22:08 20 հունվարի 2020
Ուղիղ եթեր
  • USD479.34
  • GBP622.23
  • EUR531.59
  • RUB7.78
Հայաստան
Ստանալ կարճ հղումը
21201

ՀՀ ԱԳՆ–ն առայժմ զերծ է մնում գնահատականներից, գերատեսչությունում սպասում են, որ Թբիլիսին պաշտոնական դիրքորոշում հայտնի։

ԵՐԵՎԱՆ, 14 հոկտեմբերի – Sputnik. Հայաստանի արտգործնախարարությունը սպասում է, որ Վրաստանը հայ լրագրողներին Վրաստան չթողնելու վերաբերյալ պարզաբանումներ տա։ Այսօր ճեպազրույցի ժամանակ այս մասին ասաց ՀՀ ԱԳՆ մամուլի քարտուղար Աննա Նաղդալյանը։

Ավելի վաղ լրատվամիջոցները տեղեկություն էին տարածել, որ հոկտեմբերի 11-ին ավելի քան 4 ժամ հայ–վրացական սահմանի «Նինոծմինդա-Բավրա» անցակետում պահելուց հետո Epress.am-ի լրագրողներ Յուրի Մանվեսլյանին, Տիգրան Խաչատրյանին ու Տիգրան Հակոբյանին արգելել են մուտք գործել Վրաստան: Հայ–վրացական նախագծի շրջանակում լրագրողները նախատեսում էին մի շարք հարցազրույցներ անցկացնել տեղացի ակտիվիստների ու բնակիչների հետ։ Լրագրողներին ասել էին. «Ձեզ արգելվում է Վրաստանի տարածքում լրագրությամբ զբաղվել։ Դուք չեք կարող մուտք գործել»։ Հայ լրագրողներն այս մասին հայտնել էին Վրաստանի պատասխանատու մարմիններին ու ՀՀ ԱԳՆ–ին։

«Խնդրի մասին գիտենք։ Վրաստանում մեր դեսպանությունն անմիջապես կապ է հաստատել վրացի գործընկերների հետ։ Խնդրի վերաբերյալ մեր մոտեցումները և խնդիրը ներկայացվել է Վրաստանի ԱԳՆ։ Ակնկալում ենք, որ վրացական կողմը պարզաբանում կներկայացնի», – ասաց Նաղդալյանը։

Նա ավելացրեց, որ դրանից հետո Վրաստանում Հայաստանի դեսպանությունը հանդես կա համապատասխան հայտարարությամբ։

Վրաստանի որոշ լրատվամիջոցներ նույնպես անդրադարձել են հայ–վրացական սահմանում տեղի ունեցած միջադեպին և նույնպես նշել են, որ Վրաստանի ԱԳՆ–ի պաշտոնական բացատրության անհրաժեշտության կա։

«Տաբուլա» վրացական գործակալության թղթակիցները փորձել են այս թեմայով տեղեկություն ստանալ Վրաստանի ներքին գործերի նախարարությունից, բայց անորոշ պատասխան են ստացել։

Իրանում ռուս լրագրողի անձնագիրը խլել են, հետո նրան ձերբակալել

Ի պատասխան գործակալության հարցին` ՆԳՆ–ից պատասխանել են, որ լրագրողների մուտքն արգելել է «Օտարազգիների և առանց քաղաքացիության անձանց իրավական կարգավիճակի մասին» օրենքի առաջին հոդվածի 11 կետի «ի» ենթակետի համաձայն։ Դրա համաձայն` օտարազգիներին կարող են արգելել մուտք գործել Վրաստան, եթե նրանք չունեն փաստաթղթեր կամ նրանց փաստաթղթերը անարժանահավատ են կամ տվյալ անձանց Վրաստան գալը սպառնում է պետական անվտանգությանը կամ երկրի հասարակական կարգին և այլն։ «Ի» ենթակետի համաձայն`հայ լրագրողների մուտքն արգելվել է «Վրաստանի օրենսդրությամբ նախատեսված այլ դեպքերի» մասին դրույթի համաձայն։

Նշենք` Epress.am պարբերականը հայտնի է ղարաբաղյան հարցի, ԼԳԲՏ–համայնքի ու բանակի վերաբերյալ բավականին սկանդալային նյութերով։

Ե՞րբ կվերականգնվի Վրաստանի հետ ավիահաղորդակցությունը. Կրեմլի պարզաբանումը

Ըստ թեմայի

Դժոխային վազվզոց. 260 լրագրող լուսաբանում էին ԵԱՏՄ բարձրագույն խորհրդի նիստը. տեսանյութ
«Երևանն ինչպես Բաբելոնը». ռուսաստանցի լրագրողը երազում է Հայաստան վերադառնալու մասին
թեգերը:
ՀՀ Արտաքին գործերի նախարարություն. ԱԳՆ, Լրագրող, Վրաստանի Հանրապետություն, Հայաստան

Գլխավոր թեմաներ