06:33 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Հայաստան, արխիվային լուսանկար

Կովեր, խոզեր ու հավեր` 1000 աղքատ ընտանիքի. մեկնարկեց կառավարության նոր ծրագիրը

© Sputnik / Aram Nersesyan
Հայաստան
Ստանալ կարճ հղումը
65720

Աշխատանքի և սոցիալական հարցերի նախարարությունը մինչև տարեվերջ ձեռք է բերելու անասուններ և անասնակեր` մյուս տարվանից դրանք 1000 անապահով ընտանիքների բաշխելու նպատակով։ Ընտանիքները ներառվել են նախարարության` աղքատության փուլային հաղթահարման նոր ծրագրում։

ԵՐԵՎԱՆ, 2 դեկտեմբերի – Sputnik. Հայաստանի տասը մարզի 1000 անապահով ընտանիքներ մյուս տարվանից պետությունից անվճար կստանան անասուններ, անասնակեր և կկարողանան օգտվել անասնաբույժի ծառայություններից։ Այս մասին այսօր լրագրողների հետ հանդիպմանը հայտարարեց աշխատանքի և սոցիալական հարցերի նախարարի տեղակալ Ժաննա Անդրեասյանը։

«Ընտանիքների հետ սոցիալական աշխատողները տանելու են համալիր աշխատանք, հետևելու են, որ ընտանիքները ճիշտ տնօրինեն իրենց տրամադրված օգնությունը։ Անասուններին վաճառելու կամ մորթելու դեպքում նախատեսված է տուգանք», – հայտնեց Անդրեասյանը։

Ազնվամորու հեղափոխություն․ Հայաստանի լեռներում կանայք պայքարում են աղքատության դեմ

Նախարարությունն առանձնացրել է անապահովության նպաստ ստացող 29 հազար ընտանիքներից 1000–ը երեք չափանիշով` ընտանիքում երկու և ավելի անչափահաս երեխայի առկայություն, ընտանիքում գործազուրկ չափահասի առկայություն, ընտանիքում անասնապահությամբ զբաղվելու փորձ։ Ծրագրում ամենաշատ ընտանիքներ ներառվել են Գեղարքունիքից (228), Արագածոտնից (140) և, ըստ Վիճակագրական պետական կոմիտեի, երկրի ամենաաղքատ մարզից` Շիրակից (138)։ Արցախը ծրագրում ներառված չէ։

Ընտանիքներին տրամադրվող կենդանատեսակները տարբեր են` կովեր, հավեր, խոզեր, այծեր, ոչխարներ, հնդկահավեր և այլն։ Նախարարությունը կենդանիներին ձեռք է բերելու մինչև տարեվերջ։

«Ղումարբազությունը» դարձել է աշխատանք աղքատ բնակչության համար. Մեսրոպ Առաքելյան

«Սա փորձնական ծրագիր է, մենք նախատեսում ենք մեծացնել շահառու ընտանիքների քանակը։ Աղքատության հաղթահարումը կառավարության համար ամենակարևոր մարտահրավերներից է։ Մեր թե՛ օրենսդրական, թե՛ գործնական քայլերն ուղղված են բնակչությանն այդ վիճակից հանելու ուղղությամբ»,– մանրամասնեց Անդրեասյանը։

Ըստ Աշխատանքի և սոցիալական հարցերի նախարարության տվյալների` նախորդ տարվա համեմատ այս տարի աղքատությունը երկրում նվազել է 2.2%-ով, բայց բնակչության 20%-ից ավելին դեռևս ապրում է աղքատության մեջ։ Կառավարության գործնական քայլերից մեկն աղքատությունը հաղթահարելու ուղղությամբ նվազագույն աշխատավարձի բարձրացումն էր։ 2020թ.–ի հունվարի 1-ից նվազագույն աշխատավարձը Հայաստանում կբարձրանա 13 000 դրամով` ներկայիս 55 000–ի փոխարեն դառնալով 68 000 դրամ։

Ըստ թեմայի

Աղքատներն ավելի կաղքատանան, հարուստներն ավելի կհարստանան, գներն էլ կաճեն
Փաշինյանի խոստումները կամ ինչպես են աղքատության դեմ պայքարում աշխատատեղեր կրճատելով
Փաշինյանն ասաց` որքան գումար է պետք Հայաստանում ծայրահեղ աղքատությունը վերացնելու համար
«Աղքատությունը մարդկանց գլուխներում է». լավ, իսկ ինչի՞ համար են պետական մարմինները
թեգերը:
խոզ, հավ, կով, կառավարության ծրագիր, Մարզ, աղքատություն, Գյուղ, գյուղացի, Հայաստան

Գլխավոր թեմաներ