ԵՐԵՎԱՆ, 10 դեկտեմբերի — Sputnik. ՀՀ վարչապետ Նիկոլ Փաշինյանի որոշմամբ Վահե Դանիելյանը նշանակվել է արդարադատության փոխնախարար։ Այս մասին հայտնում է վարչապետի պաշտոնական կայքը։
«Ղեկավարվելով «Հանրային ծառայության մասին» ՀՀ օրենքի 9-րդ հոդվածի 1-ին մասով՝ Վահե Դանիելյանին նշանակել արդարադատության նախարարի տեղակալ»,–նշված է Փաշինյանի որոշման մեջ։
Վահե Դանիելյանը 2012–ին ՀՀ արդարադատության նախարարության աշխատակազմում որպես փորձագետ է աշխատել։ Եղել է ՀՀ նախագահի աշխատակազմի իրավաբանական վարչության առաջատար մասնագետ, ինչպես նաև աշխատել է Ազգային ժողովի աշխատակազմում ` որպես իրավաբանական վարչության գլխավոր մասնագետ։
2018 թ. հունիսի 8-ին նշանակվել է փոխվարչապետ Տիգրան Ավինյանի օգնական։