09:38 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հայաստան
Ստանալ կարճ հղումը
269 0 0

ՀՀ վարչապետ Նիկոլ Փաշինյանը կառավարության այսօրվա նիստում անկեղծացավ` ասելով,  թե ինչ ցանկություն է ունենում իր կուսակիցների ու պատգամավորների որոշ մեկնաբանություններ կարդալիս։

ԵՐԵՎԱՆ, 5 դեկտեմբերի — Sputnik. Հայաստանում ավտոմեքենաների ջարդոնները վերացնելու` կառավարության քայլերն առայժմ ցանկալի արդյունք չեն տալիս։ Այսօր կառավարության նիստում այս մասին ասաց ՀՀ վարչապետ Նիկոլ Փաշինյանը` էկոնոմիկայի նախարարից հետաքրքրվելով, թե  քանի ավտոմեքենայի կմախք է ուտիլիզացվել առ այսօր։

«Կազմակերպությունները վերջին 2 ամսվա ընթացքում 2600 տոննա ջարդոն են բրիկետների ձևով հավաքել, որի 95 տոկոսն այն մետաղներն են, որոնք ձևավորվել են մեքենաների կմախքներից։ Ընդ որում, 400 տոննան հավաքվել է վերջին 2 շաբաթվա ընթացքում, որը ևս 1100 մեքենայի ջարդոն է»,– ասաց նախարար Տիգրան Խաչատրյանը։

Բայց այս հարցում էլ, նախարարի խոսքով, խնդիր կա։ Տիգրան Խաչատրյանը նշեց, որ Կոտայքի մարզի Բալահովիտ համայնքի հարևանությամբ  ինքը նկատել է մեքենաների կմախքներ ու այդ մասին տեղյակ պահել համապատասխան կազմակերպությանը։

ԱԺ–ն մետաղի ջարդոնի ճանապարհին կանաչ լույս վառեց. արտահանողներին երկու ամիս է տրվել

«Բայց երբ գնացել են, ուզել են հավաքել, տերերը չեն տվել, ասել են` չէ, սա մեզ պետք է։ Այսինքն` կա գնորդ, բայց չի կարողանում հարաբերվել այն մարդկանց հետ, որոնք տվյալ գույքի սեփականատերն են»,– ասաց Խաչատրյանը։

Էկոնոմիկայի նախարարն առաջարկեց որպես հարցի լուծում` բնապահպանական վճարներ կիրառել միջավայրն աղտոտող նման ավտոմեքենաների տերերի նկատմամբ։

Նիկոլ Փաշինյանն էլ նշեց, որ մետաղի ջարդոնները հավաքելու` իրենց նախաձեռնությունը վերջերս նաև քաղաքական գնահատականի է արժանացել։

«Մեզ ասում են` դուք մարդկանց ստիպում եք, որ մետաղը ջրի գնով հանձնեն Սերժ Սարգսյանի հետ կապ ունեցող կազմակերպությանը։ Այն, որ այդ մետաղը 50 տարի մնացել է այնտեղ, ժանգոտել է, մի կոպեկի օգուտ չի տվել այդ մարդուն, ոչինչ։ Էլի գալիս է ներքաղաքական դավադրության թեման` սաղ հեղափոխությունը նրա համար էր, որ այս ժեշտի կուզովները տանեն էլի էդ ռեժիմի նպատակներին ծառայեն»,– ասաց նա։

Ի դեպ, Փաշինյանը չթաքցրեց, որ նման մեկնաբանություններ անողները երբեմն նաև իրենց կուսակցության անդամներ ու ԱԺ պատգամավորներ են։

«Ուզում ես պատուհանը բացես ու...,– ասաց վարչապետն ու ծիծաղեց,– դրա համար մեր անվտանգությունը պատուհաններն այնպես է դասավորել, որ չեն բացվում մեկ–երկու նման փորձից հետո։ Հիմա էլ տակը ցանցեր են ուզում դնեն»։

Կմնա՞ մետաղը Հայաստանում. արտահանման ու վերամշակման ոսկե միջինի փնտրտուքները

Նիստերի դահլիճում բարձրացած ծիծաղից հետո փոխվարչապետ Տիգրան Ավինյանը լուրջ հայտարարություն արեց։

Նրա խոսքով` նախ այդ մնացորդները պետք է համարվեն գույք ու հարկվեն որպես այդպիսին, մինչև որ տերերը որոշեն ազատվել դրանցից։

Ըստ թեմայի

Երևանում հավաքված լեգենդար ավտոմեքենան բագիների արտադրության սկիզբ դրեց
Անհայտ, բայց շատ կարևոր. ինչ ապրանքներ են ուզում արտադրել Հայաստանում 2019 թվականին
Մակնիշը՝ HOME-MADE, կամ ինչպես Ջրվեժում մաթեմատիկայի ուսուցիչը «մուտանտ» մեքենա ստեղծեց
թեգերը:
Մետաղի ջարդոն, ավտոմեքենա, ՀՀ կառավարություն, Սերժ Սարգսյան, Նիկոլ Փաշինյան

Գլխավոր թեմաներ