08:35 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հայաստան
Ստանալ կարճ հղումը
83 0 0

ՌԴ դատարանը ՀՀ նախկին պատգամավոր Լևոն Սարգսյանին` «Ալրաղացի Լյովիկին» 40 օրով կալանավորելու միջնորդությունը բավարարել է։

ԵՐԵՎԱՆ, 25 նոյեմբերի — Sputnik. ՀՀ գլխավոր դատախազությունն անհրաժեշտ փաստաթղթերի փաթեթով ՌԴ գլխավոր դատախազությանն է ուղարկել ԱԺ նախկին պատգամավոր Լևոն Սարգսյանի` «Ալրաղացի Լյովիկի»  հանձնման միջնորդությունը: Այս մասին Facebook սոցիալական ցանցի իր էջում գրել է ՀՀ գլխավոր դատախազի խորհրդական Գոռ Աբրահամյանը։

«ՀՀ և ՌԴ դատախազությունների գործակցության արդյունքում ՌԴ դատարանը բավարարել է հանձնելու հարցը քննարկելու շրջանակներում Լևոն Սարգսյանին 40 օրով կալանավորելու` ՌԴ դատախազության միջնորդությունը»,-գրել է Աբրահամյանը։

Հիշեցնենք, որ նոյեմբերի 21–ին Մոսկվայում ՌԴ ոստիկանությունը հայտնաբերել ու ձերբակալել էր ԱԺ նախկին պատգամավոր Լևոն Սարգսյանին` «Ալրաղացի Լյովիկին»։

Ալրաղացի Լյովիկին պատկանող ընկերությունը սնանկ է ճանաչվել. ԶԼՄ

Սարգսյանին մեղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 1-2-րդ կետերի` ավազակության և 223-րդ հոդվածի 2-րդ մասի հատկանիշներով` հանցավոր համագործակցություն ստեղծելու կամ հանցավոր համագործակցությանը մասնակցելու հիմքերով։

Նշենք, որ 2018 թվականի հոկտեմբերի 1-ից հետախուզման մեջ էր։ Այժմ լուծվում է Սարգսյանի արտահանձնման հարցը:

Նա ԱԺ պատգամավոր է եղել 1999-2007 թվականներին: Այս տարվա մայիսին Հայաստանի գլխավոր դատախազ Արթուր Դավթյանը նշել էր, որ նախկին նախագահներ Ռոբերտ Քոչարյանի և Սերժ Սարգսյանի մերձավորներից մեկի` «Ալրաղացի Լյովիկի» թիկնազորն էլ, հետաքննության վարկածով, մասնակցել է 2008թ.-ի մարտի 1–ի ցույցերը ճնշելուն։

Ըստ թեմայի

«Ալրաղացի Լյովիկի» ազգականը` մաքսակետի պետ. ՊԵԿ–ի պարզաբանումները
Նոր զոհեր քրեաօլիգարխիկ համակարգում. հերթում են Լֆիկ Սամոն և Թոխմախի Մհերը. «Ժամանակ»
Գլխավոր դատախազը պարզաբանել է, թե ում թիկնազորն է ցրել մարտի 1–ի ցուցարարներին
Ոստիկանները մահակով ու հակագազով ցուցմունք են կորզում. մանրամասները ճշտվում են. տեսանյութ
թեգերը:
Ռուսաստան, ՀՀ դատախազություն, Լևոն Սարգսյան (Ալրաղացի Լյովիկ)

Գլխավոր թեմաներ