04:43 31 մարտի 2020
Ուղիղ եթեր
  • USD500.80
  • GBP620.19
  • EUR554.34
  • RUB6.30
Հայաստան
Ստանալ կարճ հղումը
Հայոց ցեղասպանություն (227)
85 0 0

Վեհափառը հայրապետը ողջունել է նաև ազգային բոլոր մեր հաստատությունների ու նվիրյալ անհատների տասնամյակների ազգանվեր աշխատանքը Հայոց ցեղասպանության միջազգային ճանաչման գործում։

ԵՐԵՎԱՆ, 13 դեկտեմբերի — Sputnik. Ամենայն Հայոց Կաթողիկոս Գարեգին Բ-ն ողջունել է ԱՄՆ Սենատի կողմից Հայոց Ցեղասպանության ճանաչման և դատապարտման բանաձևի ընդունումը:

«Մայր Աթոռ Սուրբ Էջմիածնից Հայրապետական մեր գնահատանքն ենք բերում ԱՄՆ Սենատի անդամներին եւ բանաձևը հեղինակած սենատորներին, ովքեր իրենց արդարամիտ կեցվածքը դրսեւորեցին ի նպաստ հայ ժողովրդի ու ի շահ Հայոց Ցեղասպանության ծանր հետևանքների հաղթահարման` բացելով մեր պահանջատիրության պատմական նոր էջը»,–ասված է կաթողիկոսի ուղերձում:

Վեհափառը հայրապետը ողջունել է նաև ազգային բոլոր մեր հաստատությունների ու նվիրյալ անհատների տասնամյակների ազգանվեր աշխատանքը Հայոց ցեղասպանության միջազգային ճանաչման ու դատապարտման ուղղությամբ ու քաջալերել նրանց այս պատասխանատու հանձնառությունը: «Մեծ աշխատանք ունենք անելու մեր ազգային իղձերին հասնելու ճանապարհին»,–գրել է Գարեգին Բ։

Հիշեցնենք` ԱՄՆ Սենատն երեկ` դեկտեմբերի 12–ին, միաձայն ընդունեց Հայոց ցեղասպանության ճանաչման բանաձևը։ Այն 4-րդ անգամ ներկայացրել էին սենատորներ Ռոբերտ Մենենդեսն ու Թեդ Քրուզը։

«Հանգիստ քնեք, իմ նախնիներ». Թինա Կանդելակիի գրառումն ու Մարգարիտա Սիմոնյանի արձագանքը

Հայոց ցեղասպանության մասին բանաձևը (S.Res.150) սահմանում է հրաժարվել Հայոց ցեղասպանությունը ժխտելուց, ԱՄՆ–ի կառավարության կողմից պաշտոնապես ճանաչել Հայոց ցեղասպանությունը և հարգել Ցեղասպանության զոհերի հիշատակը, իրազեկել Հայոց ցեղասպանության մասին` ապագայում նման հանցագործությունները կանխելու նպատակով։

թեմա:
Հայոց ցեղասպանություն (227)

Ըստ թեմայի

Շնորհակալություն ենք հայտնում Մենենդեսին, Քրուզին և Սենատի բոլոր անդամներին. Մնացականյան
Սենատորն արտասվել է Ցեղասպանության բանաձևի համար շնորհակալություն հայտնելիս. տեսանյութ
«Շնորհակալ եմ` նախնիներիս հիշատակը հարգելու համար». Սերժ Թանկյան
թեգերը:
բանաձև, Հայոց ցեղասպանություն, ԱՄՆ սենատ, Ամենայն Հայոց կաթողիկոս Գարեգին Բ

Գլխավոր թեմաներ