03:07 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Արա Վարդանյան

Արա Վարդանյանին կրկին կալանավորել են

© Photo : press office of "Hayastan" All Armenian Fund
Հայաստան
Ստանալ կարճ հղումը
252 0 0

«Հայաստան» համահայկական հիմնադրամի նախկին տնօրենին նոր մեղադրանք է առաջադրվել, և մոտ մեկ տարի անց նա կրկին կալանավորվել է։

ԵՐԵՎԱՆ, 9 հոկտեմբերի – Sputnik. Այսօր Երևան քաղաքի ընդհանուր իրավասության դատարանի որոշմամբ «Հայաստան» Համահայկական հիմնադրամի նախկին տնօրեն Արա Վարդանյանի նկատմամբ ընտրված խափանման միջոց գրավը վերացվեց ու նրա նկատմամբ որպես խափանման միջոց կիրառվեց կալանավորումը։ Այս մասին հայտարարություն են տարածել Արա Վարդանյանի պաշտպաններ Լուսինե Սահակյանն ու Երվանդ Վարոսյանը։

Արա Վարդանյանին ՀՀ քրեական օրենսգրքի 179-րդ հոդվածի 3-րդ մասով նոր մեղադրանք է առաջադրվել յուրացման համար։

«Իրականում մեղադրանք առաջադրելու համար պատրվակ է հանդիսացել հիմնադրամի ենթակա ձեռնարկություններից մեկի արտադրանքը հասցեատերերին մատակարարված չլինելու հանգամանքը, ինչի հետ Արա Վարդանյանը առնչություն ունենալ չէր կարող։ Նախաքննական մարմնի կողմից ևս դատարանին չներկակացվեց որևէ ապացույց, թե Արա Վարդանյանը հնարավոր է` առնչություն ունենա ինչ-որ ենթադրյալ յուրացման։ Ամենևին պատահական չենք համարում նաև այն, որ դեռևս դատարանի` խորհրդակցական սենյակում գտնվելու ընթացքում, դատարան ժամանեցին Արա Վարդանյանին քրեակատարողական հիմնարկ ուղեկցող աշխատակիցները»,– նշված է պաշտպանների տարածած հայտարարության մեջ։

Հրայր Թովմասյանի սանիկը կալանավորվեց

Ըստ փաստաբանների` նման մեղադրանքի առկայությունը, ինչպես նաև այն, որ 1 տարի, 3 ամիս ընտրված խափանման միջոց գրավի որևէ պայման չխախտած անձի նկատմամբ այսօր որպես խափանման միջոց է կիրառվում կալանավորումը, ակնհայտ են դարձնում, որ այս ամենի պատճառը Արա Վարդանյանի հասարակական-քաղաքական հրապարակային գործունեությունն է։

«Բացի այդ, ինչպես այս գործընթացը, այնպես էլ վերջին շրջանում Հայաստան Համահայկական հիմնադրամն անվանարկող տեղեկությունների շրջանառումը այլ քրեական գործերի առնչությամբ (այդ թվում իրեն ամերիկահայ ներկայացնող ադրբեջանցու միջոցով), հիմք են տալիս պնդելու, որ սրա նպատակն է նաև հերթական տարեկան դրամահավաքի նախաշեմին կրկին հարված հասցնել հիմնադրամի համբավին»,– նշել են նրանք։

Հիշեցնենք, որ 2018 թվականի հուլիսին Վարդանյանը բերման էր ենթարկվել յուրացումներ կատարելու, ինչպես նաև հասարակական կազմակերպության ծառայողի լիազորությունները չարաշահելու կասկածանքով

Վարդանյանը խոստովանել էր, որ տնօրինելով հիմնադրամին տրամադրված 25 միլիոն դրամի վարկային գծով բանկային քարտը, առցանց խաղատներում խաղադրույքներ է կատարել: Ավելի ուշ Արա Վարդանյանը 1 մլն գրավի դիմաց ազատ էր արձակվել, իսկ հուլիսի 10-ին` հրաժարականի դիմում ներկայացրել։

«Կոշ» քրեակատարողական հիմնարկի պետը կալանավորվել է

Ըստ թեմայի

«Հայկական» բուժում. ինչու են բարձրաստիճան կալանավորները մեկնում արտասահման
Սերժ Սարգսյանի եղբոր նկատմամբ խափանման միջոց է ընտրվել կալանավորումը
Եղեգնաձորում փոխգնդապետին ծանր վնասվածքներ հասցրած մարզպետի օգնականը կալանավորված է
թեգերը:
Արա Վարդանյան, կալանավորել, կալանք, Հայաստան

Գլխավոր թեմաներ