայության հետ անհամատեղելի առողջական խնդիրների առկայության վերաբերյալ կեղծ ախտորոշումների հիմքով 5 զորակոչիկի պարտադիր զինվորական ծառայությունից ազատելու կամ տարկետում տրամադրելու գործընթացը:

Հեղինակություն վայելող դատապարտյալին խոշոր կաշառքով «լավ են նայել». կա ձերբակալված

Գործով մեղադրանք էր առաջադրվել երկու հոգու։

Ապօրինություններ Արագածոտնում. Ճարճակիսի նախկին ղեկավարը բյուջեից գումարներ է փոշիացրել

Ըստ թեմայի

Նոր Հայաստանում չկան նոր մարդիկ, կամ ինչպես այլևս կաշառք չտալ ու չվերցնել
Կեղծ բժշկական փաստաթղթերով ու կաշառքով ազատվել են զինծառայությունից. ԱԱԾ բացահայտումը
Պաշտոնատար անձինք կաշառք են վերցրել բանտախցերում արգելված իրեր թույլատրելու համար. ԱԱԾ
թեգերը:
Մեղադրանք, Կաշառք, Հայաստան

Գլխավոր թեմաներ