00:16 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Ալեն Սիմոնյան

Փորձում ենք լուծել ՀԱՊԿ անդամ երկրներից Ադրբեջանին զենք վաճառելու հարցը. Ալեն Սիմոնյան

© Sputnik / Asatur Yesayants
Հայաստան
Ստանալ կարճ հղումը
52 0 0

ՀՀ ԱԺ փոխնախագահ Ալեն Սիմոնյանը մեկնաբանել է Ադրբեջանի կողմից ՀԱՊԿ անդամ երկրներից զենք գնելու հարցը։

ԵՐԵՎԱՆ, 5 նոյեմբերի – Sputnik. Հայաստանը մշտապես բարձրացնում է ՀԱՊԿ անդամ երկրների կողմից Ադրբեջանին զենք վաճառելու հարցն ու փորձում է լուծում տալ դրան։ Այս մասին այսօր Երևանում ՀԱՊԿ Խորհրդարանական վեհաժողովի նիստում ասաց ՀՀ ԱԺ փոխնախագահ Ալեն Սիմոնյանը։

Այսօր Երևանում անցկացվում է ՀԱՊԿ Խորհրդարանական վեհաժողովի 12–րդ լիագումար նիստը, որը նախագահում է ՌԴ Պետդումայի խոսնակ Վյաչեսլավ Վոլոդինը։

Հայաստանին մատակարարած ռուսական զենքը չեզոքացրել է Բաքվի գերազանցությունը․ Եվսեև

Հարցին` արդյո՞ք պատգամավորները չեն հարցնում իրենց ռուս կամ բելառուս գործընկերներին` ինչու՞ են նրանք զենք վաճառում Բաքվին, Սիմոնյանը պատասխանեց, որ հայկական պատվիրակությունն  այս հարցն ամենահաճախն է բարձրացնում։ Հարցը բարձրացրել է  նաև վարչապետ Նիկոլ Փաշինյանը։ Սակայն մինչ այժմ լուծում չկա։

«Մեզ ասում են, որ եթե Ռուսաստանը չվաճառեր զենքը, մեկ այլ երկիր կվաճառեր, իսկ Հայաստանը Ռուսաստանից նույն  զենքը արտոնյալ գներով է ստանում։ Անձամբ ինձ համար սա անընդունելի է։ Այսինքն` հարցը կա, ու մենք փորձում ենք լուծել այն»,–ասաց ԱԺ փոխխոսնակը։

Սիմոնյանն ընդգծեց, որ Հայաստանի ղեկավարությունը ինչպես չի քննարկել, այնպես էլ չի քննարկում ՀԱՊԿ–ից դուրս գալու հնարավորությունը։

Հիշեցնենք` ՀԱՊԿ–ի անդամներն են Հայաստանը, Բելառուսը, Ռուսաստանը, Ղազախստանը, Ղրղըզստանն ու Տաջիկստանը։

Ըստ թեմայի

Ռուս պատգամավորներն ըմբռնումով մոտեցան երրորդ երկրներին զենք վաճառելու հարցին. Մելքումյան
«Իրականում». Զենքի առևտուրը ժամանակակից աշխարհում և՛ բիզնես է, և՛ քաղաքական լուրջ փաստարկ
Հնարավո՞ր է, որ Ֆրանսիան Ադրբեջանին զենք վաճառի. ՀՀ ԱԳՆ մեկնաբանությունը
Այս հարցում ունենք համազգային կոնսենսուս. Փաշինյանը` Բաքվին զենք մատակարարելու մասին
թեգերը:
Արցախ, Հայաստան, Հավաքական անվտանգության պայմանագիր կազմակերպություն (ՀԱՊԿ), Ռուսաստան, Զենք, Ալեն Սիմոնյան

Գլխավոր թեմաներ