21:57 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56
Հայաստան
Ստանալ կարճ հղումը
376 0 0

Ռուսական կողմը պատրաստ է արտոնյալ պայմաններով աղբահավաք մեքենաներ մատակարարել Հայաստան։

ԵՐԵՎԱՆ, 12 դեկտեմբերի – Sputnik. Ռուսական ավտոգործարանները պատրաստ են Հայաստանին նոր կառուցվածքով աղբահավաք մեքենաներ առաջարկել։ Այս մասին Sputnik Արմենիա մամուլի կենտրոնում հրավիրված ասուլիսի ժամանակ ասաց Հայաստանում Ռուսաստանի առևտրային ներկայացուցիչ Անդրեյ Բաբկոն։

Վերջերս Երևանի քաղաքապետարանը մոտ 20 աղբահավաք «ԿամԱԶ» է ստացել։ Սակայն դրանք միայն խոշոր փոխադրումների համար են հարմար։ Այնինչ հարկավոր են այնպիսի մեքենաներ, որոնք կարող են անցնել նեղ փողոցներով ու բակեր մտնել։

торгпред России в Армении Андрей Бабко
© Sputnik / Aram Nersesyan ,
Հայաստանում Ռուսաստանի առևտրային ներկայացուցիչ Անդրեյ Բաբկո

«Մեր արտադրողները պատրաստ են արագորեն հարմարվել` ելնելով հանգամանքներից։ Օրինակ, կարող են «Գազելի» հիման վրա աղբահավաք մեքենաներ մատակարարել»,–նշեց Բաբկոն։

Նաև բանակցություններ են իրականացվում Երևանի քաղաքապետարանի համար ավտոբուսների ու տրոլեյբուսների մատակարարման վերաբերյալ։ Մի քանի գործարանների ներկայացուցիչներ արդեն հանդիպումներ են ունեցել Երևանի փոխքաղաքապետի հետ ու նրան ներդրումային ծրագրեր ներկայացրել։

«Դեռ ամեն ինչ բախվում է ֆինանսավորման հարցին։ Մեր պետական բանկերը արտոնյալ վարկեր են տրամադրում ռուսական ապրանքի համար, նաև սուբսիդավորվում են դրանց փոխադրումը։ Այսինքն` տրոլեյբուսը Երևանում կունենա գրեթե նույն արժեքը, ինչ գործարանից դուրս գալու ժամանակ։ Պարզապես ֆինանսավորում ու ինչ–որ գրավային բազա է պետք։ Ցավոք, երևանյան գործընկերները դեռ պատրաստ չեն դրան»,–ավելացրեց Բաբկոն։

Երեք նոր աղբահավաք ավտոմեքենա հայ–վրացական սահմանին է

Բաբկոն հիշեցրեց, որ արտոնությունների նույն մեխանիզմը գործում է նաև վերելակների (որոնք չափազանց մաշված են ինչպես Երևանում, այնպես էլ մարզերում)  մատակարարման համար։

Նշենք, որ Երևանում շահագործվում են 2000–ականների ռուսական տրոլեյբուսները, ու դեռ 80–ականներին եկած չեխոսլովակիական մոդելները։

Ըստ թեմայի

Աղբահանությունից մինչև բնակֆոնդ. Երևանի նախկին քաղաքապետը` խնդիրների և մեղավորների մասին
Քաղաքապետարանը թույլ չի տալիս, որ «Սանիթեքը» հավաքի իրեն պատկանող աղբադույլերը
Փնթի մարդիկ կամ Երևանի աղբի խնդիրը. աղբահավաքները ներկայացրել են տհաճ իրականությունը
թեգերը:
ասուլիս, Անդրեյ Բաբկո, Ռուսաստան, ավտոմեքենա, աղբաման, աղբ, Երևան

Գլխավոր թեմաներ