20:44 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Նիկոլ Փաշինյանի ելույթը «Իմ քայլը հանուն Արագածոտնի մարզի» համաժողովում

«Գործարարների շրջանում մենք չունենք թշնամիներ». Փաշինյան

© Photo / official site of the Prime minister of RA.
Հայաստան
Ստանալ կարճ հղումը
63 0 0

ՀՀ վարչապետ Նիկոլ Փաշինյանը Արագածոտնի մարզում ընթացող ներդրումային բիզնես համաժողովում հայտարարել է, որ Հայաստանում ընդդիմադիր և իշխանամետ գործարարների բաժանում չկա։

ԵՐԵՎԱՆ, 12 հոկտեմբերի — Sputnik. 2019թ–ը տնտեսությունը կավարտի շուրջ 7 տոկոս աճով։ Այսօր Արագածոտնի մարզի Սասունիկ համայնքում այս մասին հայտարարեց ՀՀ վարչապետ Նիկոլ Փաշինյանը` ելույթ ունենալով «Իմ քայլը հանուն Արագածոտնի մարզի» ներդրումային բիզնես ծրագրերի համաժողովում։

Վարչապետը նշեց, որ տնտեսական աճի այս ցուցանիշը բարձր է ԵԱՏՄ–ի ու նույնիսկ եվրոպական տարածքի համար, բայց Հայաստանի համար հնարավորությունների գագաթնակետը չէ։

«Իհարկե, հասկանալի է, որ մեր բազան բավականին ցածր է, ու 7 տոկոս տնտեսական աճն այն ցուցանիշը չէ, որից մենք պետք է շատ երջանիկ զգանք մեզ։ Բայց այս տարվա տնտեսական ցուցանիշները ցույց են տալիս, որ այն տնտեսական ցուցանիշները, որ մենք ունենք և ձևակերպել ենք, իրական են և կարող են դառնալ իրականություն»,– ասաց Փաշինյանը։

Վարչապետը նշեց նաև, որ ՀՀ–ն տարին կամփոփի նաև միջազգային պահուստների ռեկորդային ցուցանիշով։

«Այսինքն` այս տարվա դեկտեմբերի 31–ի դրությամբ մենք կունենանք 3-րդ հանրապետության պատմության մեջ միջազգային պահուստների ամենաբարձր ցուցանիշը։ Սա ևս կարևոր արդյունք է, որը վկայում է նաև մեր երկրի ֆինանսական համակարգի կայունության մասին»,– ասաց նա։

Վարչապետի ներկայացրած մեկ այլ ցուցանիշ վերաբերում էր ԿԲ–ի գնած արտարժույթի ծավալին։ Ըստ վարչապետի` 2019թ–ի առաջին 9 ամիսներին ՀՀ ԿԲ–ն Հայաստանի շուկայում 443 մլն դոլարի գնում է իրականացրել։ Այս ցուցանիշը Փաշինյանը պայմանավորեց հիմնականում զբոսաշրջության ավելացման հետ։

Այդուհանդերձ, այս ցուցանիշները վարչապետը դեռևս հաջողություն չի համարում ու դիտարկում է որպես հնարավորություն, որը դեռ պետք է զարգացնել։

«Ինչպես պիտի իրացվի այս հաջողությունը։ Սա ամենակարևոր հարցն է։ Այս հարցի պատասխանը գործընկերությունն է։ Գործընկերությունը կառավարության, ՓՄՁ և խոշոր բիզնեսի միջև, և այսօր այդ գործընկերության համար ստեղծված են բոլոր պայմանները։ ՀՀ–ում այսօր չկա բաժանում ընդդիմադիր և իշխանամետ գործարարների։ Գործարարների շրջանում մենք ընդհանրապես չունենք թշնամիներ, բոլոր գործարարներին համարում ենք մեր դաշնակիցը»,– հայտարարեց Փաշինյանը։

«Ալիևի ասածը լսելիս «Կովկասի գերուհին» հիշեցի». Փաշինյանի պատասխանը Ալիևին. տեսանյութ

Նշենք, որ Արագածոտնի մարզում ներդրումային բիզնես ծրագրերի ֆորումն անցկացվում է «Արմենիա Վայն» գինու գործարանի մառանում, ինչը վարչապետ Փաշինյանը խորհրդանշական է համարում` մարզում գինեգործության ու կոնյակի արտադրության զարգացման տեսակետից։

Մինչ այժմ նման համաժողովներ են անցկացվել նաև Կոտայքի, Արարատի, Լոռու, Գեղարքունիքի, Սյունիքի, Տավուշի և Շիրակի մարզերում:

Նիկոլ Փաշինյանը նկարահանվում է տեսահոլովակում

Ըստ թեմայի

Անշարժ գույքի շուկայում ստեղծված իրավիճակը մտահոգում է վարչապետին
Փաշինյանն առաջարկում է` հարստացեք և հարստացրեք պետությանը
Կնոջը` պայուսակ, դուստրերին` կոսմետիկա. Փաշինյանը նվերներ ստացավ ցուցահանդեսում

Գլխավոր թեմաներ