10:43 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հայաստան
Ստանալ կարճ հղումը
133 0 0

Քրեակատարողական և Պրոբացիայի ծառայությունը Նաիրի Հունանյանի դիմումի առնչությամբ ներկայացրել էին բացասական զեկույց:

ԵՐԵՎԱՆ, 28 հոկտեմբերի — Sputnik. «Հոկտեմբերի 27»–ի գլխավոր ոճրագործ Նաիրի Հունանյանի՝ պայմանական վաղաժամկետ ազատվելու հարցը դատարան չի ներկայացվի։ Այս մասին գրված է ՀՀ արդարադատության նախարարության Facebook–յան էջում։

«Հոկտեմբերի 27»-ի գործով ահաբեկչական խմբավորման ղեկավար Նաիրի Հունանյանը սեպտեմբերի 11–ին դիմում էր ներկայացրել` վաղաժամկետ ազատ արձակման խնդրանքով, քանի որ օրենքով դատապարտվելուց 20 տարուց անց ցմահ դատապարտյալներն իրավունք ունեն դիմել պայմանական վաղաժամկետ ազատման համար։

«Սեպտեմբերի 19-ին Քրեակատարողական ծառայությունը, իսկ հոկտեմբերի 23-ին Պրոբացիայի ծառայությունը Հունանյանի դիմումի առնչությամբ ներկայացրել էին բացասական զեկույց: Հաշվի առնելով 2 ծառայությունների ներկայացրած զեկույցների բացասական լինելու հանգամանքը՝ քրեակատարողական հիմնարկի վարչակազմը հոկտեմբերի 28-ին որոշել է Հունանյանի՝ պայմանական վաղաժամկետ ազատվելու հարցը դատարան չներկայացնել»,–նշված է հաղորդագրության մեջ։

Այս որոշումը կարող է բողոքարկվել առաջին ատյանի ընդհանուր իրավասության դատարան որոշումը ստանալուց հետո՝ տասնօրյա ժամկետում:

Քրեակատարողական հիմնարկի վարչակազմի որոշումը չբողոքարկելու դեպքում հարցը կարող է կրկին քննարկվել համապատասխան որոշման ընդունումից հետո՝ մեկուկես տարի անց, եթե դատապարտյալը նշված ժամկետը լրանալուց ոչ շուտ, քան 40 օր առաջ ներկայացնի դիմում: Քրեակատարողական հիմնարկի վարչակազմի որոշումը բողոքարկելու դեպքում, եթե դատարանը մերժի պայմանական վաղաժամկետ ազատումը, հարցը կարող է կրկին քննարկվել վերջնական դատական ակտն օրինական ուժի մեջ մտնելուց հետո` 3 տարի անց, եթե դատապարտյալը դիմում ներկայացնի։

Հիշեցնենք, որ 1999թ-ի հոկտեմբերի 27-ին ոճրագործների խումբը` Նաիրի Հունանյանի գլխավորությամբ, ներխուժել էր ՀՀ Ազգային ժողովի նիստերի դահլիճ և սպանել ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:

Խելագարվե՞լ է արդյոք Կարեն Հունանյանը. ՔԿՀ պատասխանը

Ահաբեկիչների նկատմամբ դատական գործը սկսվեց 2001թ.-ի փետրվարին և տևեց մինչև 2003թ.-ի դեկտեմբերը։

Դատարանի որոշմամբ, Նաիրի Հունանյանը, նրա եղբայրը` Կարեն Հունանյանը, նրանց քեռին` Վռամ Գալստյանը, ինչպես նաև Դերենիկ Բեջանյանը, Էդիկ Գրիգորյանը և Աշոտ Կնյազյանը դատապարտվեցին ցմահ, Համլետ Ստեփանյանը` 14 տարվա ազատազրկման։

Ըստ թեմայի

Սպասում եմ «Հոկտեմբերի 27-ի» գործով Հայաստանի իշխանության գնահատականին. Անահիտ Բախշյան
«Այդ օրը միշտ կմնա մեր նորանկախ պետության սև էջերից». Միրզոյանը` հոկտեմբերի 27֊ի մասին
Վենդետա հայկական ձևով, կամ ինչով են վտանգավոր դավաճանները
«Հոկտեմբերի 27-ի քրգործը պետք է վերաբացվի». Ռուբեն Հակոբյան
թեգերը:
ՀՀ արդարադատության նախարարություն, Դատարան, Հոկտեմբերի 27, Նաիրի Հունանյան

Գլխավոր թեմաներ