03:10 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Զոհրաբ Մնացականյանը և Սերգեյ Լավրովը. արխիվային լուսանկար

Աշխաբադում հանդիպել են Հայաստանի և Ռուսաստանի արտգործնախարարները

© Photo: official site of the MFA of RA
Հայաստան
Ստանալ կարճ հղումը
44 0 0

Հայաստանի և Ռուսաստանի ԱԳՆ ղեկավարները Թուրքմենստանում մասնակցում են ԱՊՀ արտգործնախարարների խորհրդի նիստին։

ԵՐԵՎԱՆ, 10 հոկտեմբերի — Sputnik. Հայաստանի և Ռուսաստանի արտաքին գերատեսչությունների ղեկավարներ Զոհրաբ Մնացականյանը և Սերգեյ Լավրովը հանդիպում են անցկացրել Թուրքմենստանի մայրաքաղաքում ԱՊՀ արտգործնախարարների խորհրդի շրջանակում։ Այս մասին Sputnik Արմենիային հաղորդեց Հայաստանի ԱԳՆ մամուլի քարտուղար Աննա Նաղդալյանը։

Ինչպես հաղորդում է ՌԻԱ Նովոստին, Լավրովը նշել է, որ Երևանի և Մոսկվայի միջև առկա է ինտենսիվ երկխոսություն ամենաբարձր մակարդակում։ Այդ ամենն ամրապնդվում է ակտիվ տնտեսական համագործակցությամբ։

Ռուսաստանի ԱԳՆ–ն բարձր է գնահատել Հայաստանի հետ հարաբերությունները

«Մենք այսօր լավ հնարավորություն ունենք երկկողմ հանդիպում անցկացնել Աշխաբադում ԱՊՀ արտգործնախարարների խորհրդի շրջանակում և տեսնել, թե ինչպես ենք աշխատում մեր առաջնորդների` ՌԴ նախագահի և Հայաստանի վարչապետի պայմանավորվածությունները կատարելու ուղղությամբ»,–ասաց Լավրովը` ողջունելով հայ գործընկերոջը։

Նրա խոսքով` նման հանդիպումը լավ հնարավորություն է միջազգային ասպարեզում (ԵԱՀԿ, ԵԽ, ՄԱԿ ԵԱՏՄ) համագործակցությունը քննարկելու համար։

Իր հերթին Հայաստանի ԱԳՆ ղեկավարը կարևորել է Մոսկվայի և Երևանի միջև գործակցության ակտիվությունը։ Նա նշել է, որ պետությունների միջև առկա է «դրական փոխանակում ինչպես միջազգային օրակարգի, այնպես էլ երկկողմ հարաբերությունների բոլոր հարցերի վերաբերյալ»։

Նախօրեին Մնացականյանը հանդիպել էր թուրք գործընկեր Ռաշիդ Մերեդովի հետ։ Կողմերը քննարկել են համագործակցությունն ընդլայնելու հնարավորությունները։

Ինչպես ավելի վաղ Sputnik Արմենիային հայտնել էին ՀՀ ԱԳՆ մամուլի ծառայությունից, Մնացականյանի և նրա ադրբեջանցի գործընկեր Էլմար Մամեդյարովի միջև հանդիպում չի նախատեսվում։

Ըստ թեմայի

Արցախի ԱԳՆ–ն Կարմիր խաչի ներկայացուցչի հետ քննարկել է Ադրբեջանում հայտնված զինվորի հարցը
ԱՄՆ-ի հետ հարաբերությունը պայմանավորված չէ անձերով. ԱԳՆ խոսնակը` Բոլտոնի հրաժարականի մասին
Հայաստանի մտահոգությունները լսելի են. ԱԳՆ խոսնակը` Ադրբեջանին զենք վաճառելու մասին
Ալիևի խոսքում որևէ նոր բան չկար. ՀՀ ԱԳՆ–ի արձագանքն Ադրբեջանի նախագահի ելույթին
թեգերը:
ՀՀ Արտաքին գործերի նախարարություն. ԱԳՆ, Ռուսաստան, Հայաստան, Զոհրաբ Մնացականյան, Սերգեյ Լավրով

Գլխավոր թեմաներ