14:34 22 հոկտեմբերի 2019
Ուղիղ եթեր
  • USD476.32
  • GBP618.26
  • EUR531.95
  • RUB7.48
Հայաստանի և Ադրբեջանի արտգործնախարարների հանդիպումը ՄԽ համանախագահների հետ. 20.06.2019թ.

ԵԱՀԿ Մինսկի խմբի համանախագահները կայցելեն Հայաստան ու Ադրբեջան

© Photo : press office of the MFA of RA
Հայաստան
Ստանալ կարճ հղումը
48 0 0

Համանախագահներն իրենց գոհունակությունն է հայտնել ամռան ընթացքում բռնությունների նվազմանն ուղղված՝ կողմերի գործադրած ջանքերի վերաբերյալ։

ԵՐԵՎԱՆ, 26 սեպտեմբերի - Sputnik. ԵԱՀԿ Մինսկի խմբի համանախագահները (ՌԴ ներկայացուցիչ Իգոր Պոպովը, Ֆրանսիայի ներկայացուցիչ Ստեֆան Վիսկոնտին, ԱՄՆ ներկայացուցիչ Էնդրյու Շոֆերը) մոտ ապագայում կայցելեն տարածաշրջան` Հայաստան ու Ադրբեջան: Այդ մասին հայտնում է ԵԱՀԿ ՄԽ պաշտոնական էջը։

«Համանախագահները ՄԱԿ-ի Գլխավոր ասամբլեայի նստաշրջանի շրջանակներում անհատապես և միասնական հանդիպել են ՀՀ արտգործնախարար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հետ: Համանախագահների և ԱԳ նախարարների հանդիպմանը միացել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը»,–նշվում է հաղորդագրության մեջ։

Նշվում է նաև, որ համանախագահները նաև հանդիպել են ԵԱՀԿ գլխավոր քարտուղար Թոմաս Գրեմինգերի, ԵԱՀԿ գործող նախագահ, Սլովակիայի արտգործնախարար Միրոսլավ Լայչակի և ՄԱԿ-ի բարձրաստիճան պաշտոնյաների հետ:

ԵԱՀԿ Մինսկի խմբի համանախագահները Հասյաստանի և Ադրբեջանի ԱԳ նախարարներին հայտնել են հունիսին Վաշինգտոնում ունեցած հանդիպումից հետո Լեռնային Ղարաբաղի հակամարտության վերաբերյալ իրենց գործունեության մասին:

Համանախագահները հայտնել են իրենց գոհունակությունը` ամռան ընթացքում երկու կողմերի գործադրած ջանքերի վերաբերյալ, որպեսզի նվազեն բռնությունները, ինչպես նաև այդ հարցում ընդգծել են երկու նախագահների ուղիղ կապի ունեցած դերը։ Համանախագահները, սակայն, ափսոսանք են հայտնել վերջին դժբախտ դեպքերի առնչությամբ:

ԵԱՀԿ Մինսկի խմբի համանախագահները և Հայաստանի ու Ադրբեջանի ԱԳ նախարարները քննարկել են լարվածության թուլացման և խաղաղությանը նպաստող մթնոլորտի համար լրացուցիչ միջոցների կիրառման հնարավորությունը։

Համանախագահները, հիշեցնելով մարտի 9–ին արված հայտարարությունը, կողմերին հորդորել են նվազագույնի հասցնել հռետորաբանությունը, որը կարող է ավելի սրել իրավիճակը։

Հիշեցնենք, որ  մարտի 9–ին համանախագահները հայտարարություն էին տարածել` ընդգծելով այնպիսի միջավայրի պահպանումը, որը թույլ կտա իրականացնել արդյունավետ քննարկումներ։ Նրանք նաև ողջունում էին որոշ սկզբնական քայլերը, որոնք իրականացվում են տարածաշրջանում՝ նախապատրաստելու բնակչությանը խաղաղությանն ու քաջալերելու կողմերին ինտենսիվացնել նման ջանքերը:

Նշենք, որ սեպտեմբերի 24–ին Նյու Յորքում կայացել էր Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը։ Զրուցակիցները քննարկել էին Լեռնային Ղարաբաղի խաղաղ գործընթացին առնչվող հարցերի շրջանակ և գնահատել ներկա իրավիճակը։

Ըստ թեմայի

Արցախը` բանակցություններում. Ադրբեջանին պետք է «համոզել» ԵԱՀԿ Մինսկի խմբի միջոցով
Նիկոլ Փաշինյանն ընդունել է ԵԱՀԿ Մինսկի խմբի համանախագահներին
«ԵԱՀԿ Մինսկի խումբը ոչինչ չի արել». Լուկաշենկոն` ղարաբաղյան հակամարտության մասին
թեգերը:
Արցախ, Ադրբեջան, Հայաստան, ԵԱՀԿ Մինսկի Խումբ

Գլխավոր թեմաներ