23:08 12 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Նիկոլ Փաշինյան. արխիվային լուսանկար

Փաշինյանը դարձյալ անդրադարձել է ՀԴՄ–ների թեմային

© Sputnik / Asatur Yesayants.
Հայաստան
Ստանալ կարճ հղումը
56 0 0

Վարչապետը շնորհակալություն է հայտնել պարտաճանաչ կերպով ՀԴՄ կտրոններ տպող տնտեսվարողներին ու ՀԴՄ պահանջող քաղաքացիներին։

ԵՐԵՎԱՆ, 6 նոյեմբերի – Sputnik. 2019թ.–ի 9 ամիսներին տպագրված ՀԴՄ կտրոնների թիվն անցյալ տարվա նույն ժամանակահատվածի համեմատ ավելացել է 38.3 տոկոսով։

Այս մասին հայտնում է ՀՀ վարչապետ Նիկոլ Փաշինյանը` facebook-ի իր էջում։

Ըստ նրա` 2019թ.–ի հունվար–սեպտեմբերին 97 մլն 858 հազար 593 դրամի ՀԴՄ կտրոն ավելի է տպագրվել։

«Այս կտրոններով արձանագրված առևտրի շրջանառությունը աճել է 273 միլիարդ 887 միլիոն դրամով, որն առևտրի ընդհանուր շրջանառության 21.8 տոկոսն է»,– գրել է Փաշինյանը։

Վարչապետը շնորհակալություն է հայտնել բոլոր այն տնտեսվարողներին, ովքեր պարտաճանաչ ՀԴՄ կտրոններ են տրամադրում և այն քաղաքացիներին, ովքեր պարտաճանաչ պահանջում են:

«Նաև այս մարդկանց շնորհիվ է, որ մենք կարողանում ենք զինվորականների, հրշեջների, ուսուցիչների աշխատավարձ բարձրացնել, թոշակներ բարձրացնել, մեր զինվորներին ապահովել բարձրորակ սննդով, ասֆալտապատել հարյուրավոր կիլոմետր ճանապարհներ»,–նշել է Փաշինյանը։

Վարչապետը նաև հայտնել է, որ շարունակում են բազմաթիվ ահազանգեր ստանալ ՀԴՄ կտրոններ չտրամադրելու մասին։

«ՀԴՄ չտրամադրողը և ՀԴՄ չպահանջողը մասնակցում են մի գործընթացի, որով փաստացի գողացվում են զինվորի, ուսուցչի, թոշակառուի վիճակը բարելավելու համար նախատեսված ֆինանսական միջոցները»,–զգուշացնում է վարչապետը։

Հիշեցնենք` հոկտեմբերի 9-ին Հայաստանի տնտեսությանը նվիրված համաժողովում Նիկոլ Փաշինյանը հայտարարել էր, որ սեպտեմբերի 21-ին, Անկախության օրվա տոնակատարությունները Գյումրիում անցկացնելուց հետո, քաղաքում ընդամենը 10 մլն դրամի ՀԴՄ կտրոն էր տպագրվել։

Դա, նրա խոսքով, նույնքան է, որքան նախորդ օրերին։

Փաշինյանի համոզմամբ` այս օրինակը վկայում է, որ կառավարության ջանքերին ընդառաջ բիզնեսն առայժմ նույնիսկ կես քայլ չի անում։

Ի դեպ, վարչապետի այս հայտարարությունից որոշ ժամանակ անց ՊԵԿ–ը հայտարարեց, որ Շիրակի հարկային ծառայության պետն ազատվել է պաշտոնից։

Ըստ թեմայի

Փաշինյանը շնորհակալություն է հայտնում ՀԴՄ կտրոններ պահանջելու համար
ՊԵԿ-ը զրկվեց ՀԴՄ-ներ ներկրելու ու վաճառելու մենաշնորհից
Ավելի քիչ «ձախ» առևտուր. Հայաստանի խանութներում սկսել են ավելի շատ ՀԴՄ կտրոններ տրամադրել
Ինձ երկու կիլո գազ տվեք, բայց շատ տաք չլինի, ՀԴՄ–ն էլ չմոռանաք. լիցքավորման նոր մշակույթ
Նիկոլ Փաշինյանը շնորհակալություն է հայտնում ՀԴՄ կտրոն տպողներին ու պահանջողներին
թեգերը:
տնտեսություն, Հայաստան, ՀԴՄ, Նիկոլ Փաշինյան

Գլխավոր թեմաներ