21:04 20 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Ծաղկաձոր

Մաքսայինի նախկին պետի հյուրանոցն աճուրդի կհանվի. մեկնարկային գինն արդեն սահմանված է

© Sputnik / Lusine Adamyan
Հայաստան
Ստանալ կարճ հղումը
343 0 0

Պետգույքի կառավարման կոմիտեի նախագահն Ազգային ժողովում ասել է, թե ովքեր են հետաքրքրված հյուրանոցով` կարծիք հայտնելով, որ աճուրդի մասին հայտարարելուց հետո այն գնել ցանկացողների թիվը կմեծանա։

ԵՐԵՎԱՆ, 6 նոյեմբերի — Sputnik. Մաքսային կոմիտեի նախկին նախագահ Արմեն Ավետիսյանին պատկանող «Գոլդեն Փելես» հյուրանոցը դեկտեմբերին նոր սեփականատեր կունենա: Այս մասին ԱԺ-ում լրագրողների հետ զրույցում ասաց Պետական գույքի կառավարման կոմիտեի նախագահ Նարեկ Բաբայանը:

«Մենք պատրաստում ենք աճուրդով վաճառքի տարբերակը և հուսով ենք` շատ շուտով նախագիծը կներկայացնենք, ու կառավարությունն արագ կընդունի այն»,–ասաց նա։

Հյուրանոցով հետաքրքրվել են արտերկրում բնակվող հայ գործարարներ, որոնց թիվը, Բաբայանի խոսքով,գնալով ավելանում է։

«Այս խոսակցությունները, իհարկե, նպաստում են դրան։ Կլինեն մարդիկ, որոնք չեն հայտարարել իրենց հետաքրքրվածության մասին, բայց արդեն աճուրդը հայտարարելուց հետո հնարավոր է` ի հայտ գան»,– ասաց նա։

Հյուրանոցի վաճառքի մեկնարկային գինը, ըստ Բաբայանի, կսահմանվի շուրջ 17 մլն դոլար։

Հիշեցնենք` ՀՀ կառավարության սեպտեմբերի 26–ի նիստում որոշվեց ընդունել Մաքսային կոմիտեի նախկին նախագահ Արմեն Ավետիսյանին պատկանող Ծաղկաձորի «Գոլդեն Փելես» հյուրանոցը` որպես նվիրատվություն։

«Գոլդեն Փելեսով» հետաքրքրվողները շատ են. կառավարությունը դեռ մտածում է

Նախկին պաշտոնյան նման առաջարկ էր արել այն բանից հետո, երբ ԱԱԾ–ն բացահայտել էր նրան պատկանող երեք հյուրանոցներն անօրինական գումարներով կառուցելու փաստը։

2018թ.–ի նոյեմբերին ԱԱԾ քննչական վարչությունում հարուցվել էր քրեական գործ` Մաքսային պետական կոմիտեի նախկին նախագահ Արմեն Ավետիսյանի կողմից ձեռնարկատիրական գործունեությանն ապօրինի մասնակցելու և հանցավոր ճանապարհով ստացված առանձնապես խոշոր չափերով գումարներն օրինականացնելու (փողերի լվացում) փաստով։

«Գոլդեն Փելես» հյուրանոցը մինչև տարեվերջ կա՛մ կվաճառվի, կա՛մ աճուրդի կհանվի. Բաբայան

Ըստ մեղադրանքի` Արմեն Ավետիսյանն իր երեք հյուրանոցները կառուցել է ապօրինի ձեռք բերված միջոցներով, իսկ դրանց ծագումը թաքցնելու համար ներկայացրել իբրև արտասահմանյան ներդրում։

Երևանի Ազատության պողոտայում գտնվող «Գոլդեն Փելես» հյուրանոցային համալիրի կառուցումը, օրինակ, վերագրվել է Կիպրոսի օֆշորային գոտում հիմնադրված «Ռիվերհիլ Հոլդինգս» ընկերությանը։

Ըստ թեմայի

Մոտ 7 մլն դրամ` կոռուպցիայի դեմ պայքարելու համար
«Իշխանության ներկայացուցիչներին ճամպրուկներ չեն բերվելու». նախարարը` կոռուպցիայի մասին
Մեր պայքարը ձեր թալանին վնաս չէ. կոռուպցիայի դեմ 18-ամյա պայքարի նոր սկիզբը
Միլիարդներ են մսխվել. Համբարձում Մաթևոսյանը` կոռուպցիայի ու չարաշահումների մասին
Կոռուպցիա ասելով նկատի չունենք միայն նախկինը. Փաշինյանն ասել է` ինչպես պայքարել դրա դեմ
թեգերը:
ՀՀ կառավարություն, ՀՀ Ազգային ժողով, նախագիծ, Հյուրանոց, աճուրդ, Արմեն Ավետիսյան (Մաքսային կոմիտեի նախկին նախագահ), «Գոլդեն Փելես» հյուրանոց

Գլխավոր թեմաներ