01:31 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
285 0 0

Ջիանի Բուքիքիոն նշել է, որ իրադարձությունների արագ զարգացումը և դրանց հանրայնացումը չեն նպաստում խնդիրների սահուն կարգավորմանը:

ԵՐԵՎԱՆ, 29 հոկտեմբերի –Sputnik. Վենետիկի հանձնաժողովի նախագահ Ջիանի Բուքիքիոն մտահոգված է մի կողմից կառավարության և Ազգային ժողովի, մյուս կողմից՝ Սահմանադրական դատարանի միջև առկա բաց կոնֆլիկտից: Բուքիքիոն հայտարարություն է տարածել կապված Հայաստանում ՍԴ շուրջ իրավիճակի հետ` նշելով, որ արդեն մի քանի ամիս է՝ ուշադիր հետևում է Հայաստանում ստեղծված իրավիճակին:

Ես Սահմանադրական դատարանի նախագահ եմ. Հրայր Թովմասյանը` ՍԴ դատավոր–ՍԴ անդամ լինելու մասին

Նա նշել է, որ վերջին իրադարձությունների արագ հաջորդականությունը և հանրայնացումը չեն նպաստում խնդիրների սահուն կարգավորմանը, և որ Ժողովրդավարության պայմաններում խորհրդարանը ժողովրդական ինքնիշխանության պահապանն է և, այդպիսով, վայելում է բարձրագույն ժողովրդավարական լեգիտիմությունը: Սահմանադրական դատարանը պաշտպանող հաստատություն է, որին վստահված են պահպանել  սահմանադրական արժեքները:

«Ժողովրդավարական երկրում պետական բոլոր հաստատությունները և գրասենյակների ղեկավարները պետք է հարգեն իրենց իրավասությունները, պարտականությունները և լիազորությունները, ընդունեն և հարգեն մյուս հաստատություններինը»,–ասվում է Բուքիքիոյի հայտարարության մեջ:

Վենետիկի հանձնաժողովի նախագահը նշել է, որ բոլոր այդ կառույցները պետք է օգտագործեն համապատասխան ինստիտուցիոնալ զսպվածություն, բարեխղճորեն պահպանեն համապատասխան ընթացակարգերը և հարգանք ցուցաբերեն միմյանց նկատմամբ:

«Եթե դա չի կատարվում, եթե չկա ժողովրդավարական մշակույթ և հասունություն, պետական ինստիտուտների գործառույթները խաթարված են, վտանգվում է հասարակության ժողովրդավարական, քաղաքացիական և տնտեսական առաջընթացը»,–հայտարարել է Բուքիքիոն:

Նա կոչ արել բոլոր կողմերին ցուցաբերել զսպվածություն, փոխադարձ հարգանք և կառուցողական ինստիտուցիոնալ համագործակցություն՝  իրավիճակը հանդարտեցնելու և Հայաստանի Սահմանադրության բնականոն գործունեությունն ապահովելու համար:

Ըստ թեմայի

Վարդևանյան. «Վենետիկի հանձնաժողովի կարծիքը կիրառելի է ԵԽ անդամ բոլոր երկրների համար»
Վենետիկի հանձնաժողովը պատրաստակամ է Քոչարյանի գործով խորհրդատվական կարծիք տրամադրել
Ազգային ժողովում Ստամբուլյան կոնվենցիան շուտ չի քննարկվի. Վենետիկից պատասխանի են սպասում
թեգերը:
ՀՀ Ազգային ժողով, ՀՀ կառավարություն, Հայաստան, Նիկոլ Փաշինյան, Սահմանադրական դատարան, Հրայր Թովմասյան, Վենետիկի հանձնաժողով

Գլխավոր թեմաներ