ԵՐԵՎԱՆ, 15 հոկտեմբերի – Sputnik. Ճանաչված ռեժիսոր, պրոդյուսեր, Associated Television International ընկերության հիմնադիր (ԱՄՆ) Դեյվիդ ՄկՔենզին պատրաստ է Հայաստանի մասին ցանկացած ֆիլմ նկարել, անգամ այնպիսին, որը կարծարծի արցախյան հիմնախնդիրը: Նա այս մասին ասաց այսօր «Բարեփոխելով աշխարհը» հեռուստահաղորդումների և կինոյի անդրանիկ փառատոնին նվիրված համաժողովում:
«Մենք մեր ֆիլմերում անդրադառնալու ենք Հայաստանի պատմությանը, մշակույթին, որի մի մասն էլ արցախյան հիմնախնդիրն է: Ամբողջ աշխարհը պետք է իմանա, թե ինչ է կատարվել իրականում: Մենք չենք պատրաստվում ծածկադմփոց անել և թաքցնել այն, թե ինչ է տեղի ունեցել և այսօր էլ շարունակվում է: Ես ոչ մի խնդիր չունեմ, և եթե մենք Արցախյան պատերազմին վերաբերվող ֆիլմ ստեղծենք, ապա թքած կունենանք Ադրբեջանի և Թուրքիայի կարծիքի վրա»,- ասաց ռեժիսորը` պատասխանելով Sputnik Արմենիայի հարցին:
ՄկՔենզիիի ելույթի ընթացքում զգացվում էր, որ նա բավականաչափ տեղյակ է Հայաստանի պատմությունից և արցախյան հիմնախնդրից: Նա ցավով նշեց, որ մի հայ ընկեր ունի, որը ծնվել ու մեծացել է ԱՄՆ-ում և տեղյակ չէ արցախյան հիմնախնդրից:
Ռեժիսորը վստահ է, որ շուտով իրենց նկարահանած ֆիլմերի և հաղորդաշարների շնորհիվ ամբողջ աշխարհը կտեղեկանա Հայաստանի մասին, և զբոսաշրջիկներն ավելի շատ կայցելեն այստեղ:
Արդի հայ թատերագրությունը խոսում է լեհերեն
Հիշեցնենք, որ «Բարեփոխելով աշխարհը» հեռուստահաղորդումների և կինոյի անդրանիկ փառատոնին ցուցադրվելիք լավագույն հինգ անվանագարգերում հաղթած ֆիլմերի և հեռուստահաղորդումների անուններն արդեն հայտնի են. դրանք կցուցադրվեն հոկտեմբերի 15-ին և 16-ին «Մոսկվա» կինոթատրոնում։
Այսօր «Մոսկվա» կինոթատրոնում 14.30-ին կցուցադրվի ռեժիսոր Սերգեյ Սարկիսովի «Ընտրություն» ֆիլմը, որը պատմում է Հայաստանում «թավշյա հեղափոխության» և խաղաղ ցույցերի մասին:
Այս տարի «ՌեԱնիմանիա» փառատոնում մոտ 100 անիմացիոն ֆիլմ կմրցեն տարբեր անվանակարգերում
