01:04 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Դավիթ Տոնոյան, արխիվային լուսանկար

Դավիթ Տոնոյանն ազատվե՞լ է պաշտոնից. նախագահականի, ՊՆ–ի ու Փաշինյանի արձագանքը

© Sputnik / Aram Nersesyan ,
Հայաստան
Ստանալ կարճ հղումը
50420

Լրատվամիջոցները գրում են, որ ՀՀ պաշտպանության նախարարն ազատվել է պաշտոնից, Նիկոլ Փաշինյանն էլ համապատասխան որոշումն արդեն ուղարկել է ՀՀ նախագահին։

ԵՐԵՎԱՆ, 9 հոկտեմբերի – Sputnik. ՀՀ նախագահի աշխատակազմը պաշտպանության նախարար Դավիթ Տոնոյանին պաշտոնից ազատելու վերաբերյալ որևէ միջնորդություն չի ստացել։ Sputnik Արմենիային այս մասին հայտնեցին նախագահի աշխատակազմից` մեկնաբանելով ԶԼՄ–ներում տարածված տեղեկությունը։

Irakanum.am-ը գրում է, որ ՀՀ վարչապետ Նիկոլ Փաշինյանը քիչ առաջ կառավարությունում հանդիպում է ունեցել պաշտպանության նախարար Դավիթ Տոնոյանի հետ և տեղեկացրել, որ վերջինս ազատվում է զբաղեցրած պաշտոնից: Ըստ կայքի` Փաշինյանը համապատասխան որոշումն արդեն իսկ ուղարկել է նախագահ Արմեն Սարգսյանին:

ՀՀ ՊՆ մամուլի խոսնակ Արծրուն Հովհաննիսյանը Sputnik Արմենիային հայտնեց, որ Տոնոյանն այս պահին հետևում է Հայաստանում անցկացվող զորավարժություններին, և նա չէր կարող քիչ առաջ հանդիպում ունենալ Նիկոլ Փաշինյանի հետ։

Sputnik Արմենիան կապ հաստատեց նաև Տոնոյանի հետ։ Նա վստահեցրեց, որ լուրը չի համապատասխանում իրականությանը։

«Նման բան չկա, ապատեղեկատվություն է»,– ասաց նա։

Լուրն արդեն մեկնաբանել է նաև Փաշինյանը։

«Անհեթեթություն է»,– ասել է նա լրագրողներին։

Նշենք, որ Արթուր Վանեցյանի` ԱԱԾ պետի պաշտոնից ազատվելուց հետո ԶԼՄ–ները սկսեցին գրել, որ շուտով հրաժարական կտա նաև Դավիթ Տոնոյանը։

Ըստ թեմայի

Փաշինյանը մտադիր է գլխիվայր շուռ տալ ոստիկանական համակարգը և պատժել Վանեցյանին. ԶԼՄ
«Տնտեսության մեջ կարևոր են ոչ թե չոր թվերը, այլ հանրային տրամադրությունը». Փաշինյան
«Գյումրիում իմացել են, որ այդ օրը ո՛չ ռեյդ է լինելու, ո՛չ որևէ այլ բան». Նիկոլ Փաշինյան
թեգերը:
պաշտոն, Նիկոլ Փաշինյան, Դավիթ Տոնոյան, Հայաստան

Գլխավոր թեմաներ