12:25 14 նոյեմբերի 2019
Ուղիղ եթեր
  • USD477.46
  • GBP613.63
  • EUR526.02
  • RUB7.42
Ռոբերտ Քոչարյան

Ռոբերտ Քոչարյանի մոտ քաղցկեղ հայտնաբերվե՞լ է. հստակ պատասխան Սողոմոնյանից

© Sputnik / Asatur Yesayants.
Հայաստան
Ստանալ կարճ հղումը
1746 0 0

ԶԼՄ–ներում և սոցցանցերում չեն դադարում Ռոբերտ Քոչարյանի առողջական վիճակի մասին խոսակցությունները, շատերը կարծում են, որ նա լուրջ հիվանդ է, բայց թաքցնում է։ Մյուսները, հակառակը, համոզված են, որ պետության նախկին ղեկավարը ուզում է խուսափել պատասխանատվությունից։

ԵՐԵՎԱՆ, 14 հոկտեմբերի — Sputnik. ՀՀ երկրորդ նախագահ Ռոբերտ Քոչարյանի վիճակը լավ է, նա գտնվում է վերականգնողական շրջանում, ավելի հստակ` վերականգնողական փուլ է անցնում, ինչի համար ևս 3-4 օր կպահանջվի։ Sputnik Արմենիային այս մասին ասաց նախկին նախագահի գրասենյակի ղեկավար Վիկտոր Սողոմոնյանը ։

«Ինքնազգացողությունը լավ է, ամեն ինչ պլանավորածի պես է ընթանում, որևէ չարորակ գոյացություն չի հայտնաբերվել, լավ է զգում, տրամադրությունը լավ է», – նշեց Սողոմոնյանը։

Ավելի վաղ ԶԼՄ–ներում և սոցցանցերում տեղեկություն էր տարածվել, որ Երևանի «Իզմիրլյան» ԲԿ–ն ստացել է Ռոբերտ Քոչարյանի հյուսվածաբանական հետազոտությունների պատասխանները, և Քոչարյանի մոտ քաղցկեղային բջիջներ, չարորակացման միտումներ չեն հայտնաբերվել։

ԲԿ–ի գործադիր տնօրեն Արմեն Չարչյանը ԶԼՄ–ներին հայտնել է, որ «ամեն ինչ բարորակ է, Ռոբերտ Քոչարյանը գտնվում է վերականգնողական փուլում, կազդուրվում է, դրական դինամիկա է նկատվում»։ Սակայն, Չարչյանի խոսքով, «առաջիկա 2-3 օրվա ընթացքում նա հաստատ այստեղ կմնա, քանի որ դժվարությամբ է վերականգնվում»։

Հիշեցնենք, որ կալանքի տակ գտնվող Ռոբերտ Քոչարյանին հոկտեմբերի 8-ին տեղափոխել էին «Իզմիրլյան» ԲԿ, նա երեք անգամ բուժզննում է անցել։ Սողոմոնյանն ավելի վաղ հայտնել էր, որ երկրորդ նախագահը լուրջ խնդիրներ չունի, Քոչարյանի առողջությունը որոշ ժամանակ անց ամբողջությամբ կվերականգնվի։ «Ոչ բարդ վիրահատություն է եղել, նորմալ է անցել», – ավելի ուշ ասել էր Սողոմոնյանը` չբացելով փակագծերը։

«Իզմիրլյան» ԲԿ–ն նույնպես չի հայտնում, թե ինչ վիրահատություն են արել։

Քոչարյանն առողջական լուրջ խնդիրներ չունի. որդին է ասել

Հիշեցնենք, որ 2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

«Սերժ Սարգսյանը և Ռոբերտ Քոչարյանը կոպեկ առ կոպեկ հետ են վերադարձնելու թալանածը». Փաշինյան

Ըստ թեմայի

Որտեղ են հանդիպել Վլադիմիր Պուտինն ու Բելլա Քոչարյանը և ինչ են քննարկել
Ռոբերտ Քոչարյանի և մյուսների գործով դատավորը մերժեց ինքնաբացարկի միջնորդությունը
Ռոբերտ Քոչարյանին կրկին տեղափոխել են «Իզմիրլյան» ԲԿ
թեգերը:
Վիկտոր Սողոմոնյան, քաղցկեղ, Ռոբերտ Քոչարյան, Հայաստան

Գլխավոր թեմաներ