12:01 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Արսեն Բաբայան

Արսեն Բաբայանին թույլ են տվել հանդիպել կնոջը, երեխաներին ու մերձավոր ազգականներին

© Photo: Facebook / Arsen Babayan
Հայաստան
Ստանալ կարճ հղումը
76 0 0

Բաբայանի տեսակցությունների վրա դրված արգելանքը հանվել է քրեական վարույթն իրականացնող մարմնի որոշմամբ։

ԵՐԵՎԱՆ, 31 հոկտեմբերի — Sputnik. ԱԺ աշխատակազմի ղեկավարի նախկին տեղակալ Արսեն Բաբայանին թույլ է տրվել հանդիպել հարազատներին։ Sputnik Արմենիային այս տեղեկությունները հաստատեց ՀՔԾ մամուլի խոսնակ Մարինա Օհանջանյանը։

«Հանվել է տեսակցության արգելքը մերձավոր ազգականների նկատմամբ։ Երեխաներին կթույլատրվի հանդիպում միայն մոր ուղեկցությամբ»,– հայտնեց Օհանջանյանը։

Հիշեցնենք, որ կալանավորման պահից Բաբայանի տեսակցությունների վրա արգելանք էր դրվել քրեական վարույթն իրականացնող մարմնի` ՀՔԾ–ի որոշմամբ։

ԱԺ աշխատակազմի ղեկավարի նախկին տեղակալը ձերբակալվել է հոկտեմբերի 21-ի երեկոյան` պաշտոնեական կեղծիք կատարելու կասկածանքով։ Ավելի ուշ նրան մեկ այլ մեղադրանք է առաջադրվել ՀՀ քրեական օրենսգրքի 300-րդ հոդվածի 1-ին մասով (իշխանությունը յուրացնելուն օժանդակել)։ Հոկտեմբերի 24-ին Բաբայանը կալանավորվել է։ Հատուկ քննչական ծառայության պաշտոնական հիմնավորման համաձայն` պաշտոնական անձինք, որոնց թվում է նաև Բաբայանը, ՀՀ սահմանադրական դատարանի նախկին նախագահ Գագիկ Հարությունյանի` լիազորությունները վայր դնելու գործընթացում կատարել են պաշտոնեական կեղծիքներ։

Հայրապետյան. «Իրավական վերջին զարգացումները ՍԴ-ի դեմ սկսված օպերացիայի մասնիկներն են» 

Ըստ ՀՔԾ հաղորդագրության` Հարությունյանի` ՍԴ նախագահի պաշտոնից հրաժարվելու մասին դիմումը ՍԴ աշխատակազմի ընդհանուր բաժնից ելքագրվել և աշխատակազմի ղեկավարի միջոցով ԱԺ աշխատակազմի ղեկավարի տեղակալի պաշտոնակատար Արսեն Բաբայանին է հանձնվել 2018–ի մարտի 5-ին, մինչդեռ ԱԺ նախագահ Արա Բաբլոյանը, պաշտոնապես ստացած չլինելով Գագիկ Հարությունյանի հիշյալ դիմումը, 2018 թ. մարտի 2-ին ապօրինի ստորագրել և հանդես է եկել ՍԴ նախագահի հրաժարականի դիմում ներկայացնելու մասին հայտարարությամբ:

Արսեն Բաբայանի պաշտպանները ՄԻՊ–ից պահանջում են վերականգնել նրա խախտված իրավունքները

Ըստ թեմայի

«ՀՔԾ–ում բոլոր հարցերին հստակ պատասխանել եմ». Արա Բաբլոյանին մեղադրանք չի առաջադրվել
Արա Բաբլոյանին էլ մեղադրանք առաջադրվեց. նա պատրաստվում է ապացուցել, որ արդար է
Օրենքի առաջ բոլորը հավասար են. Ալեն Սիմոնյանը` Արա Բաբլոյանի մասին
թեգերը:
երեխա, Կին, կալանավոր, կալանք, Հատուկ քննչական ծառայություն (ՀՔԾ), ԱԺ, Արսեն Բաբայան

Գլխավոր թեմաներ