ԵՐԵՎԱՆ, 2 դեկտեմբերի — Sputnik. Այսօր երեկոյան ժամերին և առաջիկա գիշերը հանրապետության որոշ հատվածներում առատ ձյուն կտեղա։ Այս մասին Facebook–ի իր էջում գրել է ՀՀ ԱԻՆ «Հիդրոմետ» ծառայության պետ Գագիկ Սուրենյանը` հատկապես հրավիրելով վարորդների ուշադրությունը։
Ձմեռը մտնում է դերի մեջ. եղանակի տեսություն
«Ուշադրություն, հատկապես վարորդներին`դեկտեմբերի 2-ի երեկոյան ժամերին և 3-ի գիշերը Արագածոտնի, Կոտայքի, Վայոց Ձորի, Սյունիքի լեռնային շրջաններում և Գեղարքունիքում սպասվում են ձյան առատ տեղումներ՝ առանձին հատվածներում բուք, ճանապարհներին մերկասառույց»,–գրել է Սուրենյանը։
Ինչպես արդեն տեղեկացրել էինք, ՀՀ տարածքում կան դժվարանցանելի ավտոճանապարհներ։ Վարորդներին խորհուրդ է տրվում երթևեկել բացառապես ձմեռային անվադողերով։
Վարդենյաց լեռնանցքը կցորդիչով բեռնատարների համար փակ է, մյուսների համար՝ դժվարանցանելի: Սոթք-Քարվաճառ ավտոճանապարհը նույնպես դժվարանցանելի է:
Ստեփանծմինդա-Լարս ավտոճանապարհը կցորդիչով բեռնատարների համար փակ է, մյուսների համար՝ բաց: