11:27 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հայաստան
Ստանալ կարճ հղումը
ՍԴ նախագահ Հրայր Թովմասյանին պաշտոնանկ անելու գործընթացը (85)
230 0 0

Ռուստամ Բադասյանը կարծում է, որ ԱԺ–ին ներկայացված փաստաթղթում Հրայր Թովմասյանի լիազորությունները դադարեցնելու հիմնավորումները համոզիչ են։

ԵՐԵՎԱՆ, 6 սեպտեմբերի – Sputnik. Սահմանադրական դատարանում կան խնդիրներ, իսկ ՍԴ նախագահ Հրայր Թովմասյանը թույլ է տվել էական կարգապահական խախտում։ Այս մասին ՀՀ արդարադատության նախարար Ռուստամ Բադասյանն այսօր ասաց լրագրողների հետ զրույցում։

Հայտնել էինք, որ ԱԺ֊ի իրավական հանձնաժողովը դրական եզրակացություն էր տվել Թովմասյանի լիազորությունները դադարեցնելու վերաբերյալ` ԱԺ «Իմ քայլը» խմբակցության ներկայացրած փաթեթին։

«ՍԴ նախագահի լիազորությունները դադարեցնելու՝ ԱԺ ներկայացրած փաստաթղթում կան հիմնավորումներ, որոնք կարդացել եմ ու կարծում եմ, որ այո՛, կան խնդիրներ ՍԴ–ում։ ԱԺ ներկայացրած փաստաթղթում Թովմասյանի լիազորությունները դադարեցնելու հիմնավորումները համոզիչ են»,–֊ասաց նախարարը։

Sputnik Արմենիայի հարցին, թե նախարարի կարծիքով՝ ՍԴ–֊ում, առհասարակ, փոփոխությունների կարիք տեսնո՞ւմ է՝ Բադասյանը պատասխանեց՝ «այո»։ Նախարարը նշեց, որ իրենք ուզում են՝ կյանքի կոչվի 2015թ.–ի Սահմանադրությամբ սահմանված` ՍԴ մոդելը։

Լրագրողները հետաքրքրվեցին նաև, թե ՍԴ դատավորների՝ վաղ կենսաթոշակի անցնելը հնարավո՞ր է` միջազգային կառույցների կողմից դիտարկվի որպես ճնշում դատավորների վրա։ Նախարարն ասաց`ոչ, քանի որ դրա հիմքում դրված է կամավորության սկզբունքը։

«ՍԴ դատավորները ցանկություն կհայտնեն անցնել թոշակի՝ կանցնեն, ոչ՝ ոչ։ Կարծում եմ՝ որևէ քննադատության մասին խոսք լինել չի կարող, քանի որ կամավորության սկզբունքով է»,֊ասաց նա։

Հիշեցնենք` ՀՀ կառավարությունը շրջանառության մեջ էր դրել Դատական օրենսգրքում ու Սահմանադրական դատարանի մասին օրենքում փոփոխությունների նախագիծ, որով դատավորներին առաջարկվում էր ազատվել աշխատանքից, ժամանակից շուտ անցնել թոշակի և չաշխատելով` պահպանել աշխատավարձի իրավունքը։

Առաջարկվել է «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին» օրենքն ուժի մեջ մտնելու պահից երկամսյա ժամկետում Սահմանադրության 213-րդ հոդվածով նախատեսված՝ մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի անդամի կողմից հրաժարական ներկայացվելու դեպքում լիազորությունները դադարելուց հետո մինչև իր համար Սահմանադրությամբ սահմանված պաշտոնավարման տարիքը լրանալը նա ստանա կենսաթոշակ հրաժարականի պահին ստացած պաշտոնայի դրույքաչափի ու հավելավճարի չափով:

Սահմանադրական դատարանի դատավորի նկատմամբ քրեական հետապնդում հարուցելու դեպքում նրա լիազորությունների կասեցման պահանջը հանվել է նախագծի լրամշակված տարբերակից:

թեմա:
ՍԴ նախագահ Հրայր Թովմասյանին պաշտոնանկ անելու գործընթացը (85)

Ըստ թեմայի

ՍԴ դատավորները պատրաստվում են մերժել իշխանության առաջարկը. «Հրապարակ»
Սուրենյանց. «Եթե իրադարձություններն այս ընթացքով գնան, ապա ՍԴ-ի ճգնաժամը միայն կխորանա»
ՍԴ նախագահ Հրայր Թովմասյանի պաշտոնանկության նախագիծը «երեխայական» է. ԲՀԿ պատգամավոր
«Քաղաքական ճնշում գործադրելու առիթ ունեցել ենք, բայց չենք արել». ԱԺ նախագահը` ՍԴ–ի մասին
«Մենք մտադիր չենք պաշտոնանկ անել ՍԴ նախագահին». պատգամավոր
թեգերը:
«Իմ քայլը» դաշինք, ԱԺ, Հրայր Թովմասյան, Սահմանադրական դատարան, սահմանադրություն, ՀՀ արդարադատության նախարարություն, Ռուստամ Բադասյան

Գլխավոր թեմաներ