19:06 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Տիգրան Ավինյան

Ryanair և Wizzair լոուքոսթերների հետ բանակցությունները շարունակվում են. Ավինյան

© Sputnik / Asatur Yesayants
Հայաստան
Ստանալ կարճ հղումը
39 0 0

Բոլոր այն ավիաընկերություններին, որոնք կանոնավոր չվերթեր կբացեն նոր ուղղություններով, արտոնություններ կտրվեն։

ԵՐԵՎԱՆ, 11 սեպտեմբերի - Sputnik. Հայկական շուկա լոուքոսթերի մուտք գործելու մասին բանակցությունները շարունակվում են, խորհրդարանում կառավարության անդամների հետ հարցուպատասխանի ժամանակ այս մասին ասաց ՀՀ փոխվարչապետ Տիգրան Ավինյանը։

«Եռակողմ ձևաչափով բանակցություններ են ընթանում թե՛ Ryanair–ի, և թե՛ Wizzair–ի հետ։ Բանակցությունները շարունակվում են «Շիրակ» և «Զվարթնոց» օդանավակայանների հետ (որպես մեկ սուբյեկտ)։ Իսկ կառավարությունը ձևավորում է նոր ծրագիր, որն ուղղված կլինի բոլոր նոր ուղղություններով արտոնյալ պայմաններ առաջարկելուն»,–ասաց Ավինյանը։

Այդ արտոնությունները և աշխատանքի ավելի հարմար պայմաններ կառաջարկվեն բոլոր այն ընկերություններին, որոնք կանոնավոր չվերթեր կիրականացնեն նոր ուղղություններով։

Ավելի վաղ քաղաքացիական ավիացիայի կոմիտեի ղեկավար Տաթևիկ Ռևազյանը հայտարարել է, որ իռլանդական Ryanair–ի ներկայացուցիչները մեկ ամսվա ընթացքում որոշում կընդունեն Հայաստանի շուկայում աշխատելու մասին։

Հայկական շուկայում նոր ավիաընկերություն կհայտնվի. «Ժողովուրդ»

Ryanair ավիաընկերությունը հիմնվել է 1984թ.–ին և համարվում է Եվրոպայի խոշորագույն լոուքոսթերներից մեկը։  Ryanair–ը սպասարկում է ավելի քան 1600 ուղղություն աշխարհի 29 երկրներում։ Ընկերությունում աշխատում է 14 700 աշխատակից։ Այն շահագործում է 450 ինքնաթիռ, հիմնականում՝ Boeing 737։

Ըստ թեմայի

Տոմսերի գները կարող են նվազել. կհաջողվի՞ արդյոք Ryanair-ին մուտք գործել հայկական շուկա
Հայկական քաղավիացիա. ինչպես է այն ստեղծվել
Քաղավիացիա. «Զվարթնոցի» գները տարածաշրջանում ամենաթանկը չեն
թեգերը:
օդանավակայան, Տիգրան Ավինյան, լոուքոսթեր, Շիրակի մարզ, «Զվարթնոց» օդանավակայան

Գլխավոր թեմաներ