22:39 08 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Հայաստան
Ստանալ կարճ հղումը
219 0 0

ԱԱԾ–ն պարզել է, որ ՀՀ մի խումբ քաղաքացիներ շուրջ կեղծ ձուլակտորներ են պատրաստել ու վաճառել Իրանի քաղաքացուն։

ԵՐԵՎԱՆ, 24 սեպտեմբերի – Sputnik. Հայաստանի Հանրապետության ազգային անվտանգության ծառայությունը տնտեսական բնույթի հանցագործությունների դեմ պայքարին ուղղված իր գործառույթների իրականացման շրջանակներում ձեռնարկված լայնածավալ օպերատիվ-հետախուզական միջոցառումների արդյունքում բացահայտել է շուրջ 2 կգ քաշով կեղծ ոսկու ձուլակտորների պատրաստման և իրացման դեպք: Այս մասին հայտնում է ԱԱԾ–ն։

Զինդատախազությունը պետությանը պատճառած մոտ 9.7 մլրդ դրամի վնաս է բացահայտել

Ձեռք բերված նախնական տվյալների համաձայն՝ ՀՀ մի խումբ քաղաքացիներ, գալով նախնական համաձայնության, ոսկերչությամբ զբաղվող անձանց միջոցով պատրաստել են ոսկեպատ արծաթե համաձուլվածքներ՝ ոսկու ձուլակտորների նմանողությամբ, և նախաձեռնել դրանց իրացումը:

Մասնավորապես՝ 2019թ. սեպտեմբերի 8-ին նշված կեղծ ձուլակտորներից շուրջ 0.5 կգ-ը խաբեությամբ վաճառել են Իրանի Իսլամական Հանրապետության քաղաքացուն՝ վերջինիցս ստանալով 9 000 ԱՄՆ դոլարին համարժեք դրամ: Այնուհետև սեպտեմբերի 23-ին նշված անձինք փորձել են նույն քաղաքացուն իրացնել ևս 1.5 կգ կեղծ ոսկու ձուլակտորներ՝ 27.000 ԱՄՆ դոլար ընդհանուր արժեքով, սակայն գործարքն իրականացվել է ԱԱԾ աշխատակիցների օպերատիվ վերահսկողության ներքո, ինչից անմիջապես հետո առերևույթ հանցագործություն կատարած անձինք բռնվել և բերման են ենթարկվել:

Բացի այդ, ըստ հավաստի օպերատիվ տվյալների, նրանք կեղծ ոսկու ձուլակտորներ են գրավադրել նաև հայաստանյան բանկերից մեկում՝ դրա դիմաց ստանալով գումար:

Դեպքի առթիվ ՀՀ ԱԱԾ քննչական դեպարտամենտում ՀՀ քրեական օրենսգրքի համապատասխան հոդվածով հարուցված քրեական գործն ըստ ենթակայության ուղարկվել է ՀՀ քննչական կոմիտե՝ նախաքննությունը շարունակելու նպատակով: Երկուսին ձերբակալել են, երրորդի նկատմամբ որպես խափանման միջոց կիրառվել է ստորագրություն չհեռանալու մասին:

«Զվարթնոցում» օդանավի հավաքարարը ոսկյա թևնոց է գողացել. ոստիկանները բացահայտել են դեպքը

Ըստ թեմայի

ԱԱԾ–ն բացահայտել է մեծ քանակությամբ դեղորայքի ապօրինի ներմուծման և իրացման դեպք
Կեղծ բժշկական փաստաթղթերով ու կաշառքով ազատվել են զինծառայությունից. ԱԱԾ բացահայտումը
Ինչպես է մասնավորեցվել Տավուշի բժշկական կենտրոնը. դատախազության բացահայտումը
թեգերը:
ՀՀ ազգային անվտանգության ծառայություն. ԱԱԾ, Ոսկի, Հայաստան

Գլխավոր թեմաներ