08:35 08 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Հայաստան
Ստանալ կարճ հղումը
120 0 0

Վերաքննիչ դատարանը նախկին պատգամավորի երբոր` Ռոբերտ Մանուկյանի նկատմամբ գրավի կիրառումն անթույլատրելի է համարել:

ԵՐԵՎԱՆ, 30 հոկտեմբերի — Sputnik. Վերաքննիչ քրեական դատարանը բավարարել է դատախազության միջնորդությունը և ԱԺ նախկին պատգամավոր Մելիք Մանուկյանի` «Շշի Մելոյի» եղբորը` Ռոբերտ Մանուկյանին կալանավորելու որոշում է կայացրել։ Այս մասին Sputnik Արմենիայի հետ զրույցում ասաց Գլխավոր դատախազության հանրային կապերի բաժնի պետ Արևիկ Խաչատրյանը:

«Ռոբերտ Մանուկյանի պաշտպանը Երևանի ընդհանուր իրավասության դատարան միջնորդություն էր ներկայացրել գրավի դիմաց Մանուկյանին ազատ արձակելու վերաբերյալ: Դատարանը բավարարել էր այդ միջնորդությունը։ Դրանից հետո դատախազությունը Վերաքննիչ էր դիմել` բողոքարկելով որոշումը»,–ասաց նա։

Խաչատրյանը նշեց, որ Վերաքննիչը Մանուկյանի նկատմամբ գրավի կիրառումն անթույլատրելի է համարել և նրան կրկին կալանավորելու որոշում կայացրել:

Հիշեցնենք, որ Երևան-Սևան մայրուղու 15-րդ կմ հատվածում գտնվող կամրջի տակ նախապես տեղադրվել էր պայթուցիկ նյութ, որը 2019թ. օգոստոսի 2-ին` ժամը 12:30-ի սահմաններում, պայթեցվել էր «Շշի Մելոյի» «Ռենջ Ռովեր» մակնիշի ու նրան ուղեկցող «Նիսսան» և «Պատրուլ» տեսակի ավտոմեքենաների ընթացքի ժամանակ: Պայթյունի հետևանքով վնասվել էին ճանապարհով ընթացող Range Rover մակնիշի 555 LL 05 համարանիշի և Nissan մակնիշի 35 MD 686 համարանիշի ավտոմեքենաները, որոնցից առաջինը պատկանում է նախկին պատգամավորին, երկրորդ մեքենայի մեջ պայթյունի պահին եղել էին նրա թիկնապահները։ Ավելի ուշ մի քաղաքացի, առանց տեղում գործողություններ իրականացնող իրավապահների թույլտվության, պայթյունի հետևանքով վնասված մեքենաներից մեկով հեռացել էր՝ չենթարկվելով ոստիկանության ծառայողների օրինական պահանջներին։ Ձեռնարկված միջոցառումների արդյունքում կարճ ժամանակում մեքենան հայտնաբերվել և վերադարձվել է դեպքի վայր։ Իսկ դեպքի վայրից հեռացած քաղաքացուն հայտնաբերել ու ձերբակալել էին։

Ռոբերտ Մանուկյանը բերման էր ենթարկվել և ձերբակալվել օգոստոսի 3-ին: Նրան մեղադրանք էր առաջադրվել Երևան-Սևան ավտոճանապարհին տեղի ունեցած պայթյունից հետո իշխանության ներկայացուցչի նկատմամբ բռնություն գործադրելու և արդարադատության իրականացմանն ու քննությանը խոչընդոտելու համար։ 

«Շշի Մելոյի» մահափորձի գործով մեղադրանք է առաջադրվել նաև նրա եղբորը. ՔԿ

Նրան կալանավորել էին օգոստոսի 8-ին և գրավի դիմաց ազատ արձակել սեպտեմբերի 2-ին։

Ըստ թեմայի

«Շշի Մելոն» արտոնություն ստացավ նոր գործարանի համար
«Շշի Մելոյի» գործով կալանավորվել են «Բարութը», «Ֆիթիլն» ու «Պլաստմասը»
Նոր բացահայտումներ «Շշի Մելոյի» մահափորձից. պայթուցիկը գործի են դրել ռեստորանի շենքից
թեգերը:
կալանավորել, մահափորձ, Մելիք Մանուկյան (Շշի Մելո), Հայաստան

Գլխավոր թեմաներ