04:17 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Սու-30ՍՄ կործանիչներ

Հայաստանը հիանալի ընտրություն է արել. ռուս գեներալ–գնդապետը` Սու-30ՍՄ կործանիչների մասին

© Sputnik / Александр Вильф
Հայաստան
Ստանալ կարճ հղումը
32820

Ռուսաստանի օդատիեզերական ուժերի նախկին գլխավոր հրամանատարը խոսել է Երևանի և Մոսկվայի ռազմատեխնիկական համագործակցության մասին։

ԵՐԵՎԱՆ, նոյեմբերի 7 — Sputnik, Աշոտ Սաֆարյան. Հայաստանը հիանալի ընտրություն է կատարել` որոշելով Ռուսաստանից գնել ՍՈւ-30 ՍՄ կործանիչներ։ Այդ մասին Sputnik Արմենիայի հետ զրույցում ասաց Ռուսաստանի Դաշնության խորհրդի պաշտպանության և անվտանգության հարցերով հանձնաժողովի ղեկավար, Ռուսաստանի օդատիեզերական ուժերի նախկին գլխավոր հրամանատար Վիկտոր Բոնդարևը։ Մենք զրուցեցինք Ռուսաստանի հերոս գեներալ–գնդապետի հետ հայ–ռուսական միջխորհրդարանական հանձնաժողովի նիստի կուլուարներում, որի անդամ է Բոնդարևը։

«Սու-30 ՍՄ–ները հիանալի ինքնաթիռներ են։ Դրանք կատարում են ինչպես օդային, այնպես էլ ցամաքային թիրախներին հարվածներ հասցնելու իրենց գործառույթներ։ Լինելով աշխարհի լավագույն ավիացիոն սպառազինություններից մեկը`դրանք լուծում են խնդիրների մի ամբողջ համալիր», – նշեց Բոնդարևը։

Ավելի վաղ Հայաստանի պաշտպանության նախարար Դավիթ Տոնոյանը հաղորդել է, որ Ռուսաստանից գնած Սու-30 ՍՄ կործանիչները Հայաստան կհասնեն 2020թ.–ի հունվար–փետրվար ամիսներին։ Հայտնի է նաև, որ հետագայում Հայաստանը մտադիր է ձեռք բերել ևս մի քանի նման մեքենաներ։

ՀՀ ԶՈւ համալրման հայ–ռուսական նոր գործարք. զենքի մասին չեն խոսելու, այն կցուցադրեն

Դրա հետ կապված` Բոնդարևը նշեց, որ Հայաստանի և Ռուսաստանի ռազմատեխնիկական համագործակցությունը բավական ամուր հիմքեր և երկար պատմություն ունի։

«Ռուսաստանում վերապատրաստում են անցնում բազմաթիվ հայ զինծառայողներ։ Ի դեպ, ռուսական բուհերում սովորում են հայկական տարբեր գերատեսչությունների ներկայացուցիչներ։ Ամբողջ տեխնիկան, որը պաշտպանում է Հայաստանի երկինքը և սահմանը, ռուսական է», – ասաց նա։

Մեկնաբանելով Գյումրու 102–րդ ռազմաբազայի մարտական հնարավորությունները կրկնապատկելու որոշումը` Բոնդարևը հայտարարեց, որ դա կապված է տարածաշրջանում ստեղծված լարված իրավիճակի հետ։

«Գյումրու ռազմաբազան և Էրեբունու ավիաբազան ծառայում են Հայաստանի պաշտպանությունն ամրապնդելուն։ Այս տարածաշրջանում իրավիճակը բավական լարված է։ Կարծում եմ, որ պաշտպանության նախարար Շոյգուի այս որոշումը շատ ճիշտ է։ Դա համապատասխանում է ինչպես Հայաստանի, այնպես էլ Ռուսաստանի շահերին», – հավելեց մեր զրուցակիցը։

Օրվա կադր. Հայաստանի պաշտպանության նախարարը ձեռքն է վերցրել Սու-30–ը

Պատասխանելով հարցին, թե հնարավոր է լրացուցիչ կործանիչներով ռուսական ավիաբազայի ուժեղացում, Բոնդարևն ասաց, որ դա կախված է հայկական կողմ ցանկությունից։ Նա համոզված է, որ «Էրեբունիում» գտնվող ՄիԳ–29 կործանիչները հաջողությամբ կատարում են իրենց առջև դրված խնդիրները։ Դրանց շահագործման ժամկետը դեռ չի լրացել, դեռ երկար կարող են ծառայել։

Ըստ թեմայի

Երևանը չորս Սու–30–ի գումարի մի մասն արդեն փոխանցել է Մոսկվային. Տոնոյան
Ինչպես «Մոսկվան վրեժ լուծեց Երևանից», կամ ադրբեջանական մի ապատեղեկատվության պատմություն
«Սու-30ՍՄ» չորս ինքնաթիռները ՀՀ կհասնեն դեկտեմբերին կամ հունվար-փետրվարին. նախարար

Գլխավոր թեմաներ