11:40 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Հայաստանի պատմության թանգարան

Շեփորից մինչև ՀՀ առաջին անձնագիրը. Անկախության եզակի սիմվոլները պատմության թանգարանում են

© Sputnik / Karine Harutyunyan
Հայաստան
Ստանալ կարճ հղումը
11220

ՀՀ առաջին անձնագիրը տրվել է Վազգեն Առաջինին։ Նա անձնագրի վավերականության ժամկետը լրանալուց հետո այն նվիրել է Հայաստանի պատմության թանգարանին։

ԵՐԵՎԱՆ, 21 սեպտեմբերի — Sputnik, Կարինե Հարությունյան. Առանց շեփորահար Աշոտ Միրզոյանի շեփորի ձայնի («Ինչու է աղմկում գետը» ֆիլմի երաժշտության) ոչ մի հանրահավաք չէր սկսվում, իսկ 1991–ի Անկախության հանրաքվեից առաջ հանրահավաքները համախմբում էին հայ ժողովրդին։ Sputnik Արմենիայի հետ զրույցում Հայաստանի պատմության թանգարանի նոր և նորագույն պատմության բաժնի ղեկավար Սեդա Գալստյանը պատմում է, որ հայտնի շեփորը տարիներ առաջ Միրզոյանը նվիրել է թանգարանին։

Труба, сигнализирующая о начале митингов в 1988-ом году в Музее истории Армении
© Sputnik / Karine Harutyunyan
Աշոտ Միրզոյանի շեփորը` Հայաստանի պատմության թանգարանում

«Շեփորահարը մի օր այցելել էր թանգարան և նայում էր մեր ցուցադրությունները։ Անկախության օրն արված լուսանկարներից մեկում նա ճանաչել էր իրեն` տանիքի վրա կանգնած, հիշել այդ օրը։ Հենց այդ ժամանակ էլ որոշեց, որ շեփորը պետք է նվիրի թանգարանին»,–պատմեց Գալստյանը։

Նա նշեց նաև, որ ճակատագրի բերումով` Միրզոյանն այժմ ԱՄՆ–ում է ապրում, սակայն հաճախ է այցելում Հայաստան և հենց իրենց թանգարան։ Նա ասում է, որ շեփորի ձայնն է նրան հայրենիք կանչում։

Заведующий отделением новой и новейшей истории Музея истории Армении Седа Галстян
© Sputnik / Karine Harutyunyan
Սեդա Գալստյանը

Սեդա Գալստյանը նշեց, որ Հայաստանի պատմության թանգարանն ունի Երրորդ հանրապետության սրահ, որտեղ էլ պահվում է ինչպես շեփորը, այնպես էլ անկախության մյուս սիմվոլները։ Գալստյանի խոսքով` այդ սրահ այցելողներին ավելի շատ հետաքրքրում է Անկախության հռչակագիրը, որտեղ 12 դրույթներով նշված է նորանկախ Հայաստանի «ճանապարհը»։

«Հռչակագրի առաջին կետն է` «Հայկական ԽՍՀ-ն վերանվանվում է Հայաստանի Հանրապետություն: ՀՀ–ն ունի իր դրոշը, զինանշանը և հիմնը»: Հռչակագրի հենց բնօրինակը` ՀՀ առաջին նախագահ Լևոն Տեր–Պետրոսյանի ստորագրությամբ, նախագահականի աշխատակազմից նվիրեցին մեզ` ի պահ»,–ասաց տիկին Գալստյանը։

Декларация о независимости в Музее истории Армении
© Sputnik / Karine Harutyunyan
Հայաստանի անկախության հռչակագիրը` Պատմության թանգարանում

Ներկայացված է նաև առաջին նախագահի գրիչը, որով ստորագրվել է հռչակագիրը, ինչպես նաև անկախության հանրաքվեի քվեաթերթիկի նմուշ, որտեղ հանրությունը «Այո» կամ «Ոչ» ասելու ընտրություն ուներ։ Նշենք, որ ընտրության իրավունք ունեցող քաղաքացիների 94 տոկոսից ավելին «Այո» էր ասել անկախանալու գործընթացին։

Стенд с законом о гербе Армении в музее Истории
© Sputnik / Karine Harutyunyan
Հայաստանի 3–րդ Հանրապետության գերբը` Հայաստանի պատմության թանգարանում

Պատմության թանգարանում ևս մեկ եզակի նմուշ է պահպանվում` անկախ Հայաստանի առաջին անձնագիրը, որը տրվել է Ամենայն Հայոց Կաթողիկոս Վազգեն Առաջինին։ Անձնագիրը թանգարանին Վազգեն Առաջինն է նվիրել, երբ դրա վավերականության ժամկետն անցել է։

Бюллетень для референдума о независимости в Музее истории Армении
© Sputnik / Karine Harutyunyan
Անկախության քվեաթերթիկը` Հայաստանի պատմության թանգարանում

Բացի այդ, ՀՀ–ի առաջին սիմվոլները` եռագույնն ու զինանշանն են պահվում թանգարանում, ինչպես նաև` Անկախության օրվա հիշարժան դրվագներն անմահացրած մի շարք լուսանկարներ։ «Լուսանկարներից առանձնանում է մեկը, որտեղ Վազգեն Առաջինը Մյուռոնօրհնեքի արարողություն է կատարում, այդ օրվա Մյուռոնօրհնեքի արարողությունը, ի դեպ, նվիրված էր Անկախությանը։ Ամենայն Հայոց Կաթողիկոս Գրիգոր Լուսավորչի ժամանակներից ի վեր Սուրբ Մյուռոնի օրհնությունը վերապահվում էր միայն Եկեղեցու նվիրյալ առաջնորդին` Ամենայն Հայոց Կաթողիկոսին»,–ասաց նա:

Портреты Католикосов в Музее истории Армении
© Sputnik / Karine Harutyunyan
Վազգեն Վեհափառի լուսանկարը` Հայաստանի պատմության թանգարանում

Երրորդ հանրապետության սրահում հենց Անկախության օրվան նվիրված դասեր են հաճախ անցկացնում ինչպես դպրոցականները, այնպես էլ ուսանողները։

Հայաստանի Հանրապետության անկախության հանրաքվեն անցկացվել է 1991թ.–ի սեպտեմբերի 21–ին։

Паспорт Католикоса Вазгена Первого в Музее истории Армении
© Sputnik / Karine Harutyunyan
Վազգեն Վեհափառի անձնագիրը` Հայաստանի պատմության թանգարանում

Հանրաքվեին մասնակցելու իրավունք ունեցող 2 մլն 163 հազար 967 մարդուց քվեարկությանը մասնակցել էր 2 մլն 56 հազար 792-ը, այսինքն՝ քաղաքացիների 95,5 տոկոսը: Անկախ ապրելուն կողմ էր քվեարկել 2 մլն 42 հազար 617 մարդ, դեմ` ընդամենը 0,46 տոկոսը:

Выставочный зал новой и новейшей истории Армении в музее истории
© Sputnik / Karine Harutyunyan
Հայաստանի պատմության թանգարան

Հայաստանն անկախ հռչակվեց Գերագույն խորհրդում հանրաքվեից երկու օր անց: Մեկ դարի ընթացքում սա Հայաստանի երկրորդ անկախությունն էր: Առաջինը 1918 թվականի մայիսին էր:

Ըստ թեմայի

«Այդ մեկ մարդը դու ես». Գյումրիում մեծարել են վարչապետի մրցանակաբաշխության հերոսներին
Արմեն Սարգսյանի շարադրությունը և Հայկ Մարությանի մանկությունը. անկեղծանում են պաշտոնյաները
«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը
թեգերը:
Լևոն Տեր–Պետրոսյան, Վազգեն Առաջին, Հայաստանի պատմության թանգարան, Թանգարան, Անկախության օր, Հայաստան

Գլխավոր թեմաներ