21:42 13 օգոստոսի 2020
Ուղիղ եթեր
  • USD485.17
  • GBP634.70
  • EUR574.15
  • RUB6.60
Հայաստան
Ստանալ կարճ հղումը
Ռոբերտ Քոչարյան (451)
47110

ՀՀ երկրորդ նախագահը համոզված է եղել, որ Հունաստանից Հայաստան գալով կարողանալու է բացասական երանգներից զերծ պահել իր կենսագրությունը։

ԵՐԵՎԱՆ, 17 սեպտեմբերի — Sputnik. Մարտի 1-ի գործով նախաքննական մարմնի ծանուցումը ՀՀ երկրորդ նախագահ Ռոբերտ Քոչարյանը ստացել է արտերկրում և դրանից հետո վերադարձել է Հայաստան։ Այսօր դատարանում այս մասին հայտարարեց Քոչարյանը` հակադարձելով մեղադրական կողմի մտավախությանը, թե կալանքից ազատվելու դեպքում ինքը կարող է թաքնվել արդարադատությունից։

«Ես ծանուցումը ստացել եմ հուլիսի 6-ին, եղել եմ Հունաստանում և հայտնել եմ իմ հետ գալու օրը։ Այդ ժամանակ արդեն պաշտպանության նախարարը հետախուզման մեջ էր։ Երևի 10 տարի նախագահ եղած անձնավորությունը լավ է հասկանում, թե ինչպես է գործում այդ մեքենան, և ես 100 տոկոս գիտեի, որ մեղադրանք է առաջադրվելու ու շատ մեծ հավանականությամբ փորձելու են կալանավորել»,– ասաց Քոչարյանը։

Նրա խոսքով` վերադառնալու որոշում կայացրել է իր կենսագրությունը բացասական երանգներից զերծ պահելու համար։ «Մարդը կարող է ամբողջ կյանքը ճիշտ ապրել և, մեկ սխալ թույլ տալով, ամեն ինչի վրա խաչ քաշել։ Սա է եղել իմ հետ գալու նպատակը»,– ասաց նա։

Նախկին նախագահը նաև հայտարարեց, որ ինչպես 2018թ-ին, այնպես էլ այսօր արդարադատությունից խուսափելու կամ արդարադատությունը խոչընդոտելու մտադրություն չունի։

«Հարգելի դատարան, հարգելի դատավոր, ո՛չ փախնելու եմ, ո՛չ խանգարելու եմ։ Ես չեմ կասկածում և այստեղ եմ ապացուցելու համար, որ վերջում այստեղ բոլոր նստածներն արդարացվելու են։ Այս մարդկանց ուսերի վրա է կառուցվել մեր պետությունը, մեր բանակը, մեր ամեն ինչը։ Եվ այսօր, եթե նույնիսկ որոշ մարդիկ պատրաստ են այս ամեն ինչի վրա խաչ քաշել, մենք թույլ չենք տալու» ,– ասաց Քոչարյանը` հավելելով, որ թույլ չտալու ճանապարհը ոչ թե փախչելն է, այլ մնալն ու դատական նիստերին մասնակցելը։

Քոչարյանն իր ելույթում նաև հիշեցրեց, որ մարտի 1-ի զոհերի թվում կա մեկ ոստիկան, ևս 180 ոստիկան վիրավորվել են, բայց որպես տուժող ներկայացված չեն քրեական գործում։

Նախկին նախագահի ելույթից հետո դատական նիստն ընդմիջվեց։ Դատարանը գնաց նախկին նախագահի փաստաբանների միջնորդությունը (կալանքը գրավով կամ չհեռանալու մասին ստորագրությամբ) քննարկելու։ Որոշումը կհրապարակվի սեպտեմբերի 20-ին, ժամը 17։ 00–ին։

 

Հիշեցնենք, որ 2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Երևանի ընդհանուր իրավասության դատարանի Շենգավիթի նստավայրում այսօր հրապարակվեց ՀՀ երկրորդ նախագահ Ռոբերտ Քոչարյանի խափանման միջոցը փոխելու միջնորդության վերաբերյալ որոշումը, ըստ որի` նա կմնա կալանքի տակ։

թեմա:
Ռոբերտ Քոչարյան (451)

Ըստ թեմայի

Քոչարյանի գործով ՍԴ որոշումն ակնհայտորեն ապօրինի էր. Նիկոլ Փաշինյան
Օրբելյան. «Դատական համակարգին ճնշում են Քոչարյանի գործով ցանկալի արդյունք ստանալու համար»
Քոչարյանը կարող է ազդել մարտի 1-ի սպանությունների բացահայտման վրա. դատախազ
Ինչ կատարվեց դատարանի բակում Քոչարյանի վերաբերյալ որոշումը հրապարակելուց հետո. տեսանյութ
թեգերը:
Դատարան, Ռոբերտ Քոչարյան, Հայաստան

Գլխավոր թեմաներ