09:51 06 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
154 0 0

Քոչարյանի գործով դատախազը կարծում է, որ քանի դեռ ԱԱԾ–ն չի քննել դատավորին առնչվող քրգործը, նա չպետք է նախագահի նիստը։

ԵՐԵՎԱՆ, 6 դեկտեմբերի — Sputnik. ՀՀ երկրորդ նախագահ Ռոբերտ Քոչարյանի գործով դատախազ Գևորգ Բաղդասարյանը Վերաքննիչ քրեական դատարանի դատավոր Մխիթար Պապոյանին ինքնաբացարկի միջնորդություն ներկայացրեց։ Այս մասին Բաղդասարյանը հայտարարեց Քոչարյանի գործով ընթացող դատական նիստի ժամանակ։

Ավելի վաղ հայտնել էինք, որ Երևանի ընդհանուր իրավասության դատարանի կողմից Քոչարյանին գրավի դիմաց ազատ չարձակելու վերաբերյալ նրա պաշտպանները բողոք էին ներկայացրել Վերաքննիչ դատարան:

«ԱԱԾ–ում քննվող քրեական գործով այժմ ստուգվում է` արդյոք դատավոր Պապոյանը մասնակցե՞լ է Առաջին ատյանի դատարանի այն որոշման կազմմանը, ըստ որի` Քոչարյանն ազատ էր արձակվել։ Հաշվի առնելով այդ հանգամանքը` դատավոր Պապոյանին ինքնաբացարկի միջնորդություն ենք ներկայացնում»,–ասաց Բաղդասարյանը։

Прокурор Геворг Багдасарян на судебном заседании по делу экс-президента Роберта Кочаряна (6 декабря 2019). Еревaн
© Sputnik / Asatur Yesayants.
Գևորգ Բաղդասարյան

Նա հիշեցրեց, որ դեռևս մայիսին Facebook սոցցանցի օգտատերերից մեկը գրառում էր կատարել, թե Քոչարյանին ազատ արձակած դատավոր Դավիթ Գրիգորյանի որոշման կազմմանը մասնակցել է նաև Պապոյանը։ Դրանից հետո Պապոյանը հանցագործության մասին հաղորդում էր ներկայացրել իրեն զրպարտելու համար, և հենց սա էլ քննում է ԱԱԾ-ն։

Քոչարյանի պաշտպաններն առարկեցին դատախազի ներկայացրած միջնորդությունը։ Պաշտպան Հայկ Ալումյանը հիշեցրեց Քոչարյանի գործով Առաջին ատյանի դատարանի դատավոր Աննա Դանիբեկյանի հետ սեպտեմբերի 27–ին կատարված դեպքը, երբ երկու երիտասարդ նրան հետապնդել էին ու անհարկի հարցեր տվել, ճնշել նրան։ «Այժմ այդ երիտասարդների դեմ քրգործ է հարուցված, որն ընթացքի մեջ է։ Այսինքն` ունենք համանման իրավիճակ, սակայն դատախազն ինքնաբացարկի միջնորդություն չի ներկայացրել Դանիբեկյանին, քանի որ նախապես գիտեն` նա ինչ որոշում է կայացնելու և դա իրենց սրտով է լինելու»,–ասաց Ալումյանը։

Դրանից հետո իրավիճակը դատարանում լարվեց. դատախազ Բաղդասարյանն առարկեց Ալումյանի ասածը` սկսելով խոսել դատավորի հետ միաժամանակ և հակաճառել նրան։ Դատավոր Պապոյանը նշեց, որ եթե Բաղդասարյանին թվում է, որ դատավորը չի կարող նրա պես կտրուկ խոսել, ապա սխալվում է։

«Այնպես կպատասխանեմ` վատ վիճակում կհայտնվեք,– ասաց Պապոյանը։

Судья Мхитар Папоян на судебном заседании по делу экс-президента Роберта Кочаряна (6 декабря 2019). Еревaн
© Sputnik / Asatur Yesayants.
Մխիթար Պապոյան

Դատավորը գնաց խորհրդակցական սենյակ` որոշում կայացնելու։ Որոշման մասին դատավորը կհայտնի դեկտեմբերի 9–ին, ժամը 16–ին` հաջորդ դատական նիստի ժամանակ։

Հիշեցնենք` սեպտեմբերի 20–ին Երևանի ընդհանուր իրավասության դատարանը որոշում էր կայացրել մերժել Քոչարյանի խափանման միջոց կալանավորումը փոխելու` նրա պաշտպանների միջնորդությունը։

«Մարտի 1»-ի գործի շրջանակում Հայաստանի երկրորդ նախագահ Ռոբերտ Քոչարյանին մեղադրանք է առաջադրվել 2018–ի հուլիսի 26-ին ՀՀ քրեական օրենսգրքի 300.1-րդ հոդվածի 1-ին մասով առ այն, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Ըստ թեմայի

Ինձ համար տհաճ է կանգնել այստեղ ու փորձել համոզել, որ չեմ փախչելու. Ռոբերտ Քոչարյան
Պեսկովը խոսել է Ռոբերտ Քոչարյանի և Պուտին–Փաշինյան հարաբերությունների մասին
Ընդդիմություն պետք է, բայց ոչ Սերժ Սարգսյանը ու Ռոբերտ Քոչարյանը. Ալեն Սիմոնյան
թեգերը:
դատախազ, Դատավոր, Ռոբերտ Քոչարյան, Հայաստան

Գլխավոր թեմաներ