00:29 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Արսեն Բաբայան

Արսեն Բաբայանին կալանավորելու որոշումը բողոքարկվել է. պահանջում են ազատ արձակել նրան

© Facebook/Арсен Бабаян
Հայաստան
Ստանալ կարճ հղումը
57 0 0

Փաստաբանի խոսքով` Վերաքննիչ դատարանում դիմումը մուտք է եղել, սակայն որևէ դատավորի այն դեռ չի մակագրվել։

ԵՐԵՎԱՆ, 8 նոյեմբերի — Sputnik. ՀՀ Ազգային ժողովի աշխատակազմի ղեկավարի նախկին տեղակալ Արսեն Բաբայանին կալանավորելու առաջին ատյանի որոշումը բողոքարկվել է:

Այս մասին Sputnik Արմենիայի հետ զրույցում ասաց Արսեն Բաբայանի պաշտպան Երվանդ Վարոսյանը:

«Պահանջում ենք անհապաղ ազատ արձակել Արսեն Բաբայանին, բեկանել առաջին ատյանի դատարանի որոշումը։ Առաջին ատյանի դատարանն առանց որևէ անհրաժեշտ հիմքի անձին կալանքի է վերցրել»,-ասաց Վարոսյանը` հավելելով, որ դա ակնհայտ ապօրինի որոշում է:

Փաստաբանի խոսքով` Վերաքննիչ դատարանում դիմումը մուտք է եղել, սակայն որևէ դատավորի այն դեռ չի մակագրվել։ «Ենթադրում եմ՝ առաջին ատյանի վարույթին էին սպասում: Փաստաթղթերը պետք է հասնեն Վերաքննիչ դատարան, որպեսզի բողոքը մակագրվի»,–հավելեց նա:

Հիշեցնենք` ԱԺ աշխատակազմի ղեկավարի նախկին տեղակալը ձերբակալվել է հոկտեմբերի 21-ի երեկոյան` պաշտոնեական կեղծիք կատարելու կասկածանքով։ Ավելի ուշ նրան մեկ այլ մեղադրանք է առաջադրվել ՀՀ քրեական օրենսգրքի 300-րդ հոդվածի 1-ին մասով (իշխանությունը յուրացնելուն օժանդակել)։ Հոկտեմբերի 24-ին Բաբայանը կալանավորվել է։ Հատուկ քննչական ծառայության պաշտոնական հիմնավորման համաձայն` պաշտոնական անձինք, որոնց թվում է նաև Բաբայանը, ՀՀ սահմանադրական դատարանի նախկին նախագահ Գագիկ Հարությունյանի` լիազորությունները վայր դնելու գործընթացում կատարել են պաշտոնեական կեղծիքներ։

Արսեն Բաբայանի պաշտպանները ՄԻՊ–ից պահանջում են վերականգնել նրա խախտված իրավունքները

Ըստ ՀՔԾ հաղորդագրության` Հարությունյանի` ՍԴ նախագահի պաշտոնից հրաժարվելու մասին դիմումը ՍԴ աշխատակազմի ընդհանուր բաժնից ելքագրվել և աշխատակազմի ղեկավարի միջոցով ԱԺ աշխատակազմի ղեկավարի տեղակալի պաշտոնակատար Արսեն Բաբայանին է հանձնվել 2018–ի մարտի 5-ին, մինչդեռ ԱԺ նախագահ Արա Բաբլոյանը, պաշտոնապես ստացած չլինելով Գագիկ Հարությունյանի հիշյալ դիմումը, 2018 թ. մարտի 2-ին ապօրինի ստորագրել և հանդես է եկել ՍԴ նախագահի հրաժարականի դիմում ներկայացնելու մասին հայտարարությամբ:

Ըստ թեմայի

Արսեն Բաբայանի տեսակցությունների վրա արգելանք է դրված. քրեակատարողական ծառայություն
Մելոյան. «Արսեն Բաբայանի պարագայում գործ ունենք հանցակազմի հատկանիշների բացակայության հետ»
Վարոսյան. «Իսկ Արսեն Բաբայանին հարցրե՞լ են` ուզու՞մ է իրեն համաներում շնորհեն, թե՞ ոչ»
թեգերը:
կալանք, Դատարան, Երվանդ Վարոսյան, փաստաբան, Արսեն Բաբայան

Գլխավոր թեմաներ