05:07 16 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Հրայր Թովմասյան

«Քոչարյանի գործն առիթ էր». Հրայր Թովմասյանը խոսել է իր պաշտոնանկության պահանջի մասին

© Sputnik / Asatur Yesayants
Հայաստան
Ստանալ կարճ հղումը
ՍԴ նախագահ Հրայր Թովմասյանին պաշտոնանկ անելու գործընթացը (42)
136 0 0

Հրայր Թովմասյանը վստահեցնում է, որ Սահմանադրական դատարանի շուրջ ծավալված գործընթացը քաղաքական է և մեկ նպատակ է հետապնդում՝ քաղաքական որոշումների ընդունման ճանապարհին չեզոքացնել ՍԴ-ն՝ որպես արգելապատնեշ:

ԵՐԵՎԱՆ, 2 հոկտեմբերի — Sputnik. ՀՀ երկրորդ նախագահ Ռոբերտ Քոչարյանի գործն առիթ էր՝ ապագայում կանխատեսելի դարձնելու ՍԴ-ի բոլոր որոշումները: Այս մասին ասել է ՀՀ Սահմանադրական դատարանի նախագահ Հրայր Թովմասյանը` հյուրընկալվելով «Արմնյուզ» հեռուստաընկերության «#ՕրաԽնդիր» հաղորդմանը։

«Նման կանխատեսելի ՍԴ ունենալը, որը պետք է կատարի կամ փաթեթավորի քաղաքական որոշումները, պետության վերջն է: ՍԴ-ն արգելակման վերջին համակարգն է: Սա ընդամենը Հրայր Թովմասյանի լինել-չլինելու խնդիր չէ, եթե սա լիներ իմ լինել-չլինելու խնդիրը, վստահեցնում եմ՝ շատ վաղուց այդ պաշտոնը թողած կլինեի: Ինձ համար սա սահմանագիծ է, մեր սահմանի՝ ինձ վստահված տարածքն է ՍԴ-ն»,–ասել է նա։

Նրա խոսքով` մեկ քայլ հետ գնալը, ընկճվելը, ճնշվելը դավաճանության են հավասար:

Թովմասյանը հայտնել է նաև, որ անձնապես չի ճանաչում Քոչարյանին, ավելին՝ հեռակա բանավեճ է ունեցել նրա հետ 2015-ի սահմանադրական փոփոխությունների ժամանակ։

«Քոչարյանի պաշտպան և իմ սանիկ Արամ Օրբելյանը, թեև ՍԴ-ում երբեք որպես կողմ հանդես չի եկել, կամ ով էլ լինի նրա փոխարեն, չի ստիպի ինձ որևէ այլ որոշում կայացնել, քան իմ ներքին համոզմունքն է»,–ասել է նա։

Թովմասյանը նշել է նաև, որ Սահմանադրական դատարանի շուրջ գործընթացը քաղաքական է և մեկ նպատակ է հետապնդում՝ քաղաքական որոշումների ընդունման ճանապարհին չեզոքացնել ՍԴ-ն՝ որպես արգելապատնեշ:

«Քաղաքական ճնշում գործադրելու առիթ ունեցել ենք, բայց չենք արել». ԱԺ նախագահը` ՍԴ–ի մասին

ՍԴ նախագահի խոսքով` նա, ով իրեն նշանակել է, այլևս չի պաշտոնավարում, հետևաբար նախորդ իշխանություններից որևէ ակնկալիք ունենալ չի էլ կարող:

Հիշեցնենք, որ «Հրայր Թովմասյանի պաշտոնանկության» պայմանական անվանումը ստացած նախագիծը ներառված է այս շաբաթ ընթացող ԱԺ քառօրյա նիստերի օրակարգում։ Բայց ԱԺ–ն նախագծի քննարկմանը դեռ չի հասել։

«Լուսավոր Հայաստանն» արդեն հայտարարել է , որ «կողմ» է քվեարկելու նախագծին։ Ըստ ընթացակարգի՝ ԱԺ դիմումի նախագիծը խորհրդարանում հաստատվելուց հետո կուղարկվի Սահմանադրական դատարան։

ՍԴ–ում դիմումը բավարարելու համար դրան «կողմ» պետք է քվեարկեն ՍԴ դատավորներից առնվազն 6-ը։

Ի դեպ, Թովմասյանի լիազորությունները դադարեցնելու «Իմ քայլի» ներկայացրած նախագծում նման քայլի դիմելու հիմքերից մեկը հենց Քոչարյանի գործին է վերաբերում։ Թովմասյանի լիազորությունները դադարացնելու հիմնավորումները վերաբերում են Քոչարյանի դիմումի քննության ընթացքում Սահմանադրական դատարանի թույլ տրված էական կարգապահական խախտումներին: Ըստ նախագծի` այդ խախտումները Մարտի 1-ի գործով մեղադրյալ Քոչարյանի դիմումի վերաբերյալ որոշման անաչառությունը կասկածելի են դարձնում:

Սուրենյանց. «Եթե իրադարձություններն այս ընթացքով գնան, ապա ՍԴ-ի ճգնաժամը միայն կխորանա»

թեմա:
ՍԴ նախագահ Հրայր Թովմասյանին պաշտոնանկ անելու գործընթացը (42)

Ըստ թեմայի

Հրայր Թովմասյանը խոսեց իր հրաժարականի ու դատական իշխանության անկախության մասին
Հրայր Թովմասյանի պաշտոնանկության նախագիծն արդեն պատրաստ է. Միրզոյան
ՍԴ նախագահ Հրայր Թովմասյանի պաշտոնանկության նախագիծը «երեխայական» է. ԲՀԿ պատգամավոր
թեգերը:
Սահմանադրական դատարան, Հրայր Թովմասյան, Հայաստան

Գլխավոր թեմաներ