21:06 11 դեկտեմբերի 2019
Ուղիղ եթեր
  • USD478.02
  • GBP628.02
  • EUR529.79
  • RUB7.53
Ոստիկանության մեքենա. արխիվային լուսանկար

Երևանում ոստիկանի սպանության գործով Քննչական կոմիտեում քրգործ է հարուցվել 3 հոդվածով

© Sputnik / Andranik Ghazaryan
Հայաստան
Ստանալ կարճ հղումը
180 0 0

Բռնված անձինք փորձել են դիմել փախուստի, որի ժամանակ նրանցից մեկը հափշտակել է ոստիկաններից մեկին ամրակցված զենքն ու կրակել նրանցից մեկի բազկին։

ԵՐԵՎԱՆ, 16 հոկտեմբերի — Sputnik. Երևանում ոստիկանի սպանության դեպքի առթիվ հարուցվել է քրեական գործ՝ ՀՀ քրեական օրենսգրքի 238-րդ հոդվածի (զենք, ռազմամթերք, պայթուցիկ նյութեր կամ պայթուցիկ սարքեր հափշտակելու կամ շորթելու) 1-ին մասով, 316-րդ հոդվածի (Իշխանության ներկայացուցչի նկատմամբ բռնություն գործադրելը) 2-րդ մասով և 104-րդ (Սպանությունը) հոդվածի 1-ին մասով: Կազմվել է քննչական խումբ, մշակվել քննչական պլան, հայտնում է Քննչական կոմիտեն:

«Նախնական տվյալներով՝ հոկտեմբերի 16-ին` ժամը 04:20-ին, «Սուրբ Գրիգոր Լուսավորիչ» բժշկական կենտրոնից հաղորդում է ստացվել այն մասին, որ «կենսաբանական մահ, հրազենային վերք ձախ բազկի շրջանում» ախտորոշմամբ իրենց մոտ բուժօգնության են տեղափոխվել 1981 թվականին ծնված Տիգրան Առաքելյանը և «գանգի գագաթային շրջանի պատռվածք վերք ախտորոշմամբ» 1994 թվականին ծնված Ա. Հակոբյանը»,–ասվում է Քննչականի տարածած հաղորդագրության մեջ: 

Ինչ կարժենա ոստիկանական համակարգի փոփոխությունը. «Ժողովուրդը» մանրամասներ է ներկայացնում

Անմիջապես դեպքի վայր է մեկնել քննչական-օպերատիվ խումբ: Պարզվել է, որ հիվանդանոց տեղափոխված անձինք ՀՀ ոստիկանության ծառայողներ են, ովքեր նույն օրը՝ ժամը 03:40-ի սահմաններում, իրենց ծառայությունը կատարելու ընթացքում, «Հաղթանակ» զբոսայգու մուտքի մոտ նկատել են երկու անձի։ Վերջիններս, տեսնելով պարեկային մեքենան, դիմել են փախուստի։ Ոստիկանության ծառայողները հետապնդել են նրանց և Ազատության պողոտայում բռնել։ Բռնված անձինք փորձել են դիմել փախուստի, որի ժամանակ նրանցից մեկը հափշտակել է ոստիկաններից մեկին ամրակցված զենքը, հարվածել Ա.Հակոբյանի գլխին և կրակել Տ.Առաքելյանի ձախ բազկին, ով ստացած մարմնական վնասվածքներից մահացել է:

Կատարվել է դեպքի վայրի զննություն, որի ժամանակ հայտնաբերվել են 1 հատ պարկուճ և 1փամփուշտ, արնանման հետքեր, վերցվել փորձանմուշներ: Առգրավվել են մահացածի հագին դեպքի պահին եղած հագուստները, որոնց վրա առկա են եղել արնանման հետքեր: Քրեական գործով էական նշանակություն ունեցող հանգամանքներ պարզելու նպատակով նշանակվել են փորձաքննություններ:

Նախաքննությունը շարունակվում է:

Նախկին ոստիկանապետ Վլադիմիր Գասպարյանի մեղադրանքը չի փոխվել, բայց կփոխվի

Ձեռնարկվում են անհետաձգելի քննչական, օպերատիվ հետախուզական միջոցառումներ՝ դեպքի հանգամանքները պարզելու, առերևույթ հանցագործություն կատարած անձանց հայտնաբերելու և նրանց գործողություններին քրեաիրավական գնահատական տալու վերաբերյալ:

Ըստ թեմայի

Սևանի հետ կապված վերջին տարիներին մոտ 50 քրեական գործ է հարուցվել. նախարար
Մանրամասներ Գյումրիում կատարված դանակահարությունից. հարուցվել է քրեական գործ
Զինծառայող Մուշեղ Աբովյանի սպանության դեպքի առնչությամբ քրեական գործ է հարուցվել
թեգերը:
Երևան, ՀՀ քննչական կոմիտե, Քրեական գործ, Սպանություն, ՀՀ Ոստիկանություն, Ոստիկանություն

Գլխավոր թեմաներ