19:40 13 նոյեմբերի 2019
Ուղիղ եթեր
  • USD477.46
  • GBP613.63
  • EUR526.02
  • RUB7.42
Էդուարդ Մարտիրոսյան

Բոլոր սպառնալիքները վերացել են. ԱԱԾ տնօրենի ժամանակավոր պաշտոնակատար

© Photo / official site of the Prime minister of RA
Հայաստան
Ստանալ կարճ հղումը
316 0 0

ԱԱԾ նորանշանակ ղեկավարն առաջին շփումն է ունեցել լրագրողների հետ։ Հիմնական թեման կոռուպցիոն հանցագործություններն են եղել։

ԵՐԵՎԱՆ, 21 սեպտեմբերի — Sputnik. Այն բոլոր սպառնալիքները, որոնք կային, վերացել են։ Այսօր՝ սեպտեմբերի 21-ին, Գյումրիում լրագրողների հետ զրույցում ասաց ԱԱԾ տնօրենի ժամանակավոր պաշտոնակատար Էդուարդ Մարտիրոսյանը:

«Ես ձեզ հավաստիացնում եմ, որ կոռուպցիայի դեմ պայքարը շարունակվելու է, դա մեր գործառույթներից է, և մենք ոչ մի բանի դեմ կաշկանդված չենք»,– ասաց Մարտիրոսյանը։

Կոռուպցիոն բնույթի այն հանցագործությունների մասին, որոնք ներկայում քննվում են իր ղեկավարած կառույցում, ԱԱԾ տնօրենի պաշտոնակատարը չցանկացավ խոսել։

Ինչ վերաբերում է ԱԱԾ նախկին տնօրեն Արթուր Վանեցյանի պաշտոնանկությանը, Մարտիրոսյանը չցանկացավ բացել փակագծերն ու խոսել պատճառների մասին, միայն նշեց, որ Վանեցյանը հրաժեշտի հանդիպում է ունեցել աշխատակազմի հետ։

Հիշեցնենք, սեպտեմբերի 16–ին Վանաձորում տեղի ունեցած ասուլիսի ժամանակ ՀՀ վարչապետ Նիկոլ Փաշինյանն հայտարարեց, որ ստորագրել է ԱԱԾ տնօրեն Արթուր Վանեցյանին աշխատանքից ազատելու միջնորդագիրը։ Նույն օրը Վանեցյանը հանդես եկավ հայտարարությամբ։

«Եթե մի քիչ էլ շատ միֆեր գրեն իմ մասին, կարող է` ավելի շուտ խոսեմ». Արթուր Վանեցյան

Իսկ սեպտեմբերի 20-ին վարչապետ Նիկոլ Փաշինյանը փակ հանդիպում է ունեցել ԱԱԾ աշխատակազմի հետ։ Թե ինչ է խոսվել այդ հանդիպմանը չի հրապարակվում։

Նա ԱԱԾ-ին է ներկայացրել կառույցի ժամանակավոր պաշտոնակատար նշանակված Էդուարդ Մարտիրոսյանին։

Ըստ թեմայի

ԱԱԾ տնօրենի հրաժարականը լուրջ հարված է այսօրվա իշխանությանը. Շարմազանով
ԱԱԾ–ում ու ոստիկանությունում պետք է ոչ թե քաղաքական, այլ պրոֆեսիոնալ ղեկավարում. Ցոլակյան
թեգերը:
կոռուպցիա, Հրաժարական, Էդուարդ Մարտիրոսյան, Արթուր Վանեցյան, ՀՀ Ազգային Անվտանգության ծառայություն. ԱԱԾ

Գլխավոր թեմաներ